Texts

Help

Select a text:
Bibliography
Select a chapter:
 (no revisions)
Associated topic(s): Yoga

Show parallels  Show headlines
Use dependency labeler
Chapter id: 264
  • Click on a sentence to show its analysis
  • Keep the mouse pointer over a lemma to show its meanings.
tapaḥsvādhyāyeśvarapraṇidhānāni kriyāyogaḥ // (1.1) Par.?
samādhibhāvanārthaḥ kleśatanūkaraṇārthaś ca // (2.1) Par.?
avidyāsmitārāgadveṣābhiniveśāḥ kleśāḥ // (3.1) Par.?
avidyā kṣetram uttareṣāṃ prasuptatanuvicchinnodārāṇām // (4.1) Par.?
anityāśuciduḥkhānātmasu nityaśucisukhātmakhyātir avidyā // (5.1) Par.?
dṛgdarśanaśaktyor ekātmataivāsmitā // (6.1) Par.?
sukhānuśayī rāgaḥ // (7.1) Par.?
duḥkhānuśayī dveṣaḥ // (8.1) Par.?
svarasavāhī viduṣo 'pi tathārūḍho 'bhiniveśaḥ // (9.1) Par.?
te pratiprasavaheyāḥ sūkṣmāḥ // (10.1) Par.?
dhyānaheyās tadvṛttayaḥ // (11.1) Par.?
kleśamūlaḥ karmāśayo dṛṣṭādṛṣṭajanmavedanīyaḥ // (12.1) Par.?
sati mūle tadvipāko jātyāyurbhogāḥ // (13.1) Par.?
te hlādaparitāpaphalāḥ puṇyāpuṇyahetutvāt // (14.1) Par.?
pariṇāmatāpasaṃskāraduḥkhaguṇavṛttirodhāc ca duḥkham eva sarvaṃ vivekinaḥ // (15.1) Par.?
heyaṃ duḥkham anāgatam // (16.1) Par.?
draṣṭṛdṛśyayoḥ saṃyogo heyahetuḥ // (17.1) Par.?
prakāśakriyāsthitiśīlaṃ bhūtendriyātmake bhogāpavargārthaṃ dṛśyam // (18.1) Par.?
viśeṣāviśeṣaliṅgamātrāliṅgāni guṇaparvāṇi // (19.1) Par.?
draṣṭā dṛśimātraḥ śuddho 'pi pratyayānupaśyaḥ // (20.1) Par.?
tadartha eva dṛśyasyātmā // (21.1) Par.?
kṛtārthaṃ prati naṣṭam apy anaṣṭaṃ tadanyasādhāraṇatvāt // (22.1) Par.?
svasvāmiśaktyoḥ svarūpopalabdhihetuḥ saṃyogaḥ // (23.1) Par.?
tasya hetur avidyā // (24.1) Par.?
tadabhāvāt saṃyogābhāvo hānaṃ taddṛśeḥ kaivalyam // (25.1) Par.?
vivekakhyātir aviplavā hānopāyaḥ // (26.1) Par.?
tasya saptadhā prāntabhūmiprajñā // (27.1) Par.?
yogāṅgānuṣṭhānād aśuddhikṣaye jñānadīptir ā vivekakhyāteḥ // (28.1) Par.?
yamaniyamāsanaprāṇāyāmapratyāhāradhāraṇādhyānasamādhayo 'ṣṭāv aṅgāni // (29.1) Par.?
ahiṃsāsatyāsteyabrahmacaryāparigrahā yamāḥ // (30.1) Par.?
ete jātideśakālasamayānavacchinnāḥ sārvabhaumā mahāvratam // (31.1) Par.?
śaucasaṃtoṣatapaḥsvādhyāyeśvarapraṇidhānāni niyamāḥ // (32.1) Par.?
vitarkabādhane pratipakṣabhāvanam // (33.1) Par.?
vitarkā hiṃsādayaḥ kṛtakāritānumoditā lobhakrodhamohapūrvakā mṛdumadhyādhimātrā duḥkhājñānānantaphalā iti pratipakṣabhāvanam // (34.1) Par.?
ahiṃsāpratiṣṭhāyāṃ tatsannidhau vairatyāgaḥ // (35.1) Par.?
satyapratiṣṭhāyāṃ kriyāphalāśrayatvam // (36.1) Par.?
asteyapratiṣṭhāyāṃ sarvaratnopasthānam // (37.1) Par.?
brahmacaryapratiṣṭhāyāṃ vīryalābhaḥ // (38.1) Par.?
aparigrahasthairye janmakathaṃtāsaṃbodhaḥ // (39.1) Par.?
śaucāt svāṅgajugupsā parair asaṃsargaḥ // (40.1) Par.?
sattvaśuddhisaumanasyaikāgratendriyajayātmadarśanayogyatvāni ca // (41.1) Par.?
saṃtoṣād anuttamaḥ sukhalābhaḥ // (42.1) Par.?
kāyendriyasiddhir aśuddhikṣayāt tapasaḥ // (43.1) Par.?
svādhyāyād iṣṭadevatāsaṃprayogaḥ // (44.1) Par.?
samādhisiddhir īśvarapraṇidhānāt // (45.1) Par.?
sthirasukham āsanam // (46.1) Par.?
prayatnaśaithilyānantyasamāpattibhyām // (47.1) Par.?
tato dvaṃdvānabhighātaḥ // (48.1) Par.?
tasmin sati śvāsapraśvāsayor gativicchedaḥ prāṇāyāmaḥ // (49.1) Par.?
sa tu bāhyābhyantarastambhavṛttir deśakālasaṃkhyābhiḥ paridṛṣṭo dīrghasūkṣmaḥ // (50.1) Par.?
bāhyābhyantaraviṣayākṣepī caturthaḥ // (51.1) Par.?
tataḥ kṣīyate prakāśāvaraṇam // (52.1) Par.?
dhāraṇāsu ca yogyatā manasaḥ // (53.1) Par.?
svaviṣayāsaṃprayoge cittasvarūpānukāra ivendriyāṇāṃ pratyāhāraḥ // (54.1) Par.?
tataḥ paramā vaśyatendriyāṇām // (55.1) Par.?
Duration=0.16615700721741 secs.