Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 5104
  • Click on a sentence to show its analysis
  • Keep the mouse pointer over a lemma to show its meanings.
uparasanāmāni
gandhakaṃ vajravaikrāntaṃ vajrābhraṃ tālakaṃ śilā / (1.1) Par.?
kharparaṃ śikhitutthaṃ ca vimalāṃ hemamākṣikam // (1.2) Par.?
kāsīsam kāntapāṣāṇaṃ varāṭīmatha hiṃgulam / (2.1) Par.?
kaṅkuṣṭhaṃ śaṃkhabhūnāgaṃ ṭaṃkaṇaśca śilājatu // (2.2) Par.?
ete uparasāḥ śodhyāḥ māryā drāvyāḥ puṭe kvacit // (3) Par.?
gandha:: aśuddha:: medic. properties
apakvagandhaṃ kurute'ti kuṣṭhaṃ tāpaṃ bhramaṃ pittarujāṃ karoti / (4.1) Par.?
rūpaṃ sukhaṃ vīryabalaṃ ca hanti tasmāt saṃśuddhaṃ vidhiyojanīyam // (4.2) Par.?
gandhakaśodhana
sājyaṃ bhāṇḍe payaḥ kṣiptvā mukhaṃ vastreṇa bandhayet / (5.1) Par.?
tatpṛṣṭhe cūrṇitaṃ gandhaṃ kṣiptvā srāveṇa rodhayet // (5.2) Par.?
bhāṇḍaṃ nikṣipya bhūmyante ūrdhve deyaṃ puṭaṃ laghu / (6.1) Par.?
tataḥ kṣīre drutaṃ gandhaṃ śuddhaṃ yogeṣu yojayet // (6.2) Par.?
gandhakaśodhana (2)
athavārkasnuhīkṣīrairvastraṃ lepyaṃ ca saptadhā / (7.1) Par.?
gandhakaṃ navanītena piṣṭvā vastraṃ pralepayet // (7.2) Par.?
tadvahnijvalitā deśe hṛtvā dhāryā hyadhomukhā / (8.1) Par.?
tailaṃ patedadhobhāṇḍe grāhyaṃ yogeṣu yojayet // (8.2) Par.?
sulfur:: śuddha:: medic. properties
śuddho gandho haredrogān kuṣṭhamṛtyujvarādikān / (9.1) Par.?
agnikārī mahānuṣṇo vīryavṛddhiṃ karoti ca // (9.2) Par.?
vajra:: śodhana
vyāghrīkandayutaṃ vajraṃ dolāyantreṇa pācitam / (10.1) Par.?
saptāhāt kaudrave kvāthe kaulatthe vimalaṃ bhavet // (10.2) Par.?
vajra:: māraṇa
trisaptakṛtvastattaptaṃ kharamūtreṇa secayet / (11.1) Par.?
vajra:: māraṇa
ṣaḍguṇaistālakaṃ piṣṭvā tadgole kuliśaṃ kṣipet // (11.2) Par.?
pradhmātaṃ vājimūtreṇa siktaṃ pūrvoditakramaiḥ / (12.1) Par.?
bhasmībhavati tadvajraṃ vajravatkurute tanum // (12.2) Par.?
vajra:: māraṇa
ūrṇāśṛṅgaṃ paripiṣya piṇḍam etasya madhye tu nidhāya vajram / (13.1) Par.?
piṇḍe'thavādhāya ca vajravallyāḥ puṭatrayaṃ tasya rase vidadhyāt // (13.2) Par.?
mṛtyureva bhavedasya vajrākhyasya na saṃśayaḥ // (14) Par.?
vajra:: aśuddha:: medic. properties
aśuddhavajram āyurghnaṃ pīḍāṃ kuṣṭhaṃ karoti ca / (15.1) Par.?
pāṇḍutāpagurutvaṃ ca tasmācchuddhaṃ tu kārayet // (15.2) Par.?
vajra:: subtypes:: colour, caste
śvetaraktapītakṛṣṇā dvijādyāḥ vajrajātayaḥ / (16.1) Par.?
rasāyane bhaved vipraḥ śvetaḥ siddhipradāyakaḥ // (16.2) Par.?
