Texts

Help

Select a text:
Bibliography

Select a chapter:
(no revisions)

Associated topic(s): midday pavamāna, twelve-day Soma rite, dvādaśāha

Show parallels Show headlines
Use dependency labeler

Chapter id: 9769

Click on a sentence to show its analysis
Keep the mouse pointer over a lemma to show its meanings.

uccā te jātam andhasa ity udvatyo gāyatryo bhavanty utthānasya rūpam // (1) Par.?

punānas soma dhārayeti panthānam eva tat paryavayanti // (2) Par.?

ā jāgṛvir vipra ṛtaṃ matīnām iti yad āpte pravatīḥ kuryur atipadyeran yad āvatyo bhavanty anatipādāya // (3) Par.?

gāyatraṃ bhavati yad eva gāyatrasya brāhmaṇam // (4) Par.?

āmahīyavaṃ bhavati kﾱptiś cānnādyaṃ ca kﾱptiṃ caivaitenānnādyaṃ cābhyuttiṣṭhanti // (5) Par.?

ājigaṃ bhavaty ājijityāyai // (6) Par.?

ājir vā eṣa pratato yat dvādaśāhas tasyaitad ujjityai // (7) Par.?

ābhīkaṃ bhavaty abhikrāntyai // (8) Par.?

aṅgirasas tapas tepānāḥ śucam aśocaṃs ta etat sāmāpaśyaṃs tān abhīke 'bhyavarṣat tena śucam aśamayanta yad abhīke 'bhyavarṣat tasmād ābhīkaṃ yām eva pūrvair aharbhiḥ śucaṃ śocanti tām etenātra śamayitvottiṣṭhanti // (9) Par.?

utsedho bhavati // (10) Par.?

utsedhena vai devāḥ paśūn udasedhan niṣedhena paryagṛhṇan // (11) Par.?

antarotsedhaniṣedhau yajñāyajñīyam // (12) Par.?

paśavo 'nnādyaṃ yajñāyajñīyaṃ paśūn eva tad annādyam utsedhaniṣedhābhyāṃ parigṛhṇāti // (13) Par.?

mādhyandine vai pavamāne devā yajñāyajñīyena yajñaṃ saṃsthāpya svargaṃ lokam ārohaṃs tad ya evaṃ veda mādhyandina evaitat pavamāne yajñāyajñīyena yajñaṃ saṃsthāpya svargaṃ lokam ārohati // (14) Par.?

atho parokṣam anuṣṭubhaṃ sampadyate 'har eṣā vai pratyakṣam anuṣṭup yad yajñāyajñīyaṃ tad yat tṛtīyasavane kuryuḥ pratyakṣam anuṣṭubham ṛccheyus tasmān mādhyandine kurvanti tena parokṣam anuṣṭubham upayanti // (15) Par.?

gaurīvitaṃ bhavati // (16) Par.?

etad vai yajñasya śvastanaṃ yad gaurīvitam etadāyatano yajamāno yan madhyandino yad gaurīvitaṃ madhyandine bhavati śvastanam eva tad yajamāna ātman dhatte stomaḥ // (17) Par.?

Duration=0.034518957138062 secs.