Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 13049
  • Click on a sentence to show its analysis
  • Keep the mouse pointer over a lemma to show its meanings.
bhūyāṃsi havīṃṣi bhavanti / (1.1) Par.?
agnicityāyāṃ yad u cānagnicityāyām atīni ha karmāṇi santi yānyanyatkarmāti tānyatīni teṣāmagnicityā rājasūyo vājapeyo 'śvamedhas tad yat tānyanyāni karmāṇyati tasmāt tānyatīni // (1.2) Par.?
āgnāvaiṣṇava ekādaśakapālaḥ / (2.1) Par.?
tadadhvarasya dīkṣaṇīyaṃ vaiśvānaro dvādaśakapāla ādityaśca caruste agneḥ // (2.2) Par.?
sa yadāgnāvaiṣṇavameva nirvapet / (3.1) Par.?
netare haviṣī adhvarasyaiva dīkṣaṇīyaṃ kṛtaṃ syānnāgneratha yad itare eva haviṣī nirvapennāgnāvaiṣṇavamagnereva dīkṣaṇīyaṃ kṛtaṃ syānnādhvarasya // (3.2) Par.?
ubhayāni nirvapati / (4.1) Par.?
adhvarasya cāgneścobhayaṃ hyetatkarmādhvarakarma cāgnikarma cādhvarasya pūrvamathāgner upāyi hyetatkarma yadagnikarma // (4.2) Par.?
sa ya eṣa āgnāvaiṣṇavaḥ / (5.1) Par.?
tasya tadeva brāhmaṇaṃ yatpuraścaraṇe vaiśvānaro dvādaśakapālo vaiśvānaro vai sarve 'gnayaḥ sarveṣāmagnīnāmupāptyai dvādaśakapālo dvādaśa māsāḥ saṃvatsaraḥ saṃvatsaro vaiśvānaraḥ // (5.2) Par.?
yad v evaitaṃ vaiśvānaraṃ nirvapati / (6.1) Par.?
vaiśvānaraṃ vā etamagniṃ janayiṣyanbhavati tametatpurastāddīkṣaṇīyāyāṃ reto bhūtaṃ siñcati yādṛgvai yonau retaḥ sicyate tādṛgjāyate tadyadetamatra vaiśvānaraṃ reto bhūtaṃ siñcati tasmādeṣo 'mutra vaiśvānaro jāyate // (6.2) Par.?
yad v evaite haviṣī nirvapati / (7.1) Par.?
kṣatraṃ vai vaiśvānaro viḍeṣa ādityaścaruḥ kṣatraṃ ca tadviśaṃ ca karoti vaiśvānaram pūrvaṃ nirvapati kṣatraṃ tatkṛtvā viśe karoti // (7.2) Par.?
eka eṣa bhavati / (8.1) Par.?
ekadevatya ekasthaṃ tatkṣatramekasthāṃ śriyaṃ karoti caruritaro bahudevatyo bhūmā vā eṣa taṇḍulānāṃ yaccarurbhūmo eṣa devānāṃ yadādityā viśi tadbhūmānaṃ dadhātītyadhidevatam // (8.2) Par.?
athādhyātmam / (9.1) Par.?
śira eva vaiśvānara ātmaiṣa ādityaścaruḥ śiraśca tadātmānaṃ ca karoti vaiśvānaram pūrvaṃ nirvapati śirastatkṛtvātmānaṃ karoti // (9.2) Par.?
eka eṣa bhavati / (10.1) Par.?
ekamiva hi śiraścaruritaro bahudevatyo bhūmā vā eṣa taṇḍulānāṃ yaccarurbhūmo eṣo 'ṅgānāṃ yadātmātmaṃstadaṅgānām bhūmānaṃ dadhāti // (10.2) Par.?
ghṛta eṣa bhavati / (11.1) Par.?
ghṛtabhājanā hyādityāḥ svenaivainānetadbhāgena svena rasena prīṇātyupāṃśvetāni havīṃṣi bhavanti reto vā atra yajña upāṃśu vai retaḥ sicyate // (11.2) Par.?
athaudgrabhaṇāni juhoti / (12.1) Par.?
audgrabhaṇairvai devā ātmānamasmāllokātsvargaṃ lokamabhyudagṛhṇata yadudagṛhṇata tasmādaudgrabhaṇāni tathaivaitadyajamāna audgrabhaṇairevātmānamasmāllokātsvargaṃ lokamabhyudgṛhṇīte // (12.2) Par.?
