Texts

Help

Select a text:
Bibliography
Select a chapter:
 (no revisions)
Associated topic(s): purity, impurity, śuddhi, śodhana, śauca

Show parallels  Show headlines
Use dependency labeler
Chapter id: 8189
  • Click on a sentence to show its analysis
  • Keep the mouse pointer over a lemma to show its meanings.
śāvam āśaucaṃ daśarātram anṛtvigdīkṣitabrahmacāriṇāṃ sapiṇḍānām // (1.1) Par.?
ekādaśarātraṃ kṣatriyasya // (2.1) Par.?
dvādaśarātraṃ vaiśyasya // (3.1) Par.?
ardhamāsam eke // (4.1) Par.?
māsam śūdrasya // (5.1) Par.?
tac ced antaḥ punar āpateccheṣeṇa śudhyeran // (6.1) Par.?
rātriśeṣe dvābhyām // (7.1) Par.?
prabhāte tisṛbhiḥ // (8.1) Par.?
gobrāhmaṇahatānām anvakṣam // (9.1) Par.?
rājakrodhāc ca // (10.1) Par.?
yuddhe // (11.1) Par.?
prāyānāśakaśastrāgniviṣodakodbandhanaprapatanaiś cecchatām // (12.1) Par.?
piṇḍanivṛttiḥ saptame pañcame vā // (13.1) Par.?
janane 'pyevam // (14.1) Par.?
mātāpitros tat mātur vā // (15.1) Par.?
garbhamāsasamārātrīḥ sraṃsane garbhasya // (16.1) Par.?
tryahaṃ vā // (17.1) Par.?
śrutvā cordhvaṃ daśamyāḥ pakṣiṇīm // (18.1) Par.?
asapiṇḍe yonisaṃbandhe sahādhyāyini ca // (19.1) Par.?
sabrahmacāriṇy ekāham // (20.1) Par.?
śrotriye copasaṃpanne // (21.1) Par.?
pretopasparśane daśarātram āśaucam abhisaṃdhāya cet // (22.1) Par.?
uktaṃ vaiśyaśūdrayoḥ // (23.1) Par.?
ārtavīr vā // (24.1) Par.?
pūrvayoś ca // (25.1) Par.?
tryahaṃ vā // (26.1) Par.?
ācāryatatputrastrīyājyaśiṣyeṣu caivam // (27.1) Par.?
avaraś ced varṇaḥ pūrvavarṇam upaspṛśet pūrvo vāvaraṃ tatra śavoktam āśaucam // (28.1) Par.?
patitacaṇḍālasūtikodakyāśavaspṛṣṭitatspṛṣṭyupasparśane sacailodakopasparśanācchudhyet // (29.1) Par.?
śavānugamane ca // (30.1) Par.?
śunaś ca // (31.1) Par.?
yad upahanyād ity eke // (32.1) Par.?
udakadānaṃ sapiṇḍaiḥ kṛtacūḍasya // (33.1) Par.?
tatstrīṇāṃ ca // (34.1) Par.?
eke prattānām // (35.1) Par.?
adhaḥśayyāsanino brahmacāriṇaḥ sarve // (36.1) Par.?
na mārjayīran // (37.1) Par.?
na māṃsaṃ bhakṣayeyur ā pradānāt // (38.1) Par.?
prathamatṛtīyasaptamanavameṣūdakakriyā // (39.1) Par.?
vāsasāṃ ca tyāgaḥ // (40.1) Par.?
ante tvantyānām // (41.1) Par.?
dantajanmādi mātāpitṛbhyām // (42.1) Par.?
bāladeśāntaritapravrajitāsapiṇḍānāṃ sadyaḥ śaucam // (43.1) Par.?
rājñāṃ ca kāryavirodhāt // (44.1) Par.?
brāhmaṇasya ca svādhyāyanivṛttyarthaṃ svādhyāyanivṛttyartham // (45.1) Par.?
Duration=0.12097382545471 secs.