Texts

dvijātīnām adhyayanam ijyā dānam // (1.1) Par.?

brāhmaṇasyādhikāḥ pravacanayājanapratigrahāḥ // (2.1) Par.?

pūrveṣu niyamas tu // (3.1) Par.?

ācāryajñātipriyagurudhanavidyāniyameṣu brahmaṇaḥ saṃpradānam anyatra yathoktāt // (4.1) Par.?

kṛṣivāṇijye vāsvayaṃkṛte // (5.1) Par.?

kusīdaṃ ca // (6.1) Par.?

rājño 'dhikaṃ rakṣaṇaṃ sarvabhūtānām // (7.1) Par.?

nyāyyadaṇḍatvam // (8.1) Par.?

bibhṛyād brāhmaṇāñ śrotriyān // (9.1) Par.?

nirutsāhāṃś ca brāhmaṇān // (10.1) Par.?

akarāṃś ca // (11.1) Par.?

upakurvāṇāṃś ca // (12.1) Par.?

yogaś ca vijaye // (13.1) Par.?

bhaye viśeṣeṇa // (14.1) Par.?

caryā ca rathadhanurbhyām // (15.1) Par.?

saṅgrāme saṃsthānam anivṛttiś ca // (16.1) Par.?

na doṣo hiṃsāyām āhave // (17.1) Par.?

anyatra vyaśvasārathyāyudhakṛtāñjaliprakīrṇakeśaparāṅmukhopaviṣṭasthalavṛkṣādhirūḍhadūtagobrāhmaṇavādibhyaḥ // (18.1) Par.?

kṣatriyaś ced anyas tam upajīvet tadvṛttyā // (19.1) Par.?

jetā labheta sāṃgrāmikaṃ vittam // (20.1) Par.?

vāhanaṃ tu rājñaḥ // (21.1) Par.?

uddhāraś cāpṛthagjaye // (22.1) Par.?

anyat tu yathārhaṃ bhājayed rājā // (23.1) Par.?

rājño balidānaṃ karṣakairdaśamam aṣṭamaṃ ṣaṣṭhaṃ vā // (24.1) Par.?

paśuhiraṇyayor apy eke pañcāśadbhāgaḥ // (25.1) Par.?

viṃśatibhāgaḥ śulkaḥ paṇye // (26.1) Par.?

mūlaphalapuṣpauṣadhamadhumāṃsatṛṇendhanānāṃ ṣaṣṭhaḥ // (27.1) Par.?

tadrakṣaṇadharmitvāt // (28.1) Par.?

teṣu tu nityayuktaḥ syāt // (29.1) Par.?

adhikena vṛttiḥ // (30.1) Par.?

śilpino māsi māsy ekaikaṃ karma kuryuḥ // (31.1) Par.?

etenātmanopajīvino vyākhyātāḥ // (32.1) Par.?

naucakrīvantaś ca // (33.1) Par.?

bhaktaṃ tebhyo dadyāt // (34.1) Par.?

paṇyaṃ vaṇigbhir arthāpacayena deyam // (35.1) Par.?

pranaṣṭam asvāmikam adhigamya rājñe prabrūyuḥ // (36.1) Par.?

vikhyāpya saṃvatsaraṃ rājñā rakṣyam // (37.1) Par.?

ūrdhvam adhigantuś caturthaṃ rājñaḥ śeṣaḥ // (38.1) Par.?

svāmī rikthakrayasaṃvibhāgaparigrahādhigameṣu // (39.1) Par.?

brāhmaṇasyādhikaṃ labdham // (40.1) Par.?

kṣatriyasya vijitam // (41.1) Par.?

nidhyadhigamo rājadhanam // (42.1) Par.?

brāhmaṇasyābhirūpasya // (43.1) Par.?

abrāhmaṇo 'pyākhyātā ṣaṣṭhaṃ labhetetyeke // (44.1) Par.?

caurahṛtam apajitya yathāsthānam gamayet // (45.1) Par.?

kośād vā dadyāt // (46.1) Par.?

rakṣyaṃ bāladhanam ā vyavahāraprāpaṇāt // (47.1) Par.?

samāvṛtter vā // (48.1) Par.?

vaiśyasyādhikaṃ kṛṣivaṇikpāśupālyakusīdam // (49.1) Par.?

śūdraś caturtho varṇa ekajātiḥ // (50.1) Par.?

tasyāpi satyam akrodhaḥ śaucam // (51.1) Par.?

ācamanārthe pāṇipādaprakṣālanam evaike // (52.1) Par.?

śrāddhakarma // (53.1) Par.?

bhṛtyabharaṇam // (54.1) Par.?

svadāravṛttiḥ // (55.1) Par.?

paricaryā cottareṣām // (56.1) Par.?

tebhyo vṛttiṃ lipseta // (57.1) Par.?

tatra pūrvaṃ pūrvaṃ paricaret // (58.1) Par.?

jīrṇāny upānaṭchatravāsaḥkūrcādīni // (59.1) Par.?

ucchiṣṭāśanam // (60.1) Par.?

śilpavṛttiś ca // (61.1) Par.?

yaṃ cāryam āśrayed bhartavyas tena kṣīṇo 'pi // (62.1) Par.?

tena cottaraḥ // (63.1) Par.?

tadartho 'sya nicayaḥ syāt // (64.1) Par.?

anujñāto 'sya namaskāro mantraḥ // (65.1) Par.?

pākayajñaiḥ svayaṃ yajetetyeke // (66.1) Par.?

sarve cottarottaraṃ paricareyuḥ // (67.1) Par.?

āryānāryayor vyatikṣepe karmaṇaḥ sāmyam // (68.1) Par.?