Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9057

Click on a sentence to show its analysis
Keep the mouse pointer over a lemma to show its meanings.

athānyedyuḥ prabhāvatī śukaṃ pṛcchati / (1.1) Par.?

śuka āha / (1.2) Par.?

vraja devi sukhaṃ bhuṅkṣva ardhabhukte patau yathā / (1.3) Par.?

kṛtaṃ rājikayā cittamuttaraṃ dhūlisaṃyutam // (1.4) Par.?

asti nāgapuraṃ nāma sthānam / (2.1) Par.?

yatraiko vaṇik / (2.2) Par.?

tatpatnī rājikānāmnī surūpā paraṃ duścāriṇī / (2.3) Par.?

vaṇiksutaśca tāṃ narāntarāsaktāṃ na jānāti / (2.4) Par.?

tataśca ekadā sa bhojanāya yadopaviṣṭastadā upapatiḥ kṛtasaṃketo mārge gacchan tayā dṛṣṭaḥ / (2.5) Par.?

taṃ ta dṛṣṭvā gṛhe 'dya dhṛtaṃ nāsti ityuktvā dravyaṃ tatsakāśādādāya ghṛtānayanadambhena veśmato nirgatya ca sā bahirjāreṇa saha ciraṃ sthitā / (2.6) Par.?

patistu gṛhe kṣudhārtaḥ kruddhaśca / (2.7) Par.?

tataḥ sā kathaṃ gṛhaṃ gantumarhati iti praśnaḥ / (2.8) Par.?

uttaram tataḥ sā hastau pādau mukhaṃ ca dhūlidhūsaraṃ vidhāya sadrammā dhūliṃ gṛhītvā gṛhamāgatā / (2.9) Par.?

patiḥ kruddho raktekṣaṇaḥ kimidamityāha / (2.10) Par.?

sā ca saniḥśvāsaṃ rudatī dhūlipuñjaṃ darśayitvā idamuvāca yatkṛte tvaṃ kruddhaḥ sa te dravyo 'tra dhūlyāṃ patitaḥ / (2.11) Par.?

enāmutkṣipya gṛhāṇa tvam / (2.12) Par.?

evamuktaḥ sa vilakṣaḥ tadaṅgāni vastrāñcalena saṃmārjya sāntvayāmāsa vividhalālanaiḥ / (2.13) Par.?

iti kathāṃ śrutvā prabhāvatī suptā // (2.14) Par.?

Duration=0.085515022277832 secs.