Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 9669
  • Click on a sentence to show its analysis
  • Keep the mouse pointer over a lemma to show its meanings.
115 parallel or similar passage(s) in this chapter
govit pavasva vasuviddhiraṇyavid iti pañcamasyāhnaḥ pratipad bhavati / (1.1) Par.?
govid vā etad vasuviddhiraṇyavidyacchakvaryaḥ / (1.2) Par.?
paśavaś śakvaryaḥ sarvaṃ paśubhir vindate / (1.3) Par.?
tvaṃ suvīro asi somaviśvavid ityeṣa yāva suvīro yasya paśavas tad eva tad abhivadati / (1.4) Par.?
tās te kṣarantu madhumad ghṛtaṃ paya iti madhumad vai ghṛtaṃ payaḥ paśavaḥ kṣaranti tad eva tad abhivadati / (1.5) Par.?
pavamānasya viśvavid ity anurūpo bhavati / (1.6) Par.?
viśvam eva tadvit tam abhivadati viśvaṃ hi paśubhir vindate / (1.7) Par.?
pra te sargā asṛkṣata iti sṛṣṭānīva hyetarhyahāni / (1.8) Par.?
pūrvam u caiva tad rūpam apareṇa rūpeṇānuvadati yat pūrvaṃ rūpeṇānuvadati tad anurūpasyānurūpatvam anurūpa enaṃ putro jāyate ya evaṃ veda stotrīyānurūpau tṛcau bhavataḥ prāṇāpānānām avaruddhyai / (1.9) Par.?
saptarcau bhavataḥ chandasāṃ dhṛtyai / (1.10) Par.?
caturṛco bhavati pratiṣṭhāyai / (1.11) Par.?
tṛca uttamo bhavati yenaiva prāṇena prayanti tam abhyudyanti / (1.12) Par.?
triṇava eva stomo bhavati pratiṣṭhāyai puṣṭyai trivṛd vā eṣa puṣṭaḥ // (1.13) Par.?
tava śriyo varṣasy eva vidyuta ity āgneyam ājyaṃ bhavati / (2.1) Par.?
śrīr vai paśavaḥ śrīḥ śakvaryaḥ tad eva tad abhivadati / (2.2) Par.?
agneś cikitra uṣasām ivetaya itītānīva hyetarhyahānīti / (2.3) Par.?
ā te yatente rathyo yathā pṛthag ity eva hyetarhyahāni yatante / (2.4) Par.?
purūruṇā ciddhy asty avo nūnaṃ vāṃ varuṇa iti maitrāvaruṇam / (2.5) Par.?
yad vai yajñasya duriṣṭaṃ tad varuṇo gṛhṇāti tad eva tad avayajati / (2.6) Par.?
uttiṣṭhann ojasā saha ity aindram / (2.7) Par.?
pañca vā ṛtava utthānasya rūpam ojasā sahety ojasaiva vīryeṇa sahottiṣṭhanti / (2.8) Par.?
indrāgnī yuvām ima iti rāthantaram aindrāgnam / (2.9) Par.?
rathantaram etat parokṣaṃ yacchakvaryo rāthantaram eva tad rūpaṃ nirdyotayati stomaḥ // (2.10) Par.?
arṣā soma dyumattama iti viṣṇumatyo gāyatryo bhavanti / (3.1) Par.?
brahma vai gāyatrī yajño viṣṇur brahmaṇy eva tad yajñaṃ pratiṣṭhāpayati / (3.2) Par.?
soma uṣvāṇas sotṛbhir iti simānāṃ rūpaṃ svenaivaitās tad rūpeṇa samardhayati / (3.3) Par.?
yat soma citram ukthyam iti gāyatryaḥ satyas triṣṭubho rūpeṇa tasmāt triṣṭubhāṃ loke kriyante / (3.4) Par.?
gāyatraṃ bhavati yad eva gāyatrasya brāhmaṇam / (3.5) Par.?
yaṇvaṃ bhavati paśavo vai yaṇvaṃ paśūnām avaruddhyai / (3.6) Par.?
santataṃ gāyati yajñasya saṃtatyai / (3.7) Par.?
adhyardheḍaṃ tathā hy etasyāhno rūpam / (3.8) Par.?
