Texts

Help

Select a text:
Bibliography
Select a chapter:
 (no revisions)
Associated topic(s): twelve-day Soma rite

Show parallels  Show headlines
Use dependency labeler
Chapter id: 13304
  • Click on a sentence to show its analysis
  • Keep the mouse pointer over a lemma to show its meanings.
yas te mado vareṇya iti gāyatrī bhavati // (1) Par.?
madavad vai rasavat tṛtīyasavanaṃ madam eva tad rasaṃ dadhāti // (2) Par.?
pavasva madhumattama iti pavanta iva hy etenāhnā madhumattama ity annaṃ vai madhv annādyam eva tad yajamāne dadhāti // (3) Par.?
indram accha sutā ima itīndriyasya vīryasyāvaruddhyai // (4) Par.?
ayaṃ pūṣā rayir bhaga ity anuṣṭubhaḥ satyas triṣṭubho rūpeṇa traiṣṭubhaṃ hy etad ahaḥ // (5) Par.?
vṛṣāmatīnāṃ pavate vicakṣaṇa iti jagatyaḥ satyas triṣṭubho rūpeṇa traiṣṭubhaṃ hy etad ahaḥ // (6) Par.?
gāyatraṃ bhavati yad eva gāyatrasya brāhmaṇam // (7) Par.?
hāviṣmataṃ bhavati // (8) Par.?
haviṣmāṃś ca vai haviṣkṛccāṅgirasāvāstāṃ dvitīye 'hani haviṣmān arādhnon navame 'hani haviṣkṛt // (9) Par.?
ayaṃ haviṣmān ity eva jātam ahar jātaṃ somaṃ prāha devebhyaḥ sāmnaivāsmā āśiṣam āśāste sāma hi satyāśīḥ // (10) Par.?
śaṅku bhavaty ahno dhṛtyai yad vā adhṛtaṃ śaṅkunā tad dādhāra // (11) Par.?
tad u sīdantīyam ity āhur etena vai prajāpatir ūrdhva imān lokān asīdad yad asīdat tat sīdantīyasya sīdantīyatvam ūrdhva imān lokān sīdati sīdantīyena tuṣṭuvānaḥ // (12) Par.?
sujñānaṃ bhavati // (13) Par.?
svarvad vai rāthantaraṃ rūpaṃ svarṇidhanaṃ bārhatam // (14) Par.?
svarṇidhanaṃ bhavati tathā hy etasyāhno rūpam // (15) Par.?
plavau vā etāv upohante svargasya lokasya samaṣṭyai // (16) Par.?
gaurīvitaṃ bhavati yad eva gaurīvitasya brāhmaṇam // (17) Par.?
krauñcaṃ bhavati // (18) Par.?
vāg vai krauñcaṃ vāg dvādaśāho vācy eva tad vācā stuvate yajñasya prabhūtyai // (19) Par.?
yāmaṃ bhavati // (20) Par.?
etena vai yamo 'napajayyam amuṣya lokasyādhipatyam āśnutānapajayyam amuṣya lokasyādhipatyam aśnute yāmena tuṣṭuvānaḥ // (21) Par.?
etena vai yamī yamaṃ svargaṃ lokam agamayat svargasya lokasyānukhyātyai svargāl lokān na cyavate tuṣṭuvānaḥ stomaḥ // (22) Par.?
Duration=0.095851898193359 secs.