Texts

Help

Select a text:
Bibliography

Select a chapter:
(no revisions)

Associated topic(s): Sacrifice, yajña, sāman

Show parallels Show headlines
Use dependency labeler

Chapter id: 12978

Click on a sentence to show its analysis
Keep the mouse pointer over a lemma to show its meanings.

āsandīm āruhyodgāyati devasākṣya eva tad upariṣadyaṃ jayati // (1) Par.?

audumbarī bhavaty ūrg udumbara ūrjam evāvarunddhe // (2) Par.?

prādeśamātrī bhavaty asya lokasyānuddhānāya // (3) Par.?

chandobhir ārohati svargam eva tal lokam ārohati // (4) Par.?

chandobhir upāvarohaty asmiṃlloke pratitiṣṭhati // (5) Par.?

sarveṇātmanā samuddhṛtyodgeyam eṣu lokeṣu ned vyāhito 'sānīti // (6) Par.?

ekasyāṃ stotrīyāyām astutāyāṃ pādāv upāharati // (7) Par.?

saha nidhanena pratiṣṭhām upayanty eṣveva lokeṣu pratitiṣṭhante // (8) Par.?

preṅkhām āruhya hotā śaṃsati mahasa eva tad rūpaṃ kriyate // (9) Par.?

yadā vai prajā maha āviśati preṅkhās tarhy ārohanti // (10) Par.?

phalakam āruhyādhvaryuḥ pratigṛṇāti // (11) Par.?

kūrcān itare 'dhyāsata ūrdhvā eva tad utkrāmanto yanti // (12) Par.?

abhigarāpagarau bhavato nindaty enān anyaḥ prānyaḥ śaṃsati ya enān nindati pāpmānam eṣāṃ so 'pahanti yaḥ praśaṃsati yad evaiṣāṃ suṣṭutaṃ suśastaṃ tat so 'bhigṛṇāti // (13) Par.?

śūdrāryau carmaṇi vyāyacchete tayor āryaṃ varṇam ujjāpayanti // (14) Par.?

devāś ca vā asurāś cāditye vyāyacchanta taṃ devā abhyajayaṃs tato devā abhavan parāsurā abhavann ātmanā parāsya bhrātṛvyo bhavati ya evaṃ veda // (15) Par.?

yadāryaṃ varṇam ujjāpayanty ātmānam eva tad ujjāpayanti // (16) Par.?

parimaṇḍalaṃ carma bhavaty ādityasyaiva tad rūpaṃ kriyate // (17) Par.?

sarvāsu sraktiṣu dundubhayo vadanti yā vanaspatiṣu vāk tām eva taj jayanti // (18) Par.?

bhūmidundubhir bhavati yā pṛthivyāṃ vāk tām eva taj jayanti // (19) Par.?

sarvā vāco vadanti yeṣu lokeṣu vāk tām eva taj jayanti // (20) Par.?

saṃnaddhāḥ kavacinaḥ pariyantīndriyasyaiva tad rūpaṃ kriyate 'tho mahāvratam eva mahayanti // (21) Par.?

Duration=0.19903182983398 secs.