śākalaṃ bhavati / (3.9) Par.?
etena vai śakalaḥ pañcame 'hani pratyatiṣṭhat pratitiṣṭhati śākalena tuṣṭuvānaḥ / (3.10) Par.?
vārśaṃ bhavati / (3.11) Par.?
vṛśo vaijānas tryaruṇasya traidhātavasyaikṣvākasya purohita āsīt sa aikṣvāko 'dhāvayat brāhmaṇakumāraṃ rathena vyachinat sa purohitam abravīt tava mā purodhāyām idam īdṛg upāgād iti tam etena sāmnā samairayat tad vāva sa tarhy akāmayata kāmasani sāma vārśaṃ kāmam evaitenāvarundhe / (3.12) Par.?
adhyardheḍaṃ tathā hy etasyāhno rūpam / (3.13) Par.?
mānavaṃ bhavati / (3.14) Par.?
etena vai manuḥ prajāpatiṃ bhūmānam agacchat prajāyate bahur bhavati mānavena tuṣṭuvānaḥ / (3.15) Par.?
ānūpaṃ bhavati / (3.16) Par.?
etena vai vadhryaśva ānūpaḥ paśūnāṃ bhūmānam āśnuta paśūnāṃ bhūmānam aśnuta ānūpena tuṣṭuvānaḥ / (3.17) Par.?
vāmraṃ bhavati / (3.18) Par.?
māmārṣeyeṇa praśastaṃ yaṃ vai gām aśvaṃ puruṣaṃ praśaṃsanti vāma iti taṃ praśaṃsanty ahar evaitena praśaṃsanti / (3.19) Par.?
adhyardheḍaṃ tathā hy etasyāhno rūpam / (3.20) Par.?
triṇidhanam āgneyaṃ bhavati pratiṣṭhāyai / (3.21) Par.?
agniḥ sṛṣṭo nodadīpyata taṃ prajāpatir etena sāmnopādhamat sa udadīpyata dīptiś ca vā etat sāma brahmavarcasaṃ ca dīptiś caivaitena brahmavarcasaṃ cāvarundhe / (3.22) Par.?
śaiśavaṃ bhavati / (3.23) Par.?
śiśur vā āṅgiraso mantrakṛtāṃ mantrakṛd āsīt sa pitṝn putrakā ity āmantrayata taṃ pitaro 'bruvan na dharmaṃ karoṣi yo naḥ pitṝn sataḥ putrakā ity āmantrayama iti so 'bravīd ahaṃ vāva vaḥ pitāsmi yo mantrakṛd asmīti taṃ deveṣv apṛcchanta te devā abruvann eṣa vāva pitā yo mantrakṛd iti tad vai sa udajayad ujjayati śaiśavena tuṣṭuvānaḥ / (3.24) Par.?
gāyatrīṣu stuvanti pratiṣṭhāyai brahmavarcasāya yenaiva prāṇena prayanti tam abhyudyanti / (3.25) Par.?
viṣṇumatyo gāyatryo bhavanti tad u traiṣṭubhād rūpān na yanti stomaḥ // (3.26) Par.?
indraḥ prajāpatim upādhāvad vṛtraṃ hanānīti tasmā etacchandobhya indriyaṃ vīryaṃ nirmāya prāyacchad etena śaknuhīti tacchakvarīṇāṃ śakvarītvaṃ sīmānam abhinat tat simā mahnyām akarot tan mahnyā mahān ghoṣa āsīt tan mahānāmnyaḥ / (4.1) Par.?
diśaḥ pañcapadā dādhārartūn ṣaṭpadā chandāṃsi saptapadā puruṣaṃ / (4.2) Par.?
dvyopaśāḥ saṃstutā bhavanti tasmād dvyopaśāḥ paśavaḥ / (4.3) Par.?
iḍe abhito 'thakāraṃ tasmācchṛṅge tīkṣṇīyasī stūpāt / (4.4) Par.?
upakṣudrā gāyati tasmād upakṣudrāḥ paśavaḥ / (4.5) Par.?
asaṃśliṣṭā gāyati tasmād asaṃśliṣṭāḥ paśavaḥ / (4.6) Par.?
nānārūpā gāyati tasmān nānārūpāḥ paśavaḥ / (4.7) Par.?
