Texts

yājñavalkya uvāca / (1.1) Par.?

garbhāṣṭame 'ṣṭame vābde brāhmaṇasyopanāyanam / (1.2) Par.?

rājñām ekādaśe saike viśāmeke yathākulam // (1.3) Par.?

upanīya kuruḥ śiṣyaṃ mahāvyāhṛtipūrvakam / (2.1) Par.?

vedamadhyāpayedenaṃ śaucācārāṃśca śikṣayet // (2.2) Par.?

divā sandhyāsu karṇasthabrahmasūtra udaṅmukhaḥ / (3.1) Par.?

kuryānmūtrapurīṣe tu rātrau ceddakṣiṇāmukhaḥ // (3.2) Par.?

gṛhītaśiśnaś cotthāya mṛdbhirabhyuddhṛtairjalaiḥ / (4.1) Par.?

gandhalepakṣayakaraṃ śaucaṃ kuryānmahāvrataḥ // (4.2) Par.?

antarjānuḥ śucau deśa upaviṣṭa udaṅmukhaḥ / (5.1) Par.?

prāgvā brāhmeṇa tīrthena dvijo nityamupaspṛśet // (5.2) Par.?

kaniṣṭhādeśinyaṅguṣṭhamūlānyagraṃ karasya ca / (6.1) Par.?

prajāpatipitṛbrahmadevatīrthānyanukramāt // (6.2) Par.?

triḥ prāśyāpo dvirunmṛjya khānyadbhiḥ samupaspṛśet / (7.1) Par.?

adbhistu prakṛtisthābhir henābhiḥ phenabudbudaiḥ // (7.2) Par.?

hṛtkaṇṭhatālugābhistu yathāsaṃkhyaṃ dvijātayaḥ / (8.1) Par.?

śudhyeran strī ca śūdraśca sakṛtspṛṣṭābhirantataḥ // (8.2) Par.?

snānamabdaivatairmantrairmārjanaṃ prāṇasaṃyamaḥ / (9.1) Par.?

sūryasya cāpyupasthānaṃ gāyattryāḥ pratyayaṃ japaḥ // (9.2) Par.?

gāyattrīṃ śirasā sārdhaṃ japedvyāhṛtipūrvikām / (10.1) Par.?

pratipraṇavasaṃyuktāṃ trirayaṃ prāṇasaṃyamaḥ // (10.2) Par.?

prāṇānāyamya samprokṣya tryṛcenābdaivatena tu / (11.1) Par.?

japannāsīta sāvitrīṃ pratyagātārakodayāt // (11.2) Par.?

sandhyāṃ prāk prātarevaṃ hi tiṣṭhed ā sūryadarśanāt / (12.1) Par.?

agnikāryaṃ tataḥ kuryātsandhyayorubhayorapi // (12.2) Par.?

tato 'bhivādayed vṛddhān asāvahamiti bruvan / (13.1) Par.?

guruṃ caivāpyupāsīta svādhyāyārthaṃ samāhitaḥ // (13.2) Par.?

sāhūtaścāpyadhīyīta sarvaṃ cāsmai nivedayet / (14.1) Par.?

hitaṃ tasyācarennityaṃ manovākkāyakarmabhiḥ // (14.2) Par.?

daṇḍājinopavītāni mekhalāṃ caiva dhārayet / (15.1) Par.?

brāhmaṇeṣu caredbhaikṣamanindyeṣvātmavṛttaye // (15.2) Par.?

ādimadhyāvasāneṣu bhavecchandopalakṣitā / (16.1) Par.?

brāhmaṇakṣattriyaviśāṃ bhaikṣacaryā yathākramam // (16.2) Par.?

kṛtāgnikāryo bhuñjīta vinīto gurvanujñayā / (17.1) Par.?

āpośānakriyāpūrvaṃ satkṛtyānnamakutsayan // (17.2) Par.?

brahmacāryāsthito naikamannamadyādanāpadi / (18.1) Par.?

brāhmaṇaḥ kāmam aśnīyācchrāddhe vratam apīḍayan // (18.2) Par.?

madhu māṃsaṃ tathā svinnamityādi parivarjayet / (19.1) Par.?

sa gururyaḥ kriyāḥ kṛtvā vedamasmai prayacchati // (19.2) Par.?

upanīya dadātyenāmācāryaḥ sa prakīrtitaḥ / (20.1) Par.?

ekadeśamupādhyāya ṛtvigyajñakṛducyate // (20.2) Par.?

ete mānyā yathāpūrvamebhyo mātā garīyasī / (21.1) Par.?

prativedaṃ brahmacaryaṃ dvādaśābdāni pañca vā // (21.2) Par.?

grahaṇāntikamityeke keśāntaścaiva ṣoḍaśe / (22.1) Par.?

āṣoḍaśādvāviṃśāccācaturviṃśācca vatsarāt // (22.2) Par.?

brahmakṣatraviśāṃ kāla aupanāyanikaḥ paraḥ / (23.1) Par.?

ata ūrdhvaṃ patantyete sarvadharmavivarjitāḥ // (23.2) Par.?

sāvitrīpatitā vrātyā vrātyastomādṛte kratoḥ / (24.1) Par.?

māturyadagre jāyante dvitīyaṃ mauñjabandhanam // (24.2) Par.?

brāhmaṇakṣattriyaviśas tasmādete dvijātayaḥ / (25.1) Par.?

yajñānāṃ tapasāṃ caiva śubhānāṃ caiva karmaṇām // (25.2) Par.?

veda eva dvijātīnāṃ niḥśreyasakaraḥ paraḥ / (26.1) Par.?

madhunā payasā caiva sa devāṃstarpayeddvijaḥ // (26.2) Par.?

pitṝnmadhughṛtābhyāṃ ca ṛco 'dhīte hi so 'nvaham / (27.1) Par.?

yajuḥ sāma paṭhettadvadatharvāṅgirasaṃ dvijaḥ // (27.2) Par.?

saṃtarpayet pitṝn devānso 'nvahaṃ hi ghṛtāmṛtaiḥ / (28.1) Par.?

vākovākyaṃ purāṇaṃ ca nārāśaṃsīśca gāthikāḥ // (28.2) Par.?

itihāsāṃstathā vidyā yo 'dhīte śaktito 'nvaham / (29.1) Par.?

saṃtarpayet pitṝn devān māṃsakṣīraudanādibhiḥ // (29.2) Par.?

te tṛptāstarpayantyenaṃ sarvakāmaphalaiḥ śubhaiḥ / (30.1) Par.?

yaṃ yaṃ kratum adhīte 'sau tasyasyāpnuyāt phalam // (30.2) Par.?

bhūmidānasya tapasaḥ svādhyāyaphalabhāgdvijaḥ / (31.1) Par.?

naiṣṭhiko brahmacārī tu vasedācāryasannidhau // (31.2) Par.?

tadabhāve 'sya tanaye patnyāṃ vaiśvānare 'pi vā / (32.1) Par.?

anena vidhinā dehe sādhayedvijitendriyaḥ / (32.2) Par.?

brahmalokamavāpnoti na ceha jāyate punaḥ // (32.3) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe yājñavalkyoktavarṇadharmanirūpaṇaṃ nāma caturnavatitamo 'dhyāyaḥ // (33.1) Par.?