Texts

maitreya uvāca / (1.1) Par.?

kathito bhavatā vaṃśo mānavānāṃ mahāmune / (1.2) Par.?

kāraṇaṃ cāsya jagato viṣṇur eva sanātanaḥ // (1.3) Par.?

yat tv etad bhagavān āha prahlādaṃ daityasattamam / (2.1) Par.?

dadāha nāgnir nāstraiś ca kṣuṇṇas tatyāja jīvitam // (2.2) Par.?

jagāma vasudhā kṣobhaṃ yatrābdhisalile sthite / (3.1) Par.?

bandhabaddho 'pi calati vikṣiptāṅgaiḥ samāhatā // (3.2) Par.?

śailair ākrāntadeho 'pi na mamāra ca yaḥ purā / (4.1) Par.?

tvayaivātīva māhātmyaṃ kathitaṃ yasya dhīmataḥ // (4.2) Par.?

tasya prabhāvam atulaṃ viṣṇor bhaktimato mune / (5.1) Par.?

śrotum icchāmi yasyaitaccaritaṃ tv amitaujasaḥ // (5.2) Par.?

kiṃnimittam asau śastrair vikṣato ditijair mune / (6.1) Par.?

kimarthaṃ cābdhisalile nikṣipto dharmatatparaḥ // (6.2) Par.?

ākrāntaḥ parvataiḥ kasmāt kasmād daṣṭo mahoragaiḥ / (7.1) Par.?

kṣiptaḥ kim adriśikharāt kiṃ vā pāvakasaṃcaye // (7.2) Par.?

digdantināṃ dantabhūmiṃ sa ca kasmān nirūpitaḥ / (8.1) Par.?

saṃśoṣako 'nilaś cāsya prayuktaḥ kiṃ mahāsuraiḥ // (8.2) Par.?

kṛtyāṃ ca daityaguravo yuyujus te tu kiṃ mune / (9.1) Par.?

śambaraś cāpi māyānāṃ sahasraṃ kiṃ prayuktavān // (9.2) Par.?

hālāhalaṃ viṣaṃ ghoraṃ daityasūdair mahātmanaḥ / (10.1) Par.?

kasmād dattaṃ vināśāya yajjīrṇaṃ tena dhīmatā // (10.2) Par.?

etat sarvaṃ mahābhāga prahlādasya mahātmanaḥ / (11.1) Par.?

caritaṃ śrotum icchāmi mahāmāhātmyasūcakam // (11.2) Par.?

na hi kautūhalaṃ tatra yad daityair na hato hi saḥ / (12.1) Par.?

ananyamanaso viṣṇau kaḥ samartho nipātane // (12.2) Par.?

tasmin dharmapare nityaṃ keśavārādhanodyate / (13.1) Par.?

svavaṃśaprabhavair daityaiḥ kartuṃ dveṣo 'tiduṣkaraḥ // (13.2) Par.?

dharmātmani mahābhāge viṣṇubhakte vimatsare / (14.1) Par.?

daiteyaiḥ prahṛtaṃ kasmāt tan mamākhyātum arhasi // (14.2) Par.?

praharanti mahātmāno vipakṣe cāpi nedṛśe / (15.1) Par.?

guṇaiḥ samanvite sādhau kiṃ punar yaḥ svapakṣajaḥ // (15.2) Par.?

tad etat kathyatāṃ sarvaṃ vistarān munisattama / (16.1) Par.?

daityeśvarasya caritaṃ śrotum icchāmy aśeṣataḥ // (16.2) Par.?