āpo vai kṣīrarasā āsaṃste devāḥ pāpavasīyasād abibhayur yad apa upanidhāya stuvate pāpavasīyaso vidhṛtyai / (4.8) Par.?
vidhṛtiḥ pāpavasīyaso bhavati ya evaṃ veda / (4.9) Par.?
gāyatram ayanaṃ bhavati brahmavarcasakāmasya svarṇidhanaṃ madhunāmuṣmiṃlloka upatiṣṭhate traiṣṭubham ayanaṃ bhavaty ojaskāmasyāthakāraṇidhanam ājyenāmuṣmiṃlloka upatiṣṭhate jāgatam ayanaṃ bhavati paśukāmasyeḍānidhanaṃ payasāmuṣmiṃlloka upatiṣṭhate / (4.10) Par.?
añjasāryo mālyaḥ śakvarīḥ prārautsīd iti hovācālammaṃ pārijānataṃ rajanaḥ kauṇeyo yady enāḥ pratiṣṭhāpaṃ śakṣyatīty etad vā etāsām añjayati pratiṣṭhitā ya ābhiḥ kṣipraṃ prastutya kṣipram udgāyati / (4.11) Par.?
śakvarībhiḥ stutvā purīṣeṇa stuvate / (4.12) Par.?
paśavo vai śakvaryo gauṣṭhaḥ purīṣaṃ goṣṭham eva tat paśubhyaḥ paryasyanti tam evainān pravartayantyavisraṃsāya / (4.13) Par.?
indro madāya vāvṛdha ity avardhanta hy etarhi / (4.14) Par.?
tāsu bārhadgiram / (4.15) Par.?
svādor itthā viṣuvata iti viṣuvān vai pañcamam ahas tāsu rāyovājīyam / (4.16) Par.?
indro yatīn sālāvṛkebhyaḥ prāyacchat teṣāṃ traya udaśiṣyanta pṛthuraśmir bṛhadgirī rāyovājas te 'bruvan ko na imān putrān bhariṣyatīty aham itīndro 'bravīt tān ādhinidhāya paricāryaṃ carad vardhayaṃs tān vardhayitvābravīt kumārakā varān vṛṇīdhvam iti kṣatraṃ mahyam ity abravīt pṛthuraśmis tasmā etena pārthuraśmena kṣatraṃ prāyacchat kṣatrakāma etena stuvīta kṣatrasyaivāsya prakāśo bhavati brahmavarcasaṃ mahyam ity abravīt bṛhadgiris tasmā etena bārhadgireṇa prāyacchat brahmavarcasakāma etena stuvīta brahmavarcasī bhavati paśūn mahyam ity abravīd rāyovājas tasmā etena rāyovājīyena paśūn prāyacchat paśukāma etena stuvīta paśumān bhavati / (4.17) Par.?
pārthuraśmaṃ rājanyāya brahmasāma kuryāt bārhadgiraṃ brāhmaṇāya rāyovājīyaṃ vaiśyāya svenaivaināṃstadrūpeṇa samardhayati stomaḥ // (4.18) Par.?
asāvy aṃśur madāya iti gāyatrī bhavati madavad vai rasavat tṛtīyasavanaṃ madam eva tad rasaṃ dadhāti / (5.1) Par.?
abhi dyumnaṃ bṛhadyaśa ity abhīti rathantarasya rūpaṃ bṛhad iti bṛhata ubhayos saha rūpam upaityubhau hi varṇāvetad ahaḥ / (5.2) Par.?
prāṇā śiśur mahīnām iti simānāṃ rūpaṃ mahyo hi simāḥ svenaivainās tad rūpeṇa samardhayati / (5.3) Par.?
pavasva vājasātaya iti vaiṣṇavyo 'nuṣṭubho bhavanti / (5.4) Par.?
yajño vai viṣṇur yad atra nāpi kriyate tad viṣṇunā yajñenāpi karoti / (5.5) Par.?
indur vājī pavate gonyoghā iti simānāṃ rūpaṃ svenaivainās tad rūpeṇa samardhayati / (5.6) Par.?
triṣṭubhaḥ satyo jagatyo rūpeṇa tasmājjagatīnāṃ loke kriyante / (5.7) Par.?
gāyatraṃ bhavati yad eva gāyatrasya brāhmaṇam / (5.8) Par.?
santani bhavati pañcamasyāhnas santatyai / (5.9) Par.?
vāg vā eṣā pratatā yad dvādaśāhas tasyā eṣa viṣuvān yat pañcamam ahas tām evaitena saṃtanoti / (5.10) Par.?
cyāvanaṃ bhavati / (5.11) Par.?
prajātir vai cyāvanaṃ prajāyate bahur bhavati cyāvanena tuṣṭuvānaḥ / (5.12) Par.?
