Texts

Help

Select a text:
Bibliography
Select a chapter:
 (no revisions)
Associated topic(s): Cosmography, Time

Show parallels  Show headlines
Use dependency labeler
Chapter id: 8471
  • Click on a sentence to show its analysis
  • Keep the mouse pointer over a lemma to show its meanings.
parāśara uvāca / (1.1) Par.?
aśītimaṇḍalaśataṃ kāṣṭhayorantaraṃ dvayoḥ / (1.2) Par.?
ārohaṇāvarohābhyāṃ bhānorabdena yā gatiḥ // (1.3) Par.?
sa ratho 'dhiṣṭhito devair ādityai ṛṣibhistathā / (2.1) Par.?
gandharvairapsarobhiśca grāmaṇīsarparākṣasaiḥ // (2.2) Par.?
dhātā kṛtasthalā caiva pulastyo vāsukistathā / (3.1) Par.?
rathakṛdgrāmaṇīrhetistumburuścaiva saptamaḥ // (3.2) Par.?
ete vasanti vai caitre madhumāse sadaiva hi / (4.1) Par.?
maitreya syandane bhānoḥ sapta māsādhikāriṇaḥ // (4.2) Par.?
aryamā pulahaścaiva rathaujāḥ puñjikasthalā / (5.1) Par.?
prahetiḥ kacchanīraśca nāradaśca rathe raveḥ // (5.2) Par.?
mādhave nivasantyete śucisaṃjñe nibodha me // (6.1) Par.?
mitro 'tristakṣako rakṣaḥ pauruṣeyo 'tha menakā / (7.1) Par.?
hāhā rathasvanaścaiva maitreyaite vasanti vai // (7.2) Par.?
varuṇo vasiṣṭho rambhā sahajanyā huhū rathaḥ / (8.1) Par.?
rathacitras tathā śukre vasantyāṣāḍhasaṃjñite // (8.2) Par.?
indro viśvāvasuḥ srota elāpatrastathāṅgirāḥ / (9.1) Par.?
pramlocā ca nabhasyete sarpaścārke vasanti vai // (9.2) Par.?
vivasvānugrasenaśca bhṛgurāpūraṇas tathā / (10.1) Par.?
umlocā śaṅkhapālaśca vyāghro bhādrapade tathā // (10.2) Par.?
pūṣā ca surucirvāto gautamo 'tha dhanaṃjayaḥ / (11.1) Par.?
suṣeṇo 'nyo ghṛtācī ca vasantyāśvayuje ravau // (11.2) Par.?
viśvāvasurbharadvājaḥ parjanyairāvatau tathā / (12.1) Par.?
viśvācī senajiccāpi kārttike cādhikāriṇaḥ // (12.2) Par.?
aṃśukāśyapatārkṣyāstu mahāpadmastathorvaśī / (13.1) Par.?
citrasenastathā vidyunmārgaśīrṣādhikāriṇaḥ // (13.2) Par.?
kraturbhagastathorṇāyuḥ sphūrjaḥ karkoṭakastathā / (14.1) Par.?
ariṣṭanemiścaivānyā pūrvacittirvarāpsarāḥ // (14.2) Par.?
pauṣamāse vasantyete sapta bhāskaramaṇḍale / (15.1) Par.?
lokaprakāśanārthāya vipravaryādhikāriṇaḥ // (15.2) Par.?
tvaṣṭā ca jamadagniśca kambalo 'tha tilottamā / (16.1) Par.?
brahmāpeto 'tha ṛtajiddhṛtarāṣṭraśca saptamaḥ // (16.2) Par.?
māghamāse vasantyete sapta maitreya bhāskare / (17.1) Par.?
śrūyatāṃ cāpare sūrye phālgune nivasanti ye // (17.2) Par.?
viṣṇur aśvataro rambhā sūryavarcāśca satyajit / (18.1) Par.?
viśvāmitrastathā rakṣo yajñopeto mahāmune // (18.2) Par.?
māseṣveteṣu maitreya vasantyete tu saptakāḥ / (19.1) Par.?
saviturmaṇḍale brahman viṣṇuśaktyupabṛṃhitāḥ // (19.2) Par.?
stuvanti munayaḥ sūryaṃ gandharvairgīyate puraḥ / (20.1) Par.?
nṛtyantyapsaraso yānti sūryasyānu niśācarāḥ // (20.2) Par.?
vahanti pannagā yakṣaiḥ kriyate 'bhīṣusaṃgrahaḥ // (21.1) Par.?
vālakhilyāstathaivainaṃ parivārya samāsate // (22.1) Par.?
so 'yaṃ saptagaṇaḥ sūryamaṇḍale munisattama / (23.1) Par.?
himoṣṇavārivṛṣṭīnāṃ hetuḥ svasamayaṃ gataḥ // (23.2) Par.?
Duration=0.10409092903137 secs.