Texts

Help

Select a text:
Bibliography
Select a chapter:
 (no revisions)
Associated topic(s): death rites, funeral rites, aurdhvadehika, pitṛmedha, pretakārya, rituals for the dead, funeral rites

Show parallels  Show headlines
Use dependency labeler
Chapter id: 8491
  • Click on a sentence to show its analysis
  • Keep the mouse pointer over a lemma to show its meanings.
aurva uvāca / (1.1) Par.?
brahmendrarudranāsatyasūryāgnivasumārutān / (1.2) Par.?
viśvedevānṛṣigaṇān vayāṃsi manujānpaśūn // (1.3) Par.?
sarīsṛpānpitṛgaṇān yaccānyadbhūtasaṃjñitam / (2.1) Par.?
śrāddhaṃ śraddhānvitaḥ kurvantarpayatyakhilaṃ jagat // (2.2) Par.?
māsi māsyasite pakṣe pañcadaśyāṃ nareśvara / (3.1) Par.?
tathāṣṭakāsu kurvīta kāmyānkālāñchṛṇuṣva me // (3.2) Par.?
śrāddhārhamāgataṃ dravyaṃ viśiṣṭamathavā dvijam / (4.1) Par.?
śrāddhaṃ kurvīta vijñāya vyatīpāte 'yane tathā // (4.2) Par.?
viṣuve cāpi samprāpte grahaṇe śaśisūryayoḥ / (5.1) Par.?
samasteṣveva bhūpāla rāśiṣvarke ca gacchati // (5.2) Par.?
nakṣatragrahapīḍāsu duṣṭasvapnāvalokane / (6.1) Par.?
icchāśrāddhāni kurvīta navasasyāgame tathā // (6.2) Par.?
amāvāsyā yadā maitraviśākhāsvātiyoginī / (7.1) Par.?
śrāddhaiḥ pitṛgaṇastṛptiṃ tathāpnotyaṣṭavārṣikīm // (7.2) Par.?
amāvāsyā yadā puṣye raudre carkṣe punarvasau / (8.1) Par.?
dvādaśābdaṃ tadā tṛptiṃ prayānti pitaro 'rcitāḥ // (8.2) Par.?
vāsavājaikapādarkṣe pitṝṇāṃ tṛptimicchatām / (9.1) Par.?
vāruṇe cāpyamāvāsyā devānāmapi durlabhā // (9.2) Par.?
navasvṛkṣeṣvamāvāsyā yadaiteṣvavanīpate / (10.1) Par.?
tadā tṛptipradaṃ śrāddhaṃ pitṝṇāṃ śṛṇu cāparam // (10.2) Par.?
gītaṃ sanatkumāreṇa yadailāya mahātmane / (11.1) Par.?
pṛcchate pitṛbhaktāya śraddhayāvanatāya ca // (11.2) Par.?
sanatkumāra uvāca / (12.1) Par.?
vaiśākhamāsasya ca yā tṛtīyā navamyasau kārttikaśuklapakṣe / (12.2) Par.?
nabhasyamāsasya tu kṛṣṇapakṣe trayodaśī pañcadaśī ca māghe // (12.3) Par.?
etā yugādyāstithayaścatasro 'pyanantapuṇyā nṛpa sampradiṣṭāḥ / (13.1) Par.?
upaplave candramaso raveśca triṣvaṣṭakāsvapyayanadvaye ca // (13.2) Par.?
pānīyam apyatra tilairvimiśraṃ dadyātpitṛbhyaḥ prayato manuṣyaḥ / (14.1) Par.?
śrāddhaṃ kṛtaṃ tena samāḥ sahasraṃ rahasyametatpitaro vadanti // (14.2) Par.?
māghāsite pañcadaśī kadācidupaiti yogaṃ yadi vāruṇena / (15.1) Par.?
ṛkṣeṇa kālaḥ sa paraḥ pitṝṇāṃ na hyalpapuṇyairnṛpa labhyate 'sau // (15.2) Par.?
kāle dhaniṣṭhā yadi nāma tasminbhavanti bhūpāla tadā pitṛbhyaḥ / (16.1) Par.?
dattaṃ jalānnaṃ pradadāti tṛptiṃ varṣāyutaṃ tatkulajairmanuṣyaiḥ // (16.2) Par.?
tatraiva cedbhādrapadāstu pūrvāḥ kāle tadā yatkriyate pitṛbhyaḥ / (17.1) Par.?
śrāddhaṃ parāṃ tṛptimupetya tena yugaṃ samagraṃ pitaraḥ svapanti // (17.2) Par.?
gaṅgāṃ śatadrūmathavā vipāśāṃ sarasvatīṃ naimiṣagomatīṃ vā / (18.1) Par.?
gaṅgā
ac.s.f.
← avagāh (18.2) [obl (2)]
śatadrū
ac.s.f.
∞ athavā
indecl.
vipāśā
ac.s.f.
sarasvatī
ac.s.f.
∞ gomatī
ac.s.f.