ebhyo vai lokebhyo vṛṣṭir apākrāmat tāṃ prajāpatiś cyāvanenācyāvayad yad acyāvayat taccyāvanasya cyāvanatvaṃ cyāvayati vṛṣṭiṃ cyāvanena tuṣṭuvānaḥ / (5.13) Par.?
krośa bhavati / (5.14) Par.?
etena vā indra indrakrośe viśvāmitrajamadagnī imā gāva ityākrośat paśūnām avaruddhyai krośaṃ kriyate / (5.15) Par.?
gaurīvitaṃ bhavati yad eva gaurīvitasya brāhmaṇam / (5.16) Par.?
ṛṣabhaḥ śākvaro bhavati / (5.17) Par.?
paśavo vai śakvaryaḥ paśuṣveva tan mithunam apy arjati prajātyai na ha vā anṛṣabhāḥ paśavaḥ prajāyante / (5.18) Par.?
pārthaṃ bhavati / (5.19) Par.?
etena vai pṛthur vainya ubhayeṣāṃ paśūnām ādhipatyam āśnutobhayeṣāṃ paśūnām ādhipatyam aśnute pārthena tuṣṭuvānaḥ / (5.20) Par.?
aṣṭeḍaḥ padastobho bhavati / (5.21) Par.?
indro vṛtrāya vajram udayacchat taṃ ṣoḍaśabhir bhogaiḥ paryabhujat sa etaṃ padastobham apaśyat tenāpāveṣṭayad apāveṣṭayann iva gāyet pāpmano 'pahatyai / (5.22) Par.?
pāpmā vāva sa tam agṛhṇāt taṃ padastobhenāpāhatāpa pāpmānaṃ hate padastobhena tuṣṭuvānaḥ / (5.23) Par.?
pador uttamam apaśyat tat padastobhasya padastobhatvam / (5.24) Par.?
dvādaśanidhano bhavati pratiṣṭhāyai / (5.25) Par.?
dāśaspatyaṃ bhavati / (5.26) Par.?
yāṃ vai gāṃ praśaṃsanti dāśaspatyeti tāṃ praśaṃsanty ahar evaitena praśaṃsanti / (5.27) Par.?
nidhanāntāḥ pavamānā bhavanty ahno dhṛtyai stomaḥ // (5.28) Par.?
ā te agna idhīmahi iti / (6.1) Par.?
apacchid iva vā etad yajñakāṇḍaṃ yad ukthāni yad eti salomatvāyaiva / (6.2) Par.?
indrāya sāma gāyata iti pūrṇāḥ kakubhas tenānaśanāyuko bhavati / (6.3) Par.?
puruṣo vai kakup puruṣam eva tan madhyataḥ prīṇāti / (6.4) Par.?
asāvi soma indra ta iti simānāṃ rūpaṃ svenaivaināṃs tad rūpeṇa samardhayati / (6.5) Par.?
saṃjayaṃ bhavati / (6.6) Par.?
devāś ca vā asurāśca samadadhata yatare naḥ saṃjayāṃsteṣāṃ naḥ paśavo 'sān iti te devā asurān saṃjayena samajayan yat samajayaṃs tasmāt saṃjayaṃ paśūnām avaruddhyai saṃjayaṃ kriyate / (6.7) Par.?
saumitraṃ bhavati / (6.8) Par.?
dīrghajihvī vā idaṃ rakṣo yajñahā yajñiyān avalihaty acarat tām indraḥ kayācana māyayā hantuṃ nāśaṃsatātha ha sumitraḥ kutsaḥ kalyāṇa āsa tam abravīd imām acchā brūṣveti tām acchā brūta sainam abravīn nāhaitan na śuśruva priyam iva tu me hṛdayasyeti tām ajñapayat tāṃ saṃskṛte 'hatāṃ tad vāva tau tarhy akāmayetāṃ kāmasani sāma saumitraṃ kāmam evaitenāvarundhe / (6.9) Par.?
sumitraḥ san krūram akar ity enaṃ vāg abhyavadat taṃ śug ārchat sa tapo 'tapyata sa etat saumitram apaśyat tena śucam apāhatāpaśucaṃ hate saumitreṇa tuṣṭuvānaḥ / (6.10) Par.?
mahāvaiśvāmitraṃ bhavati / (6.11) Par.?
pāpmānaṃ hatvā yad amahīyanta tan mahāvaiśvāmitrasya mahāvaiśvāmitratvam / (6.12) Par.?
