Texts

Help

Select a text:
Bibliography
Select a chapter:
 (no revisions)
Associated topic(s): Property

Show parallels  Show headlines
Use dependency labeler
Chapter id: 7950
  • Click on a sentence to show its analysis
  • Keep the mouse pointer over a lemma to show its meanings.
dattvā dravyam asamyag yaḥ punar ādātum icchati / (1.1) Par.?
dattāpradānikaṃ nāma tad vivādapadaṃ smṛtam // (1.2) Par.?
adeyam atha deyaṃ ca dattaṃ cādattam eva ca / (2.1) Par.?
vyavahāreṣu vijñeyo dānamārgaś caturvidhaḥ // (2.2) Par.?
tatra hyaṣṭāv adeyāni deyam ekavidhaṃ smṛtam / (3.1) Par.?
dattaṃ saptavidhaṃ vidyād adattaṃ ṣoḍaśātmakam // (3.2) Par.?
anvāhitaṃ yācitakam ādhiḥ sādhāraṇaṃ ca yat / (4.1) Par.?
nikṣepaḥ putradāraṃ ca sarvasvaṃ cānvaye sati // (4.2) Par.?
āpatsv api hi kaṣṭāsu vartamānena dehinā / (5.1) Par.?
adeyāny āhur ācāryā yac cānyasmai pratiśrutam // (5.2) Par.?
kuṭumbabharaṇād dravyaṃ yatkiṃcid atiricyate / (6.1) Par.?
tad deyam upahṛtyānyad dadad doṣam avāpnuyāt // (6.2) Par.?
paṇyamūlyaṃ bhṛtis tuṣṭyā snehāt pratyupakārataḥ / (7.1) Par.?
strīśulkānugrahārthaṃ ca dattaṃ dānavido viduḥ // (7.2) Par.?
adattaṃ tu bhayakrodhaśokavegarujānvitaiḥ / (8.1) Par.?
tathotkocaparīhāsavyatyāsacchalayogataḥ // (8.2) Par.?
bālamūḍhāsvatantrārtamattonmattāpavarjitam / (9.1) Par.?
kartā mamāyaṃ karmeti pratilābhecchayā ca yat // (9.2) Par.?
apātre pātram ity ukte kārye cādharmasaṃhite / (10.1) Par.?
yad dattaṃ syād avijñānād adattaṃ tad api smṛtam // (10.2) Par.?
gṛhṇāty adattaṃ yo lobhād yaś cādeyaṃ prayacchati / (11.1) Par.?
adattādāyako daṇḍyas tathādeyasya dāyakaḥ // (11.2) Par.?
Duration=0.042180061340332 secs.