indecl.
tato 'vagāhyārcanamādareṇa kṛtvā pitṝṇāṃ duritāni hanti // (18.2) Par.?
tatas
indecl.
avagāh
Abs., indecl.
→ gaṅgā (18.1) [obl]
∞ arcana
ac.s.n.
∞ ādara
i.s.m.
kṛ
Abs., indecl.
pitṛ
g.p.m.
durita
ac.p.n.
han
3. sg., Pre. ind.
root
gāyanti caitatpitaraḥ sadaiva varṣā maghā tṛptimavāpya bhūyaḥ / (19.1) Par.?
māghāsitānte śubhatīrthatoyairyāsyāma tṛptiṃ tanayādidattaiḥ // (19.2) Par.?
cittaṃ ca vittaṃ ca nṛṇāṃ viśuddhaṃ śastaśca kālaḥ kathito vidhiśca / (20.1) Par.?
pātraṃ yathoktaṃ paramā ca bhaktirnṝṇāṃ prayacchatyabhivāñchitāni // (20.2) Par.?
pitṛgītāṃstathaivātraślokāṃstāṃśca śṛṇuṣva me / (21.1) Par.?
śrutvā tathaiva bhavatā bhāvyaṃ tatrādṛtātmanā // (21.2) Par.?
api dhanyaḥ kule jāyādasmākaṃ matimānnaraḥ / (22.1) Par.?
akurvan vittaśāṭhyaṃ yaḥ piṇḍānno nirvapiṣyati // (22.2) Par.?
ratnavastramahīyānamahābhogādikaṃ vasu / (23.1) Par.?
vibhave sati viprebhyo yo 'smānuddiśya dāsyati // (23.2) Par.?
annena vā yathāśaktyā kāle 'sminbhaktinamradhīḥ / (24.1) Par.?
bhojayiṣyati viprāgryāṃstanmātravibhavo naraḥ // (24.2) Par.?
asamartho 'nnadānasya dhānyamāmaṃ svaśaktitaḥ / (25.1) Par.?
pradāsyati dvijāgrebhyaḥ svalpālpāṃ vāpi dakṣiṇām // (25.2) Par.?
tatrāpyasāmarthyayutaḥ karāgrāgrasthitāṃstilān / (26.1) Par.?
praṇamya dvijamukhyāya kasmaicidbhūpa dāsyati // (26.2) Par.?
tilaiḥ saptāṣṭabhirvāpi samavetāñjalāñjalīn / (27.1) Par.?
bhaktinamraḥ samuddiśya bhuvyasmākaṃ pradāsyati // (27.2) Par.?
yataḥ kutaścitsamprāpya gobhyo vāpi gavāhnikam / (28.1) Par.?
abhāve prīṇayannasmāñśraddhāyuktaḥ pradāsyati // (28.2) Par.?
sarvābhāve vanaṃ gatvā kakṣamūlapradarśakaḥ / (29.1) Par.?
sūryādilokapālānāmidamuccaiḥ paṭhiṣyati // (29.2) Par.?
na me 'sti vittaṃ na dhanaṃ ca nānyacchrāddhopayogyaṃ svapitṝn nato 'smi / (30.1) Par.?
tṛpyantu bhaktyā pitaro mayaitau kṛtau bhujau vartmani mārutasya // (30.2) Par.?
aurva uvāca / (31.1) Par.?
ityetatpitṛbhirgītaṃ bhāvābhāvaprayojanam / (31.2) Par.?
yaḥ karoti kṛtaṃ tena śrāddhaṃ bhavati pārthiva // (31.3) Par.?
Duration=0.15249013900757 secs.