hāyā ihayā ohā oheti paśūn evaitena nyauhanta / (6.13) Par.?
trīḍaṃ bhavati trirātrasya dhṛtyai / (6.14) Par.?
dravantīm iḍām uttamām upayanti ṣaṣṭhasyāhnaḥ santatyai / (6.15) Par.?
triṇava eva stomo bhavati pratiṣṭhāyai puṣṭyai trivṛd vā eṣa puṣṭhaḥ // (6.16) Par.?
jyotir yajñasya pavate madhupriyam iti ṣaṣṭhasyāhnaḥ pratipad bhavati / (7.1) Par.?
jyotir vai gāyatrī chandamāṃ jyotiḥ revatī sāmnāṃ jyotis trayastriṃśaḥ stomānāṃ jyotir eva tat samyak saṃdadhāsy api ha putrasya putro jyotiṣmān bhavati / (7.2) Par.?
madhu priyam iti paśavo vai revatyo madhupriyaṃ tad eva tad abhivadati / (7.3) Par.?
madintamo matsara indriyo rasa itīndriyaṃ vai vīryaṃ rasaḥ paśavas tad eva tad abhivadati / (7.4) Par.?
amṛkṣata pra vājina ity anurūpo bhavati / (7.5) Par.?
sṛṣṭānīva hy etarhy ahāni / (7.6) Par.?
pūrvam u caiva tad rūpam apareṇa rūpeṇānuvadati yat pūrvaṃ rūpam apareṇa rūpeṇānuvadati tad anurūpasyānurūpatvam anurūpa enaṃ putro jāyate ya evaṃ veda stotrīyānurūpau tṛcau bhavataḥ prāṇāpānānām avaruddhyai / (7.7) Par.?
daśarcau bhavato daśākṣarā virāṭ vairājam annam annādyasyāvaruddhyai / (7.8) Par.?
uttaro daśarco bhavati sodarka indriyasya vīryasya rasasyānatikṣārāya / (7.9) Par.?
yatra ve devā indriyaṃ vīryaṃ rasam apaśyaṃs tad anunyatudan / (7.10) Par.?
caturṛco bhavati pratiṣṭhāyai / (7.11) Par.?
dhvasre vai puruṣantī tarantapurumīḍhābhyāṃ vaitadaśvibhyāṃ sahasrāṇy aditsatāṃ tāv aikṣetāṃ kathaṃ nāv idam āttam apratigṛhītaṃ syād iti tau praty etāṃ dhvasrayoḥ puruṣantyor ā sahasrāṇi dadmahe tarat sa mandī dhāvatīti tato vai tat tayor āttam apratigṛhītam abhavat / (7.12) Par.?
āttam asyāpratigṛhītaṃ bhavati ya evaṃ veda / (7.13) Par.?
vinārāśaṃso bhavaty ubhayasyānnādyasyāvaruddhyai mānuṣasya ca daivasya ca / (7.14) Par.?
tṛca uttamo bhavati yenaiva prāṇena prayanti tam abhyudyanti / (7.15) Par.?
trayastriṃśa eva stomo bhavati pratiṣṭhāyai devatāsu vā eṣa pratiṣṭhitaḥ / (7.16) Par.?
imaṃ stomam arhate jātavedasa ity āgneyam ājyaṃ bhavati sodarkam indriyasya vīryasya rasasyānatikṣārāya yatra vai devā indriyaṃ vīryaṃ rasam apaśyaṃs tad anunyatudan / (7.17) Par.?
prativāṃ sūra udita iti sūravan maitrāvaruṇam / (7.18) Par.?
anto vai sūro 'nta etat ṣaṣṭham ahar ahnām anta eva tad ante stuvate pratiṣṭhāyai / (7.19) Par.?
bhinddhi viśvā apadviṣa ity aindraṃ sodarkam indriyasya vīryasya rasasyānatikṣārāya yatra vai devā indriyaṃ vīryaṃ rasam apaśyaṃs tad anunyatudan / (7.20) Par.?
yajñasya hi stha ṛtvija ity aindrāgnaṃ sodarkam indriyasya vīryasya rasasyānatikṣārāya yatra vai devā indriyaṃ vīryaṃ rasam apaśyaṃs tad anunyatudan stomaḥ // (7.21) Par.?
indrāyendo marutvata iti marutvatyo gāyatryo bhavanti / (8.1) Par.?
