Texts

hariruvāca / (1.1) Par.?

sandhyāvidhiṃ pravakṣyāmi śṛṇu rudrāghanāśanam / (1.2) Par.?

prāṇāyāmatrayaṃ kṛtvā sandhyāsnānamupakramet // (1.3) Par.?

sapraṇavāṃ savyāhṛtiṃ gāyattrīṃ śirasā saha / (2.1) Par.?

triḥ paṭhed āyatapraṇaḥ prāṇāyāmaḥ sa ucyate // (2.2) Par.?

manovākkāyajaṃ doṣaṃ prāṇāyāmairdaheddvijaḥ / (3.1) Par.?

tasmātsarveṣu kāleṣu prāṇāyāmaparo bhavet // (3.2) Par.?

sāyamagniśca metyuktā prātaḥ sūryetyapaḥ pibet / (4.1) Par.?

āpaḥ punantu madhyāhne upaspṛśya yathāvidhi // (4.2) Par.?

āpohiṣṭhetyṛcā kuryānmārjanaṃ tu kuśodakaiḥ / (5.1) Par.?

praṇavena tu saṃyuktaṃ kṣipedvāri pade pade // (5.2) Par.?

rajastamaḥsvamohotthāñ jāgratsvapnasuṣuptijān / (6.1) Par.?

vāṅmanaḥkarmajān doṣān navaitān navabhir dahet // (6.2) Par.?

samuddhṛtyodakaṃ pāṇau japtvā ca drupadāṃ kṣipet / (7.1) Par.?

tripaḍaṣṭau dvādaśadhā vartayedaghamarpaṇam // (7.2) Par.?

udutyañcitram ityābhyām upatiṣṭheddivākaram / (8.1) Par.?

divā rātrau ca yatpāpaṃ sarvaṃ naśyati tatkṣaṇāt // (8.2) Par.?

pūrvasaṃdhyāṃ japaṃstiṣṭhetpaścimāmupaviśya ca / (9.1) Par.?

mahāvyāhṛtisaṃyuktāṃ gāyattrīṃ praṇavānvitām // (9.2) Par.?

daśabhirjanmajanitaṃ śatena tu purā kṛtam / (10.1) Par.?

triyugaṃ tu sahasreṇa gāyattrī hanti duṣkṛtam // (10.2) Par.?

raktā bhavati gāyattrī sāvitrī śuklavarṇikā / (11.1) Par.?

kṛṣṇā sarasvatī jñeyā saṃdhyātrayamudāhṛtam // (11.2) Par.?

oṃ bhūrvinyasya hṛdaye oṃ bhuvaḥ śirasi nyaset / (12.1) Par.?

oṃ svariti śikhāyāṃ ca gāyattryāḥ prathamaṃ padam // (12.2) Par.?

vinyasetkavace vidvāndvitīyaṃ netrayornyaset / (13.1) Par.?

tṛtīyenāṅgavinyāsaṃ caturthaṃ sarvato nyaset // (13.2) Par.?

saṃdhyākāle tu vinyasya japedvai vedamātaram / (14.1) Par.?

śivastasyāstu sarvāhne prāṇāyāmaparaṃ nyaset // (14.2) Par.?

tripadā yā tu gāyattrī brahmaviṣṇumaheśvarī / (15.1) Par.?

viniyogamṛṣicchando jñātvā tu japamārabhet // (15.2) Par.?

sarvapāpavinirmukto brahmalokamavāpnuyāt / (16.1) Par.?

parorajasi sāvadoṃ turīyapadamīritam // (16.2) Par.?

taṃ hanti sūryaḥ sandhyāyāṃ nopāstiṃ kurute tu yaḥ / (17.1) Par.?

turīyasya padasyāpi ṛṣirnirmala eva ca // (17.2) Par.?

chandastu devī gāyattrī paramātmā ca devatā // (18.1) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe saṃdhyāvidhirnāma ṣaṭtriṃśo 'dhyāyaḥ // (19.1) Par.?