Texts

Help

Select a text:
Bibliography
Select a chapter:
 (no revisions)
Associated topic(s): cremation ground, śmaśāna, death rites, funeral rites, aurdhvadehika, pitṛmedha, pretakārya, rituals for the dead, funeral rites

Show parallels  Show headlines
Use dependency labeler
Chapter id: 16330
  • Click on a sentence to show its analysis
  • Keep the mouse pointer over a lemma to show its meanings.
antardhāyo haike nivapanti / (1.1) Par.?
devāś cāsurāś cobhaye prājāpatyā asmiṃl loke 'spardhanta / (1.2) Par.?
te devā asurānt sapatnān bhrātṛvyān asmāl lokād anudanta / (1.3) Par.?
tasmād yā daivyaḥ prajā anantarhitāni tāḥ śmaśānāni kurvate 'tha yā āsuryaḥ prācyās tvad ye tvad antarhitāni te camvāṃ tvad yasmiṃs tvat // (1.4) Par.?
athainat pariśridbhiḥ pariśrayati / (2.1) Par.?
yā evāmūḥ pariśritas tā etā yajuṣā tāḥ pariśrayati tūṣṇīm imāḥ / (2.2) Par.?
daivaṃ tat pitryam ca vyākaroti / (2.3) Par.?
aparimitābhiḥ / (2.4) Par.?
aparimito hy asau lokaḥ // (2.5) Par.?
athainat palāśaśākhayā vyudūhati / (3.1) Par.?
yad evādo vyudūhanaṃ tad etad apeto yantu paṇayo 'sumnā devapīyava iti / (3.2) Par.?
paṇīnevaitad asumnān devapīyūn asurarakṣasāny asmāl lokād apahanti / (3.3) Par.?
asya lokaḥ sutāvata iti / (3.4) Par.?
sutavān hi ya ījānaḥ / (3.5) Par.?
dyubhir ahobhir aktubhir vyaktam iti / (3.6) Par.?
tad enam ṛtubhiś cāhorātraiś ca salokaṃ karoti // (3.7) Par.?
yamo dadātv avasānam asmā iti / (4.1) Par.?
yamo ha vā asyām avasānasyeṣṭe / (4.2) Par.?
tam evāsmā asyāmavasānaṃ yācati / (4.3) Par.?
tāṃ dakṣiṇodasyaty udag itarām / (4.4) Par.?
daivaṃ caiva tat pitryaṃ ca vyākaroti // (4.5) Par.?
atha dakṣiṇataḥ sīram yunakti / (5.1) Par.?
uttarata ity u haika āhuḥ / (5.2) Par.?
sa yathā kāmayeta tathā kuryāt / (5.3) Par.?
yuṅkteti saṃpreṣyābhimantrayate / (5.4) Par.?
savitā te śarīrebhyaḥ pṛthivyāṃ lokam icchatv iti savitaivāsyaitaccharīrebhyaḥ pṛthivyāṃ lokam icchati / (5.5) Par.?
tasmai yujyantām usriyā ity etasmā u hi karmaṇa usriyā yujyante // (5.6) Par.?
ṣaḍgavam bhavati / (6.1) Par.?
ṣaḍ ṛtavaḥ saṃvatsaraḥ / (6.2) Par.?
ṛtuṣv evainam etat saṃvatsare pratiṣṭhāyām pratiṣṭhāpayati / (6.3) Par.?
tad apasalavi paryāhṛtyottarataḥ pratīcīm prathamāṃ sītām kṛṣati vāyuḥ punātv iti savitā punātv iti jaghanārdhena dakṣiṇāgner bhrājaseti dakṣiṇārdhena prācīṃ sūryasya varcasety agreṇodīcīm // (6.4) Par.?
catasraḥ sītā yajuṣā kṛṣati / (7.1) Par.?
tad yac catasṛṣu dikṣv annaṃ tasminn evainam etat pratiṣṭhāpayati / (7.2) Par.?
tad vai yajuṣāddhā vai tad yad yajur addho tad yad imā diśaḥ // (7.3) Par.?
athātmānam vikṛṣati / (8.1) Par.?
tad yad eva saṃvatsare 'nnaṃ tasminn evainam etat pratiṣṭhāpayati / (8.2) Par.?
tūṣṇīm aparimitābhiḥ / (8.3) Par.?
aparimito hy asau lokaḥ // (8.4) Par.?
athainad vimuñcati kṛtvā tat karma yasmai karmaṇa enad yuṅkte vimucyantām usriyā iti / (9.1) Par.?
etasmā u hi karmaṇa usriyā yujyante / (9.2) Par.?
tad dakṣiṇodasyaty udag itarat / (9.3) Par.?
daivaṃ caiva tat pitryam ca vyākaroti // (9.4) Par.?
Duration=0.13560104370117 secs.