Texts

Help

Select a text:
Bibliography
Select a chapter:
 (no revisions)
Associated topic(s): pṛṣṭha

Show parallels  Show headlines
Use dependency labeler
Chapter id: 13057
  • Click on a sentence to show its analysis
  • Keep the mouse pointer over a lemma to show its meanings.
apo vā ṛtvyam ārchat tāsāṃ vāyuḥ pṛṣṭhe vyavartata tato vasu vāmaṃ samabhavat tasmin mitrāvaruṇau paryapaśyatāṃ tāv abrūtāṃ vāmaṃ maryā idaṃ deveṣv ājanīti tasmād vāmadevyam // (1) Par.?
tat parigṛhṇantāv abrūtām idam avidāvedaṃ nau mābhyarttiḍhvam iti tat prajāpatir abravīn mad vā etaddhy ajani mama vā etad iti tad agnir abravīn māṃ vā etad anvajani mama vā etad iti tad indro 'bravīcchreṣṭhasthā vā etad ahaṃ vaḥ śreṣṭho 'smi mama vā etad iti tad viśve devā abruvann asmaddevatyaṃ vā etad yad adbhyo 'dhi samabhūd asmākaṃ vā etad iti tat prajāpatir abravīt sarveṣāṃ na idam astu sarva idam upajīvāmeti tat pṛṣṭheṣu nyadadhuḥ sarvadevatyaṃ vai vāmadevyam // (2) Par.?
yat kavatīṣu tena prājāpatyaṃ ko hi prajāpatir yad aniruktāsu tena prājāpatyam anirukto hi prajāpatiḥ // (3) Par.?
yad gāyatrīṣu tenāgneyaṃ gāyatracchandā hy agniḥ // (4) Par.?
yat pṛṣṭheṣu nyadadhus tenaindraṃ sarvāṇi hi pṛṣṭhānīndrasya niṣkevalyāni // (5) Par.?
yan maitrāvaruṇo 'nuśaṃsati tena maitrāvaruṇam // (6) Par.?
yad bahudevatyam uttamaṃ padaṃ tena vaiśvadevaṃ sarveṣv eva rūpeṣu pratitiṣṭhati // (7) Par.?
prajāpatir vā etāṃ gāyatrīṃ yonim apaśyat sa ādīdhītāsmād yoneḥ pṛṣṭhāni sṛjā iti // (8) Par.?
sa rathantaram asṛjata tad rathasya ghoṣo 'nvasṛjyata // (9) Par.?
sa bṛhad asṛjata tat stanayitnor ghoṣo 'nvasṛjyata sa vairūpam asṛjata tad vātasya ghoṣo 'nvasṛjyata // (10) Par.?
sa vairājam asṛjata tad agner ghoṣo 'nvasṛjyata // (11) Par.?
sa śakvarīr asṛjata tad apāṃ ghoṣo 'nvasṛjyata // (12) Par.?
sa revatīr asṛjata tad gavāṃ ghoṣo 'nvasṛjyata // (13) Par.?
etair vā etāni saha ghoṣair asṛjyanta // (14) Par.?
sarve 'smin ghoṣāḥ sarvāḥ puṇyā vāco vadanti ya evaṃ veda // (15) Par.?
Duration=0.065358877182007 secs.