Texts

Help

Select a text:
Bibliography
Select a chapter:
 (no revisions)
Associated topic(s): brahman priest, sāman

Show parallels  Show headlines
Use dependency labeler
Chapter id: 12967
  • Click on a sentence to show its analysis
  • Keep the mouse pointer over a lemma to show its meanings.
ātmā vā eṣa saṃvvatsarasya yad viṣuvān pakṣāv etāv abhito bhavato yena ceto 'bhīvartena yanti yaś ca parastāt pragātho bhavati tāv ubhau viṣuvati kāryau pakṣāv eva tad yajñasyātman pratidadhati svargasya lokasya samaṣṭyai // (1.0) Par.?
indra kratuṃ na ābhareti pragātho bhavati // (2.0) Par.?
vasiṣṭho vā etaṃ putrahato 'paśyat sa prajayā paśubhiḥ prājāyata yad eṣa pragātho bhavati prajātyai // (3.0) Par.?
jīvā jyotir aśīmahīti ye vai svasti saṃvvatsaraṃ saṃtaranti te jīvā jyotir aśnuvate // (4.0) Par.?
mā no ajñātā vṛjanā durādhyo māśivāso 'vakramur iti ye vai stenā ripavas te durādhyas tān eva tad atikrāmati // (5.0) Par.?
tvayā vayaṃ pravataḥ śaśvatīr apo 'ti śūra tarāma so 'tisaṃvvatsaro vai pravataḥ śaśvatīr apas tam eva tat taranti // (6.0) Par.?
adyādyā śvaḥ śvas tvām idā hyo naro vayam enam idā hya iti saṃtanayaḥ pragāthā bhavanti teṣām ekaḥ kāryaḥ salomatvāya śvastanam evābhisaṃtanvanti // (7.0) Par.?
atho khalv āhur indra kratuṃ na ābharety eva kāryaṃ samṛddhyai // (8.0) Par.?
pratyavarohiṇo māsā bhavanti // (9.0) Par.?
yathā vā ito vṛkṣaṃ rohanty evam enaṃ pratyavarohanti svargam eva lokaṃ rūḍhvāsmiṃl loke pratitiṣṭhanti // (10.0) Par.?
Duration=0.029236078262329 secs.