Texts

Help

Select a text:
Bibliography
Select a chapter:
 (no revisions)
Associated topic(s): Kashmirian Shivaism

Show parallels  Show headlines
Use dependency labeler
Chapter id: 348
  • Click on a sentence to show its analysis
  • Keep the mouse pointer over a lemma to show its meanings.
parā bhaṭṭārikā saṃvidicchāśaktipuraḥsaram // (1) Par.?
sthūlaprameyaparyantaṃ vamantī viśvam āntaram // (2) Par.?
pramātrantarbahīrūpahṛṣīkaviṣayātmanām // (3) Par.?
khecaryādipravāhāṇāṃ bāhyābhyantararūpiṇām // (4) Par.?
pravartakatvāt svacchatvagambhīratvādidharmataḥ // (5) Par.?
mahāhrado jagadvyāpī deśakālādyagocaraḥ // (6) Par.?
antas tasyānusaṃdhānāt tādātmyasyāvamarśanāt // (7) Par.?
akārādikṣakārāntaśabdarāśiprathātmanaḥ // (8) Par.?
kṣityādiśivaparyantatattvāntaḥkṣobhakāriṇaḥ // (9) Par.?
mantravīryasya sarveṣāṃ mantrāṇāṃ prāṇarūpiṇaḥ // (10) Par.?
parāhaṃtāparāmarśamayasyānubhavaḥ sphuṭam // (11) Par.?
akhilaṃ vācakaṃ vācyam aham ity avamarśanam // (12) Par.?
yoginaḥ sāvadhānasya bhavatīty eva śiṣyate // (13) Par.?
sphuṭīkaromi saṃkṣepāt tat prameyaṃ puroditam // (14) Par.?
mahāhrada iti proktā śaktir bhagavatī parā // (15) Par.?
anusaṃdhānam ityuktaṃ tattādātmyavimarśanam // (16) Par.?
mantravīryam iti proktaṃ pūrṇāhaṃtāvimarśanam // (17) Par.?
tadīyo 'nubhavas tasya sphuraṇaṃ svātmanaḥ sphuṭam // (18) Par.?
iti śrīśāmbhavopāyaprakāśanaparāyaṇaḥ // (19) Par.?
unmeṣaḥ prathamaḥ samyaksvarūponmeṣalakṣaṇaḥ // (20) Par.?
Duration=0.057135820388794 secs.