Texts

Help

Select a text:
Bibliography
Select a chapter:
 (no revisions)
Associated topic(s): dhanurveda

Show parallels  Show headlines
Use dependency labeler
Chapter id: 7281
  • Click on a sentence to show its analysis
  • Keep the mouse pointer over a lemma to show its meanings.
dhanurvedakathanaṃ
agnir uvāca / (1.1) Par.?
pūrṇāyataṃ dvijaḥ kṛtvā tato māṃsair gadāyudhān / (1.2) Par.?
sunirdhautaṃ dhanuḥ kṛtvā yajñabhūmau vidhāpayet // (1.3) Par.?
tato bāṇaṃ samāgṛhya daṃśitaḥ susamāhitaḥ / (2.1) Par.?
tūrṇamāsādya badhnīyādṛḍhāṃ kakṣāṃ ca dakṣiṇām // (2.2) Par.?
vilakṣyamapi tadbāṇaṃ tatra caiva susaṃsthitaṃ / (3.1) Par.?
tataḥ samuddhared bāṇaṃ tūṇāddakṣiṇapāṇinā // (3.2) Par.?
tenaiva sahitaṃ madhye śaraṃ saṃgṛhya dhārayet / (4.1) Par.?
vāmahastena vai kakṣāṃ dhanustasmātsamuddharet // (4.2) Par.?
aviṣaṇṇamatirbhūtvā guṇe puṅkhaṃ niveśayet / (5.1) Par.?
saṃpīḍya siṃhakarṇena puṅkhenāpi same dṛḍhaṃ // (5.2) Par.?
vāmakarṇopaviṣṭaṃ ca phalaṃ vāmasya dhārayet / (6.1) Par.?
varṇān madhyamayā tatra vāmāṅgulyā ca dhārayet // (6.2) Par.?
mano lakṣyagataṃ kṛtvā muṣṭinā ca vidhānavit / (7.1) Par.?
dakṣiṇe gātrabhāge tu kṛtvā varṇaṃ vimokṣayet // (7.2) Par.?
lalāṭapuṭasaṃsthānaṃ daṇḍaṃ lakṣye niveśayet / (8.1) Par.?
ākṛṣya tāḍayettatra candrakaṃ ṣoḍaśāṅgulam // (8.2) Par.?
muktvā bāṇaṃ tataḥ paścādulkāśikṣastadā tayā / (9.1) Par.?
nigṛhṇīyān madhyamayā tato 'ṅgulyā punaḥ punaḥ // (9.2) Par.?
akṣilakṣyaṃ kṣipettūṇāccaturasraṃ ca dakṣiṇam / (10.1) Par.?
caturasragataṃ vedhyamabhyaseccāditaḥ sthitaḥ // (10.2) Par.?
tasmādanantaraṃ tīkṣṇaṃ parāvṛttaṃ gataṃ ca yat / (11.1) Par.?
nimnamunnatavedhaṃ ca abhyaset kṣiprakaṃ tataḥ // (11.2) Par.?
vedhyasthāneṣvathaiteṣu sattvasya puṭakāddhanuḥ / (12.1) Par.?
hastāvāpaśataiścitraistarjayeddustarair api // (12.2) Par.?
tasmin vedhyagate vipra dve vedhye dṛḍhasaṃjñake / (13.1) Par.?
dve vedhye duṣkare vedhye dve tathā citraduṣkare // (13.2) Par.?
na tu nimnaṃ ca tīkṣṇaṃ ca dṛḍhavedhye prakīrtite / (14.1) Par.?
nimnaṃ duṣkaramuddiṣṭaṃ vedhyam ūrdhvagataṃ ca yat // (14.2) Par.?
mastakāyanamadhye tu citraduṣkarasaṃjñake / (15.1) Par.?
evaṃ vedhyagaṇaṃ kṛtvā dakṣiṇenetareṇa ca // (15.2) Par.?
ārohet prathamaṃ vīro jitalakṣastato naraḥ / (16.1) Par.?
eṣa eva vidhiḥ proktastatra dṛṣṭaḥ prayoktṛbhiḥ // (16.2) Par.?
adhikaṃ bhramaṇaṃ tasya tasmādvedhyāt prakīrtitam / (17.1) Par.?
lakṣyaṃ sa yojayettatra patripatragataṃ dṛḍham // (17.2) Par.?
bhrāntaṃ pracalitaṃ caiva sthiraṃ yacca bhavediti / (18.1) Par.?
samantāttāḍayed bhindyācchedayedvyathayedapi // (18.2) Par.?
karmayogavidhānajño jñātvaivaṃ vidhimācaret / (19.1) Par.?
manasā cakṣuṣā dṛṣṭyā yogaśikṣuryamaṃ jayet // (19.2) Par.?
ityāgneye mahāpurāṇe dhanurvede nāmonapañcāśadadhikadviśatatamo 'dhyāyaḥ // (20.1) Par.?
Duration=0.13337302207947 secs.