Texts

krītvā mūlyena yaḥ paṇyaṃ kretā na bahu manyate / (1.1) Par.?

krītvānuśaya ity etad vivādapadam ucyate // (1.2) Par.?

krītvā mūlyena yat paṇyaṃ duṣkrītaṃ manyate krayī / (2.1) Par.?

vikretuḥ pratideyaṃ tat tasmin evāhny avikṣatam // (2.2) Par.?

dvitīye 'hni dadat kretā mūlyāt triṃśāṃśam āvahet / (3.1) Par.?

dviguṇaṃ tat tṛtīye 'hni parataḥ kretur eva tat // (3.2) Par.?

kretā paṇyaṃ parīkṣeta prāk svayaṃ guṇadoṣataḥ / (4.1) Par.?

parīkṣyābhimataṃ krītaṃ vikretur na bhavet punaḥ // (4.2) Par.?

tryahād dohyaṃ parīkṣeta pañcāhād vāhyam eva tu / (5.1) Par.?

muktāvajrapravālānāṃ saptāhaṃ syāt parīkṣaṇam // (5.2) Par.?

dvipadām ardhamāsaṃ syāt puṃsāṃ taddviguṇaṃ striyāḥ / (6.1) Par.?

daśāhaṃ sarvabījānām ekāhaṃ lohavāsasām // (6.2) Par.?

paribhuktaṃ ca yad vāsaḥ kliṣṭarūpaṃ malīmasam / (7.1) Par.?

sadoṣam api vikrītaṃ vikretur na bhavet punaḥ // (7.2) Par.?

mūlyāṣṭabhāgo hīyeta sakṛd dhautasya vāsasaḥ / (8.1) Par.?

dviḥ pādas tris tribhāgas tu catuḥkṛtvo 'rdham eva ca // (8.2) Par.?

ardhakṣayāt tu parataḥ pādāṃśāpacayaḥ kramāt / (9.1) Par.?

yāvat kṣīṇadaśaṃ jīrṇaṃ jīrṇasyāniyamaḥ kṣaye // (9.2) Par.?

lohānām api sarveṣāṃ hetur agnikriyāvidhau / (10.1) Par.?

kṣayaḥ saṃskriyamāṇānāṃ teṣāṃ dṛṣṭo 'gnisaṃgamāt // (10.2) Par.?

suvarṇasya kṣayo nāsti rajate dvipalaṃ śatam / (11.1) Par.?

śatam aṣṭapalaṃ jñeyaṃ kṣayaḥ syāt trapusīsayoḥ // (11.2) Par.?

tāmre pañcapalaṃ vidyād vikārā ye ca tanmayāḥ / (12.1) Par.?

taddhātūnām anekatvād ayaso 'niyamaḥ kṣaye // (12.2) Par.?

tāntavasya ca saṃskāre kṣayavṛddhī udāhṛte / (13.1) Par.?

sūtrakārpāsikorṇānāṃ vṛddhir daśapalaṃ śatam // (13.2) Par.?

sthūlasūtravatāṃ teṣāṃ madhyānāṃ pañcakaṃ śatam / (14.1) Par.?

tripalaṃ tu susūkṣmāṇām antaḥkṣaya udāhṛtaḥ // (14.2) Par.?

triṃśāṃśo romaviddhasya kṣayaḥ karmakṛtasya tu / (15.1) Par.?

kauśeyavalkalānāṃ tu naiva vṛddhir na ca kṣayaḥ // (15.2) Par.?

krītvā nānuśayaṃ kuryād vaṇik paṇyavicakṣaṇaḥ / (16.1) Par.?

vṛddhikṣayau tu jānīyāt paṇyānām āgamaṃ tathā // (16.2) Par.?