UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 8411
- Click on a sentence to show its analysis
- Keep the mouse pointer over a lemma to show its meanings.
dhanvantariruvāca / (1.1)
Par.?
hikkāroganidānaṃ ca vakṣye suśruta tacchṛṇu / (1.2)
Par.?
śvāsaikahetuḥ prāgrūpaṃ saṃkhyā prakṛtisaṃśrayā // (1.3)
Par.?
hikkā bhakṣyodbhavā kṣudrā yamalā mahatīti ca / (2.1)
Par.?
gambhīrā ca maruttatra tvarayāyuktisevitaiḥ // (2.2)
Par.?
rūkṣatīkṣṇakharāśāntairannapānaiḥ prapīḍitaḥ / (3.1)
Par.?
karoti hikkāṃ śvasanaḥ mandaśabdāṃ kṣudhānugām // (3.2)
Par.?
samaṃ sandhyānnapānena yā prayāti ca sānnajā / (4.1)
Par.?
āyāsātpavanaḥ kruddhaḥ kṣudrāṃ hikkāṃ pravartayet // (4.2)
Par.?
jatrumūlātparisṛtā mandavegavantī hi sā / (5.1)
Par.?
vṛddhimāyāsato yāti bhuktamātre ca mārdavam // (5.2)
Par.?
cireṇa yamalairvegairyā hikkā sampravartate / (6.1)
Par.?
pariṇāmānmukhe vṛddhiṃ pariṇāme ca gacchati // (6.2)
Par.?
kampayantī śiro grīvāṃ yamalāṃ tāṃ vinirdiśet / (7.1)
Par.?
pralāpacchardyatīsāranetraviplutajṛmbhitā // (7.2)
Par.?
yamalā veginī hikkā pariṇāmavatī ca sā / (8.1)
Par.?
dhvastabhrūśaṅkhayugmasya śrutiviplutacakṣuṣaḥ // (8.2)
Par.?
stambhayantī tanuṃ vācaṃ smṛtiṃ saṃjñāṃ ca muñcatī / (9.1)
Par.?
tudantī mārgamāṇasya kurvatī marmaghaṭṭanam // (9.2)
Par.?
pṛṣṭhato namanaṃ
sārṣyaṃ mahāhikkā pravartate / (10.1)
Par.?
mahāśūlā mahāśabdā mahāvegā mahābalā // (10.2)
Par.?
pakvāśayācca nābhervā pūrvavatsā pravartate // (11.1)
Par.?
tadrūpā sā mahatkuryāj jṛmbhaṇāṅgaprasāraṇam / (12.1)
Par.?
gambhīreṇa nidānena gambhīrā tu susādhayet // (12.2)
Par.?
ādye dve varjayedanye sarvaliṅgāṃ ca veginīm / (13.1)
Par.?
sarvasya saṃcitāmasya sthavirasya vyavāyinaḥ // (13.2)
Par.?
vyādhibhiḥ kṣīṇadehasya bhaktacchedakṛśasya ca / (14.1)
Par.?
sarve 'pi rogā nāśāya na tvevaṃ śīghrakāriṇaḥ // (14.2)
Par.?
hikkāśvāsau yathā tau hi mṛtyukāle kṛtālayau // (15.1)
Par.?
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe hikkānidānā nāmaikapañcāśaduttaraśatatamo 'dhyāyaḥ // (16.1) Par.?
Duration=0.064513921737671 secs.