marutvaddhi mādhyandinaṃ savanam / (8.2) Par.?
mṛjyamānaḥ suhastya iti simānāṃ rūpam / (8.3) Par.?
samānaṃ vai simānāṃ rūpaṃ revatīnāṃ ca simābhyo hy adhirevatyaḥ prajāyante / (8.4) Par.?
etam u tyaṃ daśa kṣipa ity ādityā ādityā vā imāḥ prajās tāsām eva madhyataḥ pratitiṣṭhati / (8.5) Par.?
gāyatryaḥ satyas triṣṭubho rūpeṇa tasmāt triṣṭubhāṃ loke kriyante / (8.6) Par.?
gāyatraṃ bhavati yad eva gāyatrasya brāhmaṇam / (8.7) Par.?
iṣovṛdhīyaṃ bhavati / (8.8) Par.?
paśavo vā iṣovṛdhīyaṃ paśūnām avaruddhyā iṣe vai pañcamam ahar vṛdhe ṣaṣṭham avardhanta hy etarhi yajamānam evaitena vardhayanti / (8.9) Par.?
krauñcaṃ bhavati / (8.10) Par.?
kruṅṅ eṣyam ahar avindad eṣyam iva vai ṣaṣṭham ahar evaitena vindanti / (8.11) Par.?
vājadāvaryo bhavanti / (8.12) Par.?
annaṃ vai vājo 'nnādyasyāvaruddhyai yadā hi vā annam atha gaur athāśvo 'tha puruṣo vājī / (8.13) Par.?
revatyo bhavanti pratiṣṭhāyai / (8.14) Par.?
ṣaṇṇidhanī ṣaḍrātrasya dhṛtyai / (8.15) Par.?
āpo vai revatyas tā yat pṛṣṭhaṃ kuryur apaśur yajamānaḥ syāt paśūn asya nirdaheyur yatra vā āpo vivartante tad oṣadhayo jāyante 'tha yatrāvatiṣṭhante nirmṛtukās tatra bhavanti tasmāt pavamāne kurvanti parācā hi pavamānena stuvate / (8.16) Par.?
methī vā iṣovṛdhīyaṃ rajjuḥ krauñcaṃ vatso vājadāvaryo revatyo mātaro yad etāny evaṃ sāmāni kriyanta evam eva prattāṃ dugdhe / (8.17) Par.?
aukṣṇorandhre bhavataḥ / (8.18) Par.?
ukṣṇorandhro vā etābhyāṃ kāvyo 'ñjasā svargaṃ lokam apaśyat svargasya lokasyānukhyātyai svargāllokān na cyavate tuṣṭuvānaḥ / (8.19) Par.?
vājajid bhavati sarvasyāptyai sarvasya jityai sarvaṃ vā ete vājaṃ jayanti ye ṣaṣṭham ahar āgacchanti / (8.20) Par.?
annaṃ vai vājo 'nnādyasyāvaruddhyai / (8.21) Par.?
annaṃ vai vājo 'nnādyasyojjityai // (MS, 1, 11, 7, 9, 0) [1]
annaṃ vai vājo 'nnādyasyāvaruddhyai // (MS, 1, 11, 8, 32, 0) [0]
annaṃ vai vājo 'nnādyasyāvaruddhyai // (MS, 1, 11, 9, 31, 0) [0]
varuṇasāma bhavati / (8.22) Par.?
etena vai varuṇo rājyam ādhipatyam agacchad yaśo 'bhavad rājyam ādhipatyaṃ gacchati yaśo bhavati varuṇasāmnā tuṣṭuvānaḥ / (8.23) Par.?
aṅgirasāṃ goṣṭho bhavati / (8.24) Par.?
paśavo vai revatyo gauṣṭham eva tat paśubhyaḥ paryasyanti tam evainān pravartayanty avisraṃsāya / (8.25) Par.?
ihavad vāmadevyaṃ bhavati / (8.26) Par.?
etena vai vāmadevo 'nnasya purodhām agacchad annaṃ vai brahmaṇaḥ purodhā annasyāvaruddhyai / (8.27) Par.?
gāyatrīṣu stuvanti pratiṣṭhāyai brahmavarcasāya yenaiva prāṇena prayanti tam abhyudyanti / (8.28) Par.?
marutvatyo gāyatryo bhavanti tad u traiṣṭubhād rūpān na yanti stomaḥ // (8.29) Par.?
