Texts

Help

Select a text:
Bibliography
Select a chapter:
 (no revisions)
Associated topic(s): eating, food, anna

Show parallels  Show headlines
Use dependency labeler
Chapter id: 8196
  • Click on a sentence to show its analysis
  • Keep the mouse pointer over a lemma to show its meanings.
praśastānāṃ svakarmasu dvijātīnāṃ brāhmaṇo bhuñjīta // (1.1) Par.?
pratigṛhṇīyāc ca // (2.1) Par.?
edhodakayavasamūlaphalamadhvabhayābhyudyataśayyāsanāvasathayānapayodadhidhānāśapharīpriyaṅgusrañmārgaśākāny apraṇodyāni sarveṣām // (3.1) Par.?
pitṛdevagurubhṛtyabharaṇe 'pyanyat // (4.1) Par.?
vṛttiś cennāntareṇa śūdrāt // (5.1) Par.?
paśupālakṣetrakarṣakakulasaṃgatakārayitṛparicārakā bhojyānnāḥ // (6.1) Par.?
vaṇik cāśilpī // (7.1) Par.?
nityam abhojyam // (8.1) Par.?
keśakīṭāvapannam // (9.1) Par.?
rajasvalākṛṣṇaśakunipadopahatam // (10.1) Par.?
bhrūṇaghnāvekṣitam // (11.1) Par.?
bhāvaduṣṭam // (12.1) Par.?
gavopaghrātam // (13.1) Par.?
śuktaṃ kevalam adadhi // (14.1) Par.?
punaḥ siddham // (15.1) Par.?
paryuṣitam aśākabhakṣasnehamāṃsamadhūni // (16.1) Par.?
utsṛṣṭapuṃścalyabhiśastānapadeśyadaṇḍikatakṣakadaryabandhanikacikitsakamṛgayvaniṣucāryyucchiṣṭabhojigaṇavidviṣāṇānām // (17.1) Par.?
apaṅktyānāṃ prāgdurvālāt // (18.1) Par.?
vṛthānnācamanotthānavyapetāni // (19.1) Par.?
samāsamābhyāṃ viṣamasame pūjātaḥ // (20.1) Par.?
anarcitaṃ ca // (21.1) Par.?
goś ca kṣīram anirdaśāyāḥ sūtake // (22.1) Par.?
ajāmahiṣyoś ca // (23.1) Par.?
nityam āvikam apeyam auṣṭram aikaśaphaṃ ca // (24.1) Par.?
syandinīyamasūsaṃdhinīnāṃ ca // (25.1) Par.?
vivatsāyāś ca // (26.1) Par.?
pañcanakhāś cāśalyakaśaśaśvāvidgodhākhaḍgakacchapāḥ // (27.1) Par.?
ubhayatodatkeśyalomaikaśaphakalaviṅkaplavacakravākahaṃsāḥ // (28.1) Par.?
kākakaṅkagṛdhraśyenā jalajā raktapādatuṇḍā grāmyakukkuṭasūkarāḥ // (29.1) Par.?
dhenvanaḍuhau ca // (30.1) Par.?
apannadannavasannavṛthāmāṃsāni // (31.1) Par.?
kisalayakyākulaśunaniryāsāḥ // (32.1) Par.?
lohitā vraścanāḥ // (33.1) Par.?
nicudārubakabalākāśukamadguṭiṭṭibhamāndhālanaktacarā abhakṣyāḥ // (34.1) Par.?
bhakṣyāḥ pratudaviṣkirajālapādāḥ // (35.1) Par.?
matsyāś cāvikṛtāḥ // (36.1) Par.?
vadhyāś ca dharmārthe // (37.1) Par.?
vyālahatādṛṣṭadoṣavākpraśastān abhyukṣyopayuñjītopayuñjīta // (38.1) Par.?
Duration=0.088418960571289 secs.