tāni vai bhūyāṃsi bhavanti / (13.1) Par.?
agnicityāyāṃ yadu cānagnicityāyāṃ tasyākto bandhurubhayāni bhavanti tasyokto 'dhvarasya pūrvāṇyathāgnestasyo evoktaḥ // (13.2) Par.?
pañcādvarasya juhoti / (14.1) Par.?
pāṅkto yajño yāvānyajño yāvatyasya mātrā tāvataivainametadreto bhūtaṃ siñcati saptāgneḥ saptacitiko 'gniḥ sapta 'rtavaḥ saṃvatsaraḥ saṃvatsaro 'gniryāvānagniryāvatyasya mātrā tāvataivainametadreto bhūtaṃ siñcati tānyubhayāni dvādaśa sampadyante dvādaśa māsāḥ saṃvatsaraḥ saṃvatsaro 'gniryāvānaxx // (14.2) Par.?
sa juhoti / (15.1) Par.?
ākūtimagniṃ prayujaṃ svāhetyākūtādvā etadagre karma samabhavattadevaitadetasmai karmaṇe prayuṅkte // (15.2) Par.?
mano meghāmagnim prayujaṃ svāheti / (16.1) Par.?
manaso vā etadagre karma samabhavattadevaitadetasmai karmaṇe prayuṅkte // (16.2) Par.?
cittaṃ vijñātamagnim prayujaṃ svāheti / (17.1) Par.?
cittādvā etadagre karma samabhavattadevaitadetasmai karmaṇe prayuṅkte // (17.2) Par.?
vāco vidhṛtimagnim prayujaṃ svāheti / (18.1) Par.?
vāco vā etadagre karma samabhavattāmevaitadetasmai karmaṇe prayuṅkte // (18.2) Par.?
prajāpataye manave svāheti / (19.1) Par.?
prajāpatirvai manuḥ sa hīdaṃ sarvamamanuta prajāpatirvā etadagre karmākarottam evaitadetasmai karmaṇe prayuṅkte // (19.2) Par.?
agnaye vaiśvānarāya svāheti / (20.1) Par.?
saṃvatsaro vā agnirvaiśvānaraḥ saṃvatsaro vā etadagre karmākarottamevaitad etasmai karmaṇe prayuṅkte // (20.2) Par.?
atha sāvitrīṃ juhoti / (21.1) Par.?
savitā vā etadagre karmākarottamevaitadetasmai karmaṇe prayuṅkte viśvo devasya netur marto vurīta sakhyam viśvo rāya iṣudhyati dyumnaṃ vṛṇīta puṣyase svāheti yo devasya savituḥ sakhyaṃ vṛṇīte sa dyumnaṃ ca puṣṭiṃ ca vṛṇīta eṣa asya sakhyaṃ vṛṇīte ya etatkarma karoti // (21.2) Par.?
tānyu haike / (22.1) Par.?
ukhāyāmevaitānyaudgrabhaṇāni juhvati kāmebhyo vā etāni hūyanta ātmo eṣa yajamānasya yadukhātmanyajamānasya sarvānkāmānpratiṣṭhāpayāma iti na tathā kuryādetasya vai yajñasya saṃsthitasyaitāsāmāhutīnāṃ yo rasastadetadarciryaddīpyate tadyatsaṃsthite yajñe huteṣvaudgrabhaṇeṣūkhām pravṛṇakti tadenāmeṣa yaxx // (22.2) Par.?
muñjakulāyenāvastīrṇā bhavati / (23.1) Par.?
ādīpyāditi nveva yadveva muñjakulāyena yonireṣāgneryanmuñjo na vai yonir garbhaṃ hinastyahiṃsāyai yonirvai jāyamāno jāyate yonerjāyamāno jāyātā iti // (23.2) Par.?
śaṇakulāyamantaram bhavati / (24.1) Par.?
ādipyāditi nveva yadveva śaṇakulāyam prajāpatiryasyai yonerasṛjyata tasyā umā ulbamāsañchaṇā jarāyu tasmātte pūtayo jarāyu hi te na vai jarāyu garbhaṃ hinastyahiṃsāyai jarāyuṇo vai jāyamaano jāyate jarāyuṇo jāyamāno jāyātā iti // (24.2) Par.?
Duration=0.18166995048523 secs.