Texts

tasyāśramavikalpam eke bruvate // (1.1) Par.?

brahmacārī gṛhastho bhikṣur vaikhānasaḥ // (2.1) Par.?

teṣāṃ gṛhastho yonir aprajanatvād itareṣām // (3.1) Par.?

tatroktaṃ brahmacāriṇaḥ // (4.1) Par.?

ācāryādhīnatvam āntam // (5.1) Par.?

guroḥ karmaśeṣeṇa japet // (6.1) Par.?

gurvabhāve tadapatyavṛttis tadabhāve vṛddhe sabrahmacāriṇyagnau vā // (7.1) Par.?

evaṃvṛtto brahmalokam āpnoti jitendriyaḥ // (8.1) Par.?

uttareṣāṃ caitadavirodhi // (9.1) Par.?

anicayo bhikṣuḥ // (10.1) Par.?

ūrdhvaretāḥ // (11.1) Par.?

dhruvaśīlo varṣāsu // (12.1) Par.?

bhikṣārthī grāmam iyāt // (13.1) Par.?

jaghanyam anivṛttaṃ caret // (14.1) Par.?

nivṛttāśīḥ // (15.1) Par.?

vākcakṣuḥkarmasaṃyataḥ // (16.1) Par.?

kaupīnācchādanārthe vāso bibhṛyāt // (17.1) Par.?

prahīṇam eke nirṇijya // (18.1) Par.?

nāviprayuktam oṣadhivanaspatīnām aṅgam upādadīta // (19.1) Par.?

na dvitīyām apartu rātriṃ grāme vaset // (20.1) Par.?

muṇḍaḥ śikhī vā // (21.1) Par.?

varjayed bījavadham // (22.1) Par.?

samo bhūteṣu hiṃsānugrahayoḥ // (23.1) Par.?

anārambhī // (24.1) Par.?

vaikhānaso vane mūlaphalāśī tapaḥśīlaḥ // (25.1) Par.?

śrāvaṇakenāgnim ādhāya // (26.1) Par.?

agrāmyabhojī // (27.1) Par.?

devapitṛmanuṣyabhūtarṣipūjakaḥ // (28.1) Par.?

sarvātithiḥ pratiṣiddhavarjam // (29.1) Par.?

vaiṣkam apyupayuñjīta // (30.1) Par.?

na phālakṛṣṭam adhitiṣṭhet // (31.1) Par.?

grāmaṃ ca na praviśet // (32.1) Par.?

jaṭilaś cīrājinavāsāḥ // (33.1) Par.?

nātisaṃvatsaraṃ bhuñjīta // (34.1) Par.?

ekāśramyaṃ tvācāryāḥ pratyakṣavidhānād gārhasthasya gārhasthasya // (35.1) Par.?