Texts

Help

Select a text:
Bibliography
Select a chapter:
 (no revisions)
Associated topic(s): Viṣṇu, Vishnuism, pūjā

Show parallels  Show headlines
Use dependency labeler
Chapter id: 8172
  • Click on a sentence to show its analysis
  • Keep the mouse pointer over a lemma to show its meanings.
hariruvāca / (1.1) Par.?
pravakṣyāmyadhunā hyetadvaiṣṇavaṃ pañjaraṃ śubham / (1.2) Par.?
namonamaste movidaṃ cakraṃ gṛhya sudarśanam // (1.3) Par.?
prācyāṃ rakṣasva māṃ viṣṇo tvāmahaṃ śaraṇaṃ gataḥ / (2.1) Par.?
gadāṃ kaumodakīṃ gṛhṇa padmanābha namo 'sta te // (2.2) Par.?
yāmyāṃ rakṣasva māṃ viṣṇo tvāmahaṃ śaraṇaṃ gataḥ / (3.1) Par.?
halamādāya saunande namaste puruṣottama // (3.2) Par.?
pratīcyāṃ rakṣa māṃ viṣṇo tvāmahaṃ śaraṇaṃ gataḥ / (4.1) Par.?
musalaṃ śātanaṃ gṛhya puṇḍarīkākṣa rakṣa mām // (4.2) Par.?
uttarasyāṃ jagannātha bhavantaṃ śaraṇaṃ gataḥ / (5.1) Par.?
khaḍgamādāya carmātha astraśāstrādikaṃ hare // (5.2) Par.?
namaste rakṣa rakṣoghna aiśānyāṃ śaraṇaṃ gataḥ / (6.1) Par.?
pāñcajanyaṃ mahāśaṅkham anughoṣyaṃ ca paṅkajam // (6.2) Par.?
pragṛhya rakṣa māṃ viṣṇo āgneyyāṃ rakṣa sūkara / (7.1) Par.?
candrasūryaṃ samāgṛhya khaḍgaṃ cāndramasaṃ tathā // (7.2) Par.?
nairṛtyāṃ māṃ ca rakṣasva divyamūrte nṛkesarin / (8.1) Par.?
vaijayantīṃ sma pragṛhya śrīvatsaṃ kaṇṭhabhūṣaṇam // (8.2) Par.?
vāyavyāṃ rakṣa māṃ deva hayagrīva namo 'stu te / (9.1) Par.?
vainateyaṃ samāruhya tvantarikṣe janārdana // (9.2) Par.?
māṃ rakṣasvājita sadā namaste 'stvaparājita / (10.1) Par.?
viśālākṣaṃ samāruhya rakṣa māṃ tvaṃ rasātale // (10.2) Par.?
akūpāra namastubhyaṃ mahāmīna namo 'stu te / (11.1) Par.?
karaśīrṣādyaṅgulīṣu satya tvaṃ bāhupañjaram // (11.2) Par.?
kṛtvā rakṣasva māṃ viṣṇo namaste puruṣottama / (12.1) Par.?
etaduktaṃ śaṅkarāya vaiṣṇavaṃ pañjaraṃ mahat // (12.2) Par.?
purā rakṣārthamīśānyāḥ kātyāyanyā vṛṣadhvaja / (13.1) Par.?
nāśayāmāsa sā yena cāmarānmahiṣāsuram // (13.2) Par.?
dānavaṃ raktabījaṃ ca anyāṃśca surakaṇṭakān / (14.1) Par.?
etajjapannaro bhaktyā śatrūnvijayate sadā // (14.2) Par.?
iti śrīgāruḍe pūrvakhaṇḍe prathamāṃśākhye ācārakāṇḍe viṣṇupañjarastotraṃ nāma trayodaśo 'dhyāyaḥ // (15.1) Par.?
Duration=0.067622184753418 secs.