kṣatriyo mṛtyujid rakto valīpalitarogahā / (17.1) Par.?
dravakārī bhavedvaiśyaḥ pīto dehasya dārḍhyakṛt // (17.2) Par.?
kṛṣṇaḥ śūdro rujāṃ hanti vayaḥsthairyaṃ karoti ca / (18.1) Par.?
puṃstrīnapuṃsakāścaite lakṣaṇena tu lakṣayet // (18.2) Par.?
vajra:: puṃvajra:: parīkṣā
vṛttāḥ phalakasampūrṇās tejasvanto bṛhadbhavāḥ / (19.1) Par.?
puruṣāste samākhyātā rekhābinduvivarjitāḥ // (19.2) Par.?
vajra:: stīvajra:: parīkṣā
rekhābindusamāyuktāḥ ṣaṭkoṇās tāḥ striyaḥ smṛtāḥ / (20.1) Par.?
vajra:: napuṃsaka:: parīkṣā
trikoṇāyattā dīrghā vijñeyāstā napuṃsakāḥ // (20.2) Par.?
pūrvapūrvamime śastāḥ puruṣāḥ balavattarāḥ / (21.1) Par.?
śarīrakāntijanakā bhogadā vajrayoṣitaḥ // (21.2) Par.?
napuṃsakāstvalpavīryāḥ kāmukāḥ sattvavarjitāḥ / (22.1) Par.?
strī tu strīṇāṃ pradātavyā klībaṃ klībe tathaiva ca // (22.2) Par.?
sarveṣāṃ sarvadā yojyāḥ puruṣāḥ balavattarāḥ // (23) Par.?
vajra:: śodhana
gṛhītvā tu śubhaṃ vajraṃ vyāghrīkandodare kṣipet / (24.1) Par.?
mahiṣīviṣṭhayā lepyaṃ karīṣāgnau vipācayet // (24.2) Par.?
niśāyāṃ tu caturyāmaṃ niśānte vāśvamūtrake / (25.1) Par.?
secayettāni pratyekaṃ saptarātreṇa śudhyati // (25.2) Par.?
vajra:: śodhana
meghanādā śamī śyāmā śṛṅgī madanakodbhavam / (26.1) Par.?
kulatthaṃ vetasaṃ cātha agastyaṃ sindhuvārakāḥ // (26.2) Par.?
eteṣāṃ sajalaiḥ kvāthair vajraṃ jambīramadhyagam / (27.1) Par.?
dolāyantre tryahaṃ pācyamevaṃ vajraṃ viśuddhayet // (27.2) Par.?
vajra:: śodhana
kulatthakodravakvāthe dolāyantre vipācayet / (28.1) Par.?
vyāghrīkandagataṃ vajraṃ saptāhācchuddhim ṛcchati // (28.2) Par.?
vajra:: śodhana
vyāghrīṃ kandagataṃ vajraṃ mṛdā liptaṃ puṭe pacet / (29.1) Par.?
ahorātrātsamuddhṛtya hayamūtreṇa secayet // (29.2) Par.?
vajrīkṣīreṇa vā siñcedevaṃ śuddhaṃ ca mārayet // (30) Par.?
vajra:: brāhmaṇa:: māraṇa
viprajātyādivajrāṇāṃ māraṇaṃ kathyate punaḥ / (31.1) Par.?
aśvatthabadarījhiṇṭīmākṣikaṃ karkaṭāsthi ca // (31.2) Par.?
tulyaṃ snuhīpayaḥ piṣṭvā vajraṃ tadgolake kṣipet / (32.1) Par.?
ruddhvā gajapuṭe pacyādviprajātir mṛto bhavet // (32.2) Par.?
vajra:: kṣatriya:: māraṇa
karavīraṃ meṣaśṛṅgaṃ ca badaraṃ ca udumbaram / (33.1) Par.?
arkadugdhasamaṃ piṣṭvā vipravanmārayennṛpam // (33.2) Par.?
vajra:: vaiśya:: māraṇa
balāṃ cātibalāṃ gandhaṃ peṣayetkacchapāsthi ca / (34.1) Par.?
