Texts

Help

Select a text:
Bibliography
Select a chapter:
 (no revisions)
Associated topic(s): bahiṣpavamāna, out-of-doors laud, sāman

Show parallels  Show headlines
Use dependency labeler
Chapter id: 13035
  • Click on a sentence to show its analysis
  • Keep the mouse pointer over a lemma to show its meanings.
ime vai lokā gāyatraṃ tryāvṛd geyaṃ trayo hīme lokā yat tryāvṛd gāyaty ebhir evainaṃ lokaiḥ saṃmimīte // (1) Par.?
dvir avanardeddhiṃkuryāt tṛtīyam // (2) Par.?
yat trir avanardaty ati tad gāyatraṃ recayati // (3) Par.?
yo vai gāyatreṇāpratihṛtenodgāyaty apratiṣṭhāno bhavati hiṅkāro vai gāyatrasya pratihāraḥ // (4) Par.?
sa manasā dhyeyaḥ pratihṛtena gāyatreṇodgāyati pratitiṣṭhati // (5) Par.?
yo vā ebhyo lokebhyo gāyatraṃ gāyati naibhyo lokebhya āvṛścyata ima enaṃ lokā ūrjābhisaṃvasate // (6) Par.?
mandram ivāgra ādadītātha tārataram atha tāratamaṃ tad ebhyo lokebhyo 'gāsīt // (7) Par.?
aniruktaṃ geyam etad vai gāyatrasya krūraṃ yan niruktaṃ yad aniruktaṃ gāyati krūram evāsya parivṛṇakti // (8) Par.?
prāṇo gāyatraṃ na vyavānyāt prāṇasyāvicchedāya yadi vyavāniti pramāyuko bhavati yadi na vyavāniti sarvam āyur eti // (9) Par.?
yadi vyavānyān madhya ṛco vyavānyāt prāṇo vai gāyatraṃ prāṇaḥ svaraḥ prāṇam eva tan madhyata ātman dadhāti sa sarvam āyur eti // (10) Par.?
iḍāṃ paśukāmāya nidhanaṃ kuryāt svaḥ svargakāmāya yaśo brahmavarcasakāmāyāyur āmayāvine haṃsīty abhicarate // (11) Par.?
ete vai gāyatrasya dohāḥ // (12) Par.?
brahmavarcasī paśumān bhavati ya evaṃ veda // (13) Par.?
Duration=0.04463791847229 secs.