Texts

Help

Select a text:
Bibliography
Select a chapter:
 (no revisions)
Associated topic(s): yajus verses

Show parallels  Show headlines
Use dependency labeler
Chapter id: 12908
  • Click on a sentence to show its analysis
  • Keep the mouse pointer over a lemma to show its meanings.
adhvanām adhvapate svasti me 'dyāsmin devayāne pathi bhūyāt // (1) Par.?
samrāḍ asi kṛśānuḥ // (2) Par.?
tutho 'si janadhāyo nabho 'si pratakvāsaṃmṛṣṭo 'si havyasūdanaḥ // (3) Par.?
vibhur asi pravāhaṇaḥ // (4) Par.?
vahnir asi havyavāhanaḥ // (5) Par.?
śvātro 'si pracetāḥ // (6) Par.?
tutho 'si viśvavedā uśig asi kavir aṅghārir asi bambhārir avasyur asi duvasvān // (7) Par.?
śundhyur asi mārjālīyaḥ // (8) Par.?
ṛtadhāmāsi svarjyotiḥ // (9) Par.?
samudro 'si viśvavyacāḥ // (10) Par.?
ahir asi budhnyaḥ // (11) Par.?
ajo 'sy ekapāt // (12) Par.?
sagarā asi budhnyaḥ // (13) Par.?
kavyo 'si kavyavāhanaḥ // (14) Par.?
pāta māgnayo raudreṇānīkena piṣṭata mā namo vo 'stu mā mā hiṃsiṣṭa // (15) Par.?
Duration=0.062294006347656 secs.