etair vā vāruṇīdugdhaiḥ mriyedvaiśyo'pi vipravat // (34.2) Par.?
vajra:: śūdra:: māraṇa
sūraṇaṃ lasunaṃ śaṅkhaṃ samaṃ peṣyaṃ manaḥśilām / (35.1) Par.?
vaṭakṣīreṇa mūṣāntarvipravacchūdramāraṇam // (35.2) Par.?
vajra:: strī, napuṃsaka:: māraṇa
striyasteṣāṃ mriyante ca tattadauṣadhayogataḥ / (36.1) Par.?
napuṃsakamṛtisteṣāṃ caturṇām auṣadhaiḥ samam // (36.2) Par.?
vajra:: māraṇa
dvivarṣarūḍhakārpāsairmūlaṃ kāntamukhaiḥ saha / (37.1) Par.?
nārīstanyena sampiṣya piṣṭvā dhmātaṃ mṛtaṃ bhavet // (37.2) Par.?
vajra:: māraṇa
meṣaśṛṅgabhujaṃgāsthikūrmapṛṣṭhāmlavetasaiḥ / (38.1) Par.?
gajadantasamaṃ piṣṭvā vajrīdugdhena golakam // (38.2) Par.?
kṛtvā tanmadhyagaṃ vajraṃ mriyate dhamanena tu / (39.1) Par.?
vajra:: māraṇa
trivarṣanāgavandhyāstu kārpāsasyātha mūlikā / (39.2) Par.?
piṣṭvā tanmadhyagaṃ vajraṃ kṛtvā mūṣāṃ nirodhayet // (39.3) Par.?
pacedgajapuṭe taṃ ca mriyate saptadhā puṭaiḥ // (40) Par.?
vajra:: māraṇa
matkuṇānāṃ tu raktena saptadhātapaśoṣitam / (41.1) Par.?
kuliśaṃ bhāvitaṃ tadakdhrūrṇitāpi manaḥśilā // (41.2) Par.?
liptvā ca badarīpatraiḥ veṣṭayitvā pure pacet / (42.1) Par.?
punarlepyaṃ punaḥ pācyaṃ saptadhā mriyate'pi ca // (42.2) Par.?
vajra:: māraṇa
vajraṃ mahānadīśuktau kṣiptaṃ bhāvyaṃ muhurmuhuḥ / (43.1) Par.?
snuhyarkonmattakanyānāṃ dvayeṇaikena cāhnikam // (43.2) Par.?
kṛṣṇakarkaṭamāṃsena piṣṭitaṃ veṣṭayed bahiḥ / (44.1) Par.?
bhūnāgasya mṛdā samyagdhmāte bhasmatvamāpnuyāt // (44.2) Par.?
vajra:: māraṇa
raktotpalasya mūlaiśca meghanādasya kuḍmalaiḥ / (45.1) Par.?
piṇḍitairveṣṭitaṃ dhmātaṃ vajraṃ bhasma bhavatyalam // (45.2) Par.?
vajra:: mṛta:: medic. properties
vajramāyurbalaṃ rūpaṃ dehasaukhyaṃ karoti ca / (46.1) Par.?
sevito hanti rogāṃśca mṛto vajro na saṃśayaḥ / (46.2) Par.?
vaikrānta:: śodhana
vaikrāntaṃ vajravacchodhyaṃ nīlaṃ vā lohitaṃ ca vā / (46.3) Par.?
vaikrānta:: māraṇa
hayamūtre tatsecyaṃ taptaṃ taptaṃ trisaptadhā // (46.4) Par.?
tataścottaravāruṇyāḥ pañcāṅge golake kṣipet / (47.1) Par.?
ruddhvā mūṣāpuṭe pacyāduddhṛtya golake punaḥ // (47.2) Par.?
kṣiptvā ruddhvā pacedevaṃ saptadhā bhasmatāṃ vrajet / (48.1) Par.?
vaikrānta:: substitute for vajra
bhasmībhūtaṃ ca vaikrāntaṃ vajrasthāne niyojayet // (48.2) Par.?
Duration=0.20519304275513 secs.