yātayāmāny anyāni chandāṃsy ayātayāmā gāyatrī tasmād gāyatrīṣu stuvanti / (9.1) Par.?
surūpa kṛtnum ūtaya ity abhyārambheṇa ṣaṭpadāḥ ṣaṣṭhasyāhno rūpaṃ tena ṣaṣṭham ahar ārabhante santatyai / (9.2) Par.?
ubhe yad indra rodasī iti ṣaṭpadāḥ ṣaṣṭhasyāhno rūpaṃ tena ṣaṣṭham ahar ārabhante santatyai / (9.3) Par.?
revatīṣu vāravantīyaṃ pṛṣṭhaṃ bhavati / (9.4) Par.?
apāṃ vā eṣa raso yad revatyo revatīnāṃ raso yad vāravantīyaṃ sarasā eva tad revatīḥ prayuṅkte yad vāravantīyena pṛṣṭhena stuvate / (9.5) Par.?
revad vā etad raivatyaṃ yad vāravantīyam asya revān revātyā jāyate / (9.6) Par.?
revān bhavati ya evaṃ veda / (9.7) Par.?
keśine vā etad dālbhyāya sāmāvirabhavat tad enam abravīd agātāro mā gāyanti mā mayodgāsiṣur iti kathaṃ ta āgā bhagava ity abravīd āgeyam evāsmy āgāyann iva gāyet pratiṣṭhāyai tad alammaṃ pārijānataṃ paścādakṣaṃ śayānam etām āgāṃ gāyantam ajānāt tam abravīt puras tvā dadhā iti tam abruvan ko nv ayaṃ kasmā alam ity alaṃ nu vai mahyam iti tad alammasyālammatvam / (9.8) Par.?
iheheti gāyet pratiṣṭhāyai / (9.9) Par.?
ṛṣabho raivato bhavati / (9.10) Par.?
paśavo vai raivatyaḥ paśuṣv eva tan mithunam apyarjati prajātyai na ha vā anṛṣabhāḥ paśavaḥ prajāyante / (9.11) Par.?
śyeno bhavati / (9.12) Par.?
śyeno ha vai pūrvapretāni vayāṃsy āpnoti pūrvapretānīva vai pūrvāṇy ahāni teṣām āptyai śyenaḥ kriyate / (9.13) Par.?
śyeno vā etad ahaḥ saṃpārayitum arhati sa hi vayasām āśiṣṭhas tasyānapahananāya sampāraṇāyaitat kriyate 'nto hi ṣaṣṭhaṃ cāhaḥ saptamaṃ ca / (9.14) Par.?
brahmavādino vadanti yad bṛhad āyatanāni pṛṣṭhāny athaite dve gāyatryau dve jagatyau kva tarhi bṛhatyo bhavantīti / (9.15) Par.?
ye dve jagatyoḥ pade te gāyatryā upasaṃpadyete tat sarvā bṛhatyo bhavanty āyatane pṛṣṭhāni yātayatyāyatanavān bhavati / (9.16) Par.?
ṣaṭpadāsu stuvanti ṣaḍrātrasya dhṛtyai / (9.17) Par.?
saptapadayā yajati saptamasyāhnaḥ santatyai stomaḥ // (9.18) Par.?
parisvāno giriṣṭhā iti parivatyo gāyatryo bhavanti sarvasya paryāptyai / (10.1) Par.?
sasunveyo vasūnām iti paśavo vai vasu paśūnām avaruddhyai / (10.2) Par.?
taṃ vassakhāyo madāya iti vālakhilyāḥ / (10.3) Par.?
vālakhilyāv etau tṛcau ṣaṣṭhe cāhani saptame ca / (10.4) Par.?
yad etau vālakhilyau tṛcau bhavato 'hnor eva vyatiṣaṅgāyāvyatisraṃsāya santatyai / (10.5) Par.?
somāḥ pavanta indava ity anuṣṭubho nibhasado bhavanti pratiṣṭhāyai / (10.6) Par.?
ayā pavā pavasvainā vasūni iti triṣṭubhas satyo jagatyo rūpeṇa tasmājjagatīnāṃ loke kriyante / (10.7) Par.?
gāyatraṃ bhavati yad eva gāyatrasya brāhmaṇam / (10.8) Par.?
vaidanvatāni bhavanti / (10.9) Par.?
