Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 9661
  • Click on a sentence to show its analysis
  • Keep the mouse pointer over a lemma to show its meanings.
1 parallel or similar passage(s) in this chapter
athāto vairāgyasaṃskṛte śarīre brahmayajñaniṣṭho bhavet // (1.0) Par.?
apa punarmṛtyuṃ jayati // (2.0) Par.?
apa punarmṛtyuṃ jayati / (BĀU, 1, 2, 7, 15) [0]
tad u ha vātmā draṣṭavyaḥ śrotavyo mantavyo nididhyāsitavya iti // (3.0) Par.?
tam etaṃ vedānuvacanena vividiṣanti brahmacaryeṇa tapasā śraddhayā yajñenānāśakena ceti māṇḍūkeyaḥ // (4.0) Par.?
tasmād evaṃvicchānto dānta uparatas titikṣuḥ śraddhāvitto bhūtvātmany evātmānaṃ paśyed iti māṇḍavyaḥ // (5.0) Par.?
yo 'yaṃ vijñānamayaḥ puruṣaḥ prāṇeṣu sa eṣa neti nety ātmā na gṛhya idaṃ brahmedaṃ kṣatram ime devā ime vedā ime lokā imāni sarvāṇi bhūtānīdaṃ sarvaṃ yad ayam ātmā // (6.0) Par.?
sa eṣa tat tvam asīty ātmāvagamyo 'haṃ brahmāsmīti // (7.0) Par.?
tad etad brahmāpūrvam aparam anaparam anantaram abāhyam ayam ātmā brahma sarvānubhūr ity anuśāsanam iti yājñavalkyaḥ // (8.0) Par.?
tad etan nāputrāya nānantevāsine vā brūyād iti // (9.0) Par.?
ya imām adbhiḥ parigṛhītāṃ vasumatīṃ dhanasya pūrṇāṃ dadyād idam eva tato bhūya idam eva tato bhūya ity anuśāsanam // (10.0) Par.?
tām etām upaniṣadaṃ vedaśiro na yathā kathaṃcana vadet // (11.0) Par.?
tad etad ṛcābhyuditam // (12.0) Par.?
Duration=0.049214124679565 secs.