Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 1041
  • Click on a sentence to show its analysis
  • Keep the mouse pointer over a lemma to show its meanings.
yathecchābhyarthito dhātā jāgrato 'rthān hṛdi sthitān / (1.1) Par.?
somasūryodayaṃ kṛtvā sampādayati dehinaḥ // (1.2) Par.?
tathā svapne 'pyabhīṣṭārthān praṇayasyānatikramāt / (2.1) Par.?
nityaṃ sphuṭataraṃ madhye sthito'vaśyaṃ prakāśayet // (2.2) Par.?
anyathā tu svatantrā syāt sṛṣṭis taddharmakatvataḥ / (3.1) Par.?
satataṃ laukikasyeva jāgratsvapnapadadvaye // (3.2) Par.?
yathā hy artho 'sphuṭo dṛṣṭaḥ sāvadhāne'pi cetasi / (4.1) Par.?
bhūyaḥ sphuṭataro bhāti svabalodyogabhāvitaḥ // (4.2) Par.?
tathā yatparamārthena yena yatra yathā sthitam / (5.1) Par.?
tattathā balamākramya na cirāt sampravartate // (5.2) Par.?
durbalo'pi tadākramya yataḥ kārye pravartate / (6.1) Par.?
ācchādayedbubhukṣāṃ ca tathā yo 'tibubhukṣitaḥ // (6.2) Par.?
anenādhiṣṭhite dehe yathā sarvajñatādayaḥ / (7.1) Par.?
tathā svātmanyadhiṣṭhānāt sarvatraivaṃ bhaviṣyati // (7.2) Par.?
glānir viluṇṭhikā dehe tasyāścājñānataḥ sṛtiḥ / (8.1) Par.?
tadunmeṣaviluptaṃ cet kutaḥ sā syādahetukā // (8.2) Par.?
ekacintāprasaktasya yataḥ syād aparodayaḥ / (9.1) Par.?
unmeṣaḥ sa tu vijñeyaḥ svayaṃ tamupalakṣayet // (9.2) Par.?
ato bindur ato nādo rūpam asmād ato rasaḥ / (10.1) Par.?
pravartante 'cireṇaiva kṣobhakatvena dehinaḥ // (10.2) Par.?
didṛkṣayeva sarvārthān yadā vyāpyāvatiṣṭhate / (11.1) Par.?
tadā kiṃ bahunoktena svayam evāvabhotsyate // (11.2) Par.?
prabuddhaḥ sarvadā tiṣṭhejjñānenālokya gocaram / (12.1) Par.?
ekatrāropayetsarvaṃ tato 'nyena na pīḍyate // (12.2) Par.?
śabdarāśisamutthasya śaktivargasya bhogyatām / (13.1) Par.?
kalāviluptavibhavo gataḥ sansa paśuḥ smṛtaḥ // (13.2) Par.?
parāmṛtarasāpāyas tasya yaḥ pratyayodbhavaḥ / (14.1) Par.?
tenāsvatantratāmeti sa ca tanmātragocaraḥ // (14.2) Par.?
svarūpāvaraṇe cāsya śaktayaḥ satatotthitāḥ / (15.1) Par.?
yataḥ śabdānuvedhena na vinā pratyayodbhavaḥ // (15.2) Par.?
seyaṃ kriyātmikā śaktiḥ śivasya paśuvartinī / (16.1) Par.?
bandhayitrī svamārgasthā jñātā siddhyupapādikā // (16.2) Par.?
tanmātrodayarūpeṇa mano'hambuddhivartinā / (17.1) Par.?
puryaṣṭakena saṃruddhas tadutthaṃ pratyayodbhavam // (17.2) Par.?
bhuṅkte paravaśo bhogaṃ tadbhāvātsaṃsaredataḥ / (18.1) Par.?
saṃsṛtipralayasyāsya kāraṇaṃ sampracakṣmahe // (18.2) Par.?
yadā tv ekatra saṃrūḍhas tadā tasya layodayau / (19.1) Par.?
niyacchan bhoktṛtām eti tataś cakreśvaro bhavet // (19.2) Par.?
Duration=0.17315697669983 secs.