Texts

Help

Select a text:
Bibliography

Select a chapter:
(no revisions)

Associated topic(s): mahāvrata

Show parallels Show headlines
Use dependency labeler

Chapter id: 12977

Click on a sentence to show its analysis
Keep the mouse pointer over a lemma to show its meanings.

prāṇena purastād āhavanīyam upatiṣṭhante prāṇam eva taj jayanti // (1) Par.?

apānena paścāt puccham upatiṣṭhante apānam eva taj jayanti // (2) Par.?

vratapakṣābhyāṃ pakṣāv upatiṣṭhante diśa eva taj jayanti // (3) Par.?

prajāpater hṛdayenāpikakṣam upatiṣṭhante jyaiṣṭhyam eva taj jayanti // (4) Par.?

vasiṣṭhasya nihavena cātvālam upatiṣṭhante svargam eva tallokam āptvā śriyaṃ vadante // (5) Par.?

vaiśvadevyām ṛci bhavati viśvarūpaṃ vai paśūnāṃ rūpaṃ paśūn eva taj jayanti // (6) Par.?

sattrasyarddhyāgnīdhram upatiṣṭhanta ṛddhāv eva pratitiṣṭhanti // (7) Par.?

caturakṣaraṇidhanaṃ bhavati catuṣpādāḥ paśavaḥ paśuṣv eva pratitiṣṭhanti // (8) Par.?

ā tamitor nidhanam upayanty āyur eva sarvam āpnuvanti // (9) Par.?

ślokānuślokābhyāṃ havirdhāne upatiṣṭhante kīrtim eva taj jayanti // (10) Par.?

yāmena mārjālīyam upatiṣṭhante pitṛlokam eva taj jayanti // (11) Par.?

āyurṇavastobhābhyāṃ sada upatiṣṭhante brahma caiva tat kṣatraṃ ca jayanti // (12) Par.?

ṛśyasya sāmnā gārhapatyam upatiṣṭhante // (13) Par.?

indraṃ sarvāṇi bhūtāny astuvaṃs tasyarśya ekam aṅgam astutam acāyat tad asyaitenāstaut tenāsya priyaṃ dhāmopāgacchat priyam evāsyaitena dhāmopagacchanti // (14) Par.?

yat parokṣaṃ nidhanam upeyur hrītamukhaṃ pratimuñceran pratyakṣam upayanti hrītamukham evāpajayanti // (15) Par.?

Duration=0.13166308403015 secs.