UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9559
- Click on a sentence to show its analysis
- Keep the mouse pointer over a lemma to show its meanings.
pratardano ha vai daivodāsir indrasya priyaṃ dhāmopajagāma yuddhena ca pauruṣeṇa ca // (1)
Par.?
taṃ indra uvāca pratardana varaṃ vṛṇīṣveti // (2)
Par.?
sa hovāca pratardanaḥ tvam eva me vṛṇīṣva yaṃ tvaṃ manuṣyāya hitatamaṃ manyasa iti // (3)
Par.?
taṃ indra uvāca na vai varo 'varasmai vṛṇīte // (4)
Par.?
tvam eva vṛṇīṣveti // (5)
Par.?
avaro vai kila ma iti hovāca pratardanaḥ // (6)
Par.?
atho khalvindraḥ satyād eva neyāya // (7)
Par.?
satyaṃ hīndraḥ // (8)
Par.?
taṃ hendra uvāca mām eva vijānīhi // (9) Par.?
etad evāhaṃ manuṣyāya hitatamaṃ manye yo māṃ vijānīyāt // (10)
Par.?
triśīrṣāṇaṃ tvāṣṭram ahanam arurmukhān yatīn sālāvṛkebhyaḥ prāyaccham // (11)
Par.?
bahvīḥ saṃdhā atikramya divi prahlādīyān atṛṇaham antarikṣe paulomān pṛthivyāṃ kālakhañjān // (12)
Par.?
tasya me tatra na loma canāmīyata // (13)
Par.?
sa yo māṃ veda na ha vai tasya kena ca karmaṇā loko mīyate na steyena na bhrūṇahatyayā na mātṛvadhena na pitṛvadhena // (14)
Par.?
nāsya pāpaṃ cakruṣo mukhān nīlaṃ vyetīti // (15)
Par.?
Duration=0.037203788757324 secs.