Texts

Help

Select a text:
Bibliography
Select a chapter:
 (no revisions)
Associated topic(s): twelve-day Soma rite, dvādaśāha, ājya hymns

Show parallels  Show headlines
Use dependency labeler
Chapter id: 9752
  • Click on a sentence to show its analysis
  • Keep the mouse pointer over a lemma to show its meanings.
aganma mahā namasā yaviṣṭham ity āgneyam ājyaṃ bhavati // (1) Par.?
gacchantīva vā ete ye navamam ahar gacchanti // (2) Par.?
yo dīdāya samiddha sve duroṇa iti dīdāyeva hy eṣa yo navabhir aharbhis tuṣṭuvānaḥ svāhutam iti svāhuto hy eṣa yo navabhir aharbhir āhuto viśvataḥ pratyañcam iti viśvato hy eṣa pratyaṅ // (3) Par.?
tvaṃ varuṇa uta mitro agna iti vāruṇyeṣā bhavati yad vai yajñasya duriṣṭaṃ tad varuṇo gṛhṇati tad eva tad avayajati // (4) Par.?
mitraṃ huve pūtadakṣam iti rāthantaraṃ maitrāvaruṇam // (5) Par.?
ugragādham iva vā etad yacchandomās tad yathāta ugragādhe vyatiṣajya gāhanta evam evaitad rūpe vyatiṣajati chandomānām asaṃvyāthāya // (6) Par.?
mahāṃ indro ya ojasetyaindram aṣṭamena vai devā ahnendram avājayan navamena pāpmānam aghnann ahar evaitena mahayanti // (7) Par.?
tā huve yayor idam iti rāthantaram aindrāgnam // (8) Par.?
ugragādham iva vā etad yacchandomās tad yathāta ugragādhe vyatiṣajya gāhanta evam evaitad rūpe vyatiṣajati chandomānām asaṃvyāthāya stomaḥ // (9) Par.?
Duration=0.01960301399231 secs.