Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9587

Click on a sentence to show its analysis
Keep the mouse pointer over a lemma to show its meanings.

athāsmin prāṇa ekaikadhā bhavati // (1) Par.?

tad enaṃ vāk sarvair nāmabhiḥ sahāpyeti // (2) Par.?

cakṣuḥ sarvai rūpaiḥ sahāpyeti // (3) Par.?

śrotraṃ sarvaiḥ śabdaiḥ sahāpyeti // (4) Par.?

manaḥ sarvair dhyātaiḥ sahāpyeti // (5) Par.?

sa yadā pratibudhyate yathāgner jvalataḥ sarvā diśo visphuliṅgā vipratiṣṭheran evam evaitasmād ātmanaḥ prāṇā yathāyatanaṃ vipratiṣṭhante prāṇebhyo devāḥ devebhyo lokāḥ // (6) Par.?

sa eṣa prāṇa eva prajñātmedaṃ śarīram ātmānam anupraviṣṭa ā lomabhya ā nakhebhyaḥ // (7) Par.?

tad yathā kṣuraḥ kṣuradhāne vopahito viśvaṃbharo vā viśvaṃbharakulāya evam evaiṣa prajñātmedaṃ śarīram ātmānam anupraviṣṭa ā lomabhya ā nakhebhyaḥ // (8) Par.?

tam etam ātmānam eta ātmāno 'nvavasyante yathā śreṣṭhinaṃ svāḥ // (9) Par.?

tad yathā śreṣṭhī svair bhuṅkte yathā vā svāḥ śreṣṭhinaṃ bhuñjanti // (10) Par.?

evam evaiṣa prajñātmaitair ātmabhir bhuṅkte // (11) Par.?

evam evaita ātmāna etam ātmānaṃ bhuñjanti // (12) Par.?

sa yāvaddha vā indra etam ātmānaṃ na vijajñe tāvad enam asurā abhibabhūvuḥ // (13) Par.?

sa yadā vijajñe 'tha hatvāsurān vijitya sarveṣāṃ ca devānāṃ śraiṣṭhyaṃ svārājyam ādhipatyaṃ paryait // (14) Par.?

tatho evaivaṃ vidvān sarvān pāpmano 'pahanti sarveṣāṃ ca bhūtānām śraiṣṭhyaṃ svārājyam ādhipatyaṃ paryeti // (15) Par.?

ya evaṃ veda ya evaṃ veda // (16) Par.?

Duration=0.15428900718689 secs.