Texts

Help

Select a text:
Bibliography
Select a chapter:
 (no revisions)
Associated topic(s): Genealogies, Yayāti, Devayānī, Śarmiṣṭhā

Show parallels  Show headlines
Use dependency labeler
Chapter id: 8506
  • Click on a sentence to show its analysis
  • Keep the mouse pointer over a lemma to show its meanings.
parāśara uvāca / (1.1) Par.?
ataḥ paraṃ yayāteḥ prathamaputrasya yador vaṃśam ahaṃ kathayāmi // (1.2) Par.?
yatrāśeṣalokanivāso manuṣyasiddhagandharvayakṣarākṣasaguhyakakiṃpuruṣāpsaroragavihagadaityadānavādityarudravasvaśvimaruddevarṣibhir mumukṣibhir dharmārthakāmamokṣārthibhiś ca tattatphalalābhāya sadābhiṣṭuto 'paricchedyamāhātmyāṃśena bhagavān anādinidhano viṣṇur avatatāra // (2) Par.?
atra ślokaḥ // (3.1) Par.?
yador vaṃśaṃ naraḥ śrutvā sarvapāpaiḥ pramucyate / (4.1) Par.?
yatrāvatīrṇaṃ viṣṇvākhyaṃ paraṃ brahma nirākṛti // (4.2) Par.?
sahasrajitkroṣṭunalanahuṣasaṃjñāś catvāro yaduputrā babhūvuḥ // (5.1) Par.?
sahasrajitputraḥ śatajit // (6.1) Par.?
tasya haihayahehayaveṇuhayās trayaḥ putrā babhūvuḥ // (7.1) Par.?
haihayaputro dharmaḥ tasyāpi dharmanetraḥ tataḥ kuntiḥ kunteḥ sahajit // (8.1) Par.?
tattanayo mahiṣmān yo 'sau māhiṣmatīṃ purīṃ nirvāpayāmāsa // (9.1) Par.?
tasmād bhadraśreṇyas tato durdamas tasmād dhanakaḥ dhanakasya kṛtavīryakṛtāgnikṛtadharmakṛtaujasaś catvāraḥ putrā babhūvuḥ // (10.1) Par.?
kṛtavīryād arjunaḥ saptadvīpādhipatir bāhusahasro jajñe // (11.1) Par.?
yo 'sau bhagavadaṃśam atrikulaprasūtaṃ dattātreyākhyam ārādhya bāhusahasram adharmasevānivāraṇaṃ svadharmasevitvaṃ raṇe pṛthivījayaṃ dharmataś cānupālanam / (12.1) Par.?
arātibhyo 'parājayam akhilajagatprakhyātapuruṣāc ca mṛtyum ity etān varān abhilaṣitavāṃllebhe ca // (12.2) Par.?
teneyam aśeṣadvīpavatī pṛthivī samyak paripālitā // (13.1) Par.?
daśa yajñasahasrāṇy asāv ayajat // (14.1) Par.?
tasya ca śloko 'dyāpi gīyate // (15.1) Par.?
na nūnaṃ kārtavīryasya gatiṃ yāsyanti pārthivāḥ / (16.1) Par.?
yajñair dānais tapobhir vā praśrayeṇa śrutena ca // (16.2) Par.?
anaṣṭadravyatā ca tasya rājye 'bhavat // (17.1) Par.?
evaṃ ca pañcāśītivarṣasahasrāṇy avyāhatārogyaśrībalaparākramo rājyam akarot // (18.1) Par.?
māhiṣmatyāṃ digvijayābhyāgato narmadājalāvagāhanakrīḍātipānamadākulenāyatnenaiva tenāśeṣadevadaityagandharveśajayodbhūtamadāvalepo 'pi rāvaṇaḥ paśur iva baddhvā svanagaraikānte sthāpitaḥ // (19.1) Par.?
yaś ca pañcāśītivarṣasahasropalakṣaṇakālāvasāne bhagavannārāyaṇāṃśena paraśurāmeṇopasaṃhṛtaḥ // (20.1) Par.?
tasya ca putraśatapradhānāḥ pañca putrā babhūvuḥ śūraśūrasenavṛṣasenamadhujayadhvajasaṃjñāḥ // (21.1) Par.?
jayadhvajāt tālajaṅghaḥ putro 'bhavat // (22.1) Par.?
tālajaṅghasya tālajaṅghākhyaṃ putraśatam āsīt // (23.1) Par.?
eṣāṃ jyeṣṭho vītihotras tathānyo bharataḥ // (24.1) Par.?
bharatād vṛṣaḥ // (25.1) Par.?
vṛṣasya putro madhur abhavat // (26.1) Par.?
tasyāpi vṛṣṇipramukhaṃ putraśatam āsīt // (27.1) Par.?
yato vṛṣṇisaṃjñām etad gotram avāpa // (28.1) Par.?
madhusaṃjñāhetuś ca madhur abhavat // (29.1) Par.?
yādavāś ca yadunāmopalakṣaṇād iti // (30.1) Par.?
Duration=0.063841104507446 secs.