Texts

sā tathaiva samaṃ tābhirdvitīyo 'hni niśāmukhe / (1.1) Par.?

śukamāpṛcchya calitā śukastāmidamabravīt // (1.2) Par.?

yatheṣṭaṃ gaccha suśroṇi yadi jānāsi duḥkṛte / (2.1) Par.?

pratyuttaraṃ samāyāte yaśodevīva saṅkaṭe // (2.2) Par.?

tataḥ prabhāvatī pṛcchati kā yaśodevī / (3.1) Par.?

kadā kasminsaṅkaṭe tayā ka upāyaḥ kṛta iti / (3.2) Par.?

śukaḥ yadā kathayāmi tadā mayi suratavighātena tava kopaḥ prāṇaniṣūdanaḥ syāt / (3.3) Par.?

sā āha suhṛdāṃ sādhvasādhvapi śrotavyameva ityanujñātaḥ śukaḥ āha asti nandanaṃ nāma nagaram / (3.4) Par.?

tatra nandano nāma rājā / (3.5) Par.?

tatputro rājaśekharaḥ / (3.6) Par.?

tadvadhūḥ śaśiprabhā / (3.7) Par.?

tāṃ dhanasenasuto vīranāmā dṛṣṭvā sakāmaḥ san jvarapīḍito 'bhūt / (3.8) Par.?

bhojanādi na vidhatte / (3.9) Par.?

sa ca mātrā yaśodevyā pṛṣṭaḥ sansagadgadaṃ kāraṇamāha sā ca rājakanyā durlabhā / (3.10) Par.?

sa kathaṃ jīvatu iti praśnaḥ / (3.11) Par.?

tayoktam tvameva kathaya / (3.12) Par.?

śukaḥ yadi prabhāvati adya na yāsi tadā kathayāmi ityukte sā āha kathayeti / (3.13) Par.?

atha śukaḥ sā yaśodevī ekāṃ śunīṃ bhojanādyairāvarjayitvā ābharaṇāni paridhāyātmanā sārdhaṃ gṛhītvā śaśiprabhāpārśve gatvā tāṃ vijane sagadgadā jagādāhaṃ ca tvaṃ ca iyaṃ ca pūrvabhave bhaginyo 'bhūvan / (3.14) Par.?

mayā niḥśaṅkayā tvayā tu saśaṅkayā paranarābhilāṣaḥ pūritaḥ / (3.15) Par.?

anayā tu naiva / (3.16) Par.?

ato 'syāḥ śīlaprabhāvātkevalaṃ jātismaraṇameva na bhogāḥ śunikā ca saṃjātā / (3.17) Par.?

sambhogavighnājjātismaraṇaṃ ca na te vartate / (3.18) Par.?

mama punarbhogānnirvighnānnirvighnajātismaraṇaṃ ca / (3.19) Par.?

ato 'hamanukampayā imāṃ śunakīṃ tvāṃ ca dṛṣṭvā kathayitumāgatā / (3.20) Par.?

atastvayārthināṃ kāṅkṣitaṃ dātavyameva / (3.21) Par.?

yo dānaṃ kuryātsa bhavetsarvasampadāṃ sthānam / (3.22) Par.?

uktaṃ ca / (3.23) Par.?

kathayanti na yācante bhikṣāhārā gṛhe gṛhe / (3.24) Par.?

arthibhyo dīyatāṃ nityamadātuḥ phalamīdṛśam // (3.25) Par.?

tataḥ śaśiprabhā sakaṇṭhagrāhaṃ ruditvā prāha māmapi kalyāṇi puruṣāntareṇa yojaya / (4.1) Par.?

tato yaśodevī tāṃ svasthīkṛtya bhartṛviditāṃ svagṛhaṃ nītvā svaputreṇa yojayāmāsa / (4.2) Par.?

sa ca rājaśekharo dravyādidānatoṣitaḥ sakhīyamiti kṛtvā na nivārayāmāsa / (4.3) Par.?

rājaputraṃ rājaputrīṃ pratāryaivaṃ ca bhāmini / (4.4) Par.?

yaśodevyā mahadbuddhyā nijakāryamanuṣṭhitam // (4.5) Par.?

buddhirasti yadaiṣā te vraja subhru parāntikam / (5.1) Par.?

bhaja nidrāṃ viśālākṣi mānyathā svaṃ viḍambaya // (5.2) Par.?

iti śukakathāṃ śrutvā prabhāvatī suptā / (6.1) Par.?

iti śukasaptatau dvitīyā kathā // (6.2) Par.?