vidanvān vai bhārgava indrasya pratyahaṃs taṃ śug ārchat sa tapo 'tapyata sa etāni vaidanvatāny apaśyat taiḥ śucam apāhatāpaśucaṃ hate vaidanvatais tuṣṭuvānaḥ / (10.10) Par.?
bharadvājasya lomata bhavati / (10.11) Par.?
paśavo vai loma paśūnām avaruddhyai / (10.12) Par.?
tad u dīrgham ity āhur āyur vai dīrgham āyuṣo 'varuddhyai / (10.13) Par.?
kārṇaśravasaṃ bhavati śṛṇvanti tuṣṭuvānam / (10.14) Par.?
karṇaśravā vā etad āṅgirasaḥ paśukāmaḥ sāmāpaśyat tena sahasraṃ paśūn asṛjata yad etat sāma bhavati paśūnāṃ puṣṭyai / (10.15) Par.?
gaurīvitaṃ bhavati gaurīvitasya brāhmaṇam / (10.16) Par.?
madhuścyunnidhanaṃ bhavati / (10.17) Par.?
paramasyānnādyasyāvaruddhyai paramaṃ vā etad annādyaṃ yan madhu / (10.18) Par.?
prajāpater vā etau stanau yad ghṛtaścyunnidhanaṃ ca madhuścyunnidhanaṃ ca yajño vai prajāpatis tam etābhyāṃ dugdhe yaṃ kāmaṃ kāmayate taṃ dugdhe / (10.19) Par.?
krauñce bhavataḥ / (10.20) Par.?
śnauṣṭaṃ bhavati / (10.21) Par.?
śnuṣṭir vā etenāṅgiraso 'ñjasā svargaṃ lokam apaśyat svargasya lokasyānukhyātyai svargāt lokānna cyavate tuṣṭuvānaḥ / (10.22) Par.?
agner vā etad vaiśvānaraṃ sāma dīdihīti nidhanam upayanti dīdā eva hy agnir vaiśvānaraḥ / (10.23) Par.?
nidhanāntāḥ pavamānā bhavanty ahno dhṛtyai stomaḥ // (10.24) Par.?
brahmavādino vadanti prāyaṇato dvipadāḥ kāryā udayanatā3 iti / (11.1) Par.?
udayanata eva kāryāḥ puruṣo vai dvipadāḥ pratiṣṭhāyai / (11.2) Par.?
vācā vai sarvaṃ yajñaṃ tanvate tasmāt sarvāṃ vācaṃ puruṣo vadati sarvā hy asmin saṃstutā pratitiṣṭhati / (11.3) Par.?
gūrdo bhavati / (11.4) Par.?
gopāyanānāṃ vai sattram āsīnānāṃ kirātakulyāv asuramāye antaḥparidhy asūn prākiratāṃ te agre tvan no antama ity agnim upāsīdaṃs tenāsūn aspṛṇvaṃs tad vāva te tarhy akāmayanta kāmasani sāma gūrdaḥ kāmam evaitenāvarundhe / (11.5) Par.?
gotamasya bhandra bhavati / (11.6) Par.?
āśiṣam evāsmā etenāśāste sāma hi satyāśīḥ / (11.7) Par.?
etena vai gotamo jemānaṃ mahimānam agacchat tasmād ye ca parāñco gotamād ye cārvāñcas ta ubhaye gotamā ṛṣayo bruvate / (11.8) Par.?
udvaṃśaputrā bhavati / (11.9) Par.?
yad vā udvaṃśīyaṃ tad udvaṃśaputraḥ / (11.10) Par.?
ardheḍām atisvarati / (11.11) Par.?
tasmād ūdhardhārā ati carantīḍāyām antataḥ paśuṣu pratitiṣṭhati / (11.12) Par.?
kᄆpta upariṣṭād ṛk sāma ca vimucyete abhy u svareṇa saptamam ahaḥ svarati santatyai / (11.13) Par.?
ūhuṣīva vā etarhi vāg yadā ṣaḍahaḥ saṃtiṣṭhate na bahu vaden nānyaṃ pṛcchen nānyasmai prabrūyāt / (11.14) Par.?
madhu vāśayed ghṛtaṃ vā yathehuṣo bahaṃ pratyanakti tathā tat / (11.15) Par.?
trayastriṃśa eva stomo bhavati pratiṣṭhāyai devatāsu vā eṣa pratiṣṭhitaḥ // (11.16) Par.?
Duration=0.49819087982178 secs.