Texts

brahmovāca / (1.1) Par.?

vakṣye pratipadādīni vratāni vyāsa śṛṇvatha / (1.2) Par.?

vaiśvānarapadaṃ yāti śikhivratamidaṃ smṛtam // (1.3) Par.?

pratipadyekabhaktāśī samāpte kapilāpradaḥ / (2.1) Par.?

caitrādau kārayeccaiva brahmapūjāṃ yathāvidhi / (2.2) Par.?

gandhapuṣpārcanair dānair mālyādyaiśca manoramaiḥ // (2.3) Par.?

sahomaiḥ pūjayeddevaṃ sarvānkāmānavāpnuyāt / (3.1) Par.?

kārtike ta site 'ṣṭamyāṃ puṣpahārī ca vatsaram // (3.2) Par.?

puṣpādidātā rūpeṇa rūpabhāgī bhavennaraḥ / (4.1) Par.?

kṛṣṇapakṣe tṛtīyāyāṃ śrāvaṇe śrīdharaṃ śriyā // (4.2) Par.?

yajed aśūnyaśayyāyāṃ phalaṃ dadyāddvijātaye / (5.1) Par.?

śayyāṃ dattvā prārthayecca śrīdharāya namaḥ śriyai // (5.2) Par.?

umāṃ śivaṃ hutāśaṃ ca tṛtīyāyāṃ ca pūjayet / (6.1) Par.?

haviṣyam annaṃ naivedyaṃ deyaṃ damanakaṃ tathā // (6.2) Par.?

caitrādau phalamāpnoti umayā me prabhāṣitam / (7.1) Par.?

phālgunāditṛtīyāyāṃ lavaṇaṃ yastu varjayet // (7.2) Par.?

samāpte śayanaṃ dadyādgṛhaṃ copaskarānvitam / (8.1) Par.?

sampūjya vipramithanaṃ bhavānī prīyatāmiti // (8.2) Par.?

gaurīloke vasennityaṃ saubhāgyakaramuttamam / (9.1) Par.?

gaurī kālī umā bhadrā durgā kāntiḥ sarasvatī // (9.2) Par.?

maṅgalā vaiṣṇavī lakṣmīḥ śivā nārāyaṇī kramāt / (10.1) Par.?

mārge tṛtīyāmārabhya aviyogādim āpnuyāt // (10.2) Par.?

caturthyāṃ sitamāghādau nirāhāro vratānvitaḥ / (11.1) Par.?

dattvā tilāṃstu viprāya svayaṃ bhuṅkte tilodakam // (11.2) Par.?

varṣadvaye samāptiśca nirvighnādiṃ samāpnuyāt / (12.1) Par.?

gaḥ svāhā mūlamantro 'yaṃ praṇavena samanvitaḥ // (12.2) Par.?

glaiṃ glāṃ hṛdaye gāṃ gīṃ hūṃ hrīṃ hrīṃ śiraḥ śikhā / (13.1) Par.?

gūṃ varma goṃ ca gaiṃ netraṃ goṃ ca āvāhanādiṣu // (13.2) Par.?

āgaccholkāya ganandholkaḥ puṣpolko dhūpakolkakaḥ / (14.1) Par.?

dīpolkāya maholkāya baliścātha visajanam // (14.2) Par.?

sidedholkāya ca gāyattrī nyāsoṅguṣṭhādir īritaḥ / (15.1) Par.?

oṃ mahākarṇāya vidmahe vakratuṇḍāya dhīmahi tanno dantiḥ pracodayāt // (15.2) Par.?

pūjayet tilahomaiśca ete pūjyā gaṇāstathā / (16.1) Par.?

gaṇāya gaṇapataye svāhā kūṣmāṇḍakāya ca // (16.2) Par.?

amogholkāyaikadantāya tripurāntakarūpiṇe / (17.1) Par.?

oṃ śyāmadantavikarālāsyāhavepāya vai namaḥ // (17.2) Par.?

padmadaṃṣṭrāya svāhānte mudrā vai nartanaṃ gaṇe / (18.1) Par.?

hastatālaśca hasanaṃ saubhāgyādiphalaṃ bhavet // (18.2) Par.?

mārgaśīrṣe tathā śuklacaturthyāṃ pūjayed gaṇam / (19.1) Par.?

abdaṃ prāpnoti vidyāśrīkīrtyāyuḥputrasantatim // (19.2) Par.?

somavāre caturthyāṃ ca samupoṣyārcayedgaṇam / (20.1) Par.?

japañjuhvatsmaranvidyā svargaṃ nirvāṇatāṃ vrajet // (20.2) Par.?

yajecchuklacaturthyāṃ yaḥ khaṇḍalaḍḍukamodakaiḥ / (21.1) Par.?

vighnācanena sarvānsa kāmānsaubhāgyamāpnuyāt // (21.2) Par.?

putrādikaṃ damanakairdamanākhyā caturthyapi / (22.1) Par.?

āṃ gaṇapataye namaḥ caturthyantaṃ yajedgaṇam // (22.2) Par.?

māse tu yasminkasmiṃścijjuhuyādvā japetsmaret / (23.1) Par.?

sarvānkāmānavāpnoti sarvavighnavināśanam // (23.2) Par.?

vināyakaṃ mūrtikādyaṃ yajedebhiśca nāmabhiḥ / (24.1) Par.?

so 'pi sadgatimāpnoti svargamokṣasukhāni ca // (24.2) Par.?

gaṇapūjyo vakratuṇḍa ekadaṃṣṭrī triyambakaḥ / (25.1) Par.?

nīlagrīvo lambodaro vikaṭo vighnarājakaḥ // (25.2) Par.?

dhūmravarṇo bhālacandro daśamasta vināyakaḥ / (26.1) Par.?

gaṇapatirhastimukho dvādaśāre yajedgaṇam // (26.2) Par.?

pṛthak samastaṃ madhāvī sarvānkāmānavāpnuyāt / (27.1) Par.?

śrāvaṇe cāśvine bhādre pañcamyāṃ kāttika śubhe // (27.2) Par.?

vāsukistakṣakaścaiva kālīyo maṇibhadrakaḥ / (28.1) Par.?

airāvato dhṛtarāṣṭraḥ karkoṭakadhanañjayau // (28.2) Par.?

ghṛtādyaiḥ snāpitā hyete āyurārogyasampadaḥ / (29.1) Par.?

anantaṃ vāsukiṃ śaṅkhaṃ padmaṃ kambalameva ca // (29.2) Par.?

tathā karkoṭakaṃ nāgaṃ dhṛtarāṣṭraṃ ca śaṅkhakam / (30.1) Par.?

kālīyaṃ takṣakaṃ caiva piṅgalaṃ māsi māsi ca // (30.2) Par.?

yajedbhādrasite nāgānaṣṭau muktiṃ divaṃ vrajet / (31.1) Par.?

dvārasyobhayato lekhyāḥ śrāvaṇe tu site yajet // (31.2) Par.?

pañcamyāṃ pūjayennāgān anantādyān mahoragān / (32.1) Par.?

kṣīraṃ sarpiśca naivedyaṃ deyaṃ sarvaviṣāpaham / (32.2) Par.?

nāgā abhayahastāśca daṣṭoddhārā tu pañcamī // (32.3) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe daṣṭoddhārapañcamavritaṃ nāmaikonatriṃśottaraśatatamo 'dhyāyaḥ // (33.1) Par.?