Texts

Help

Select a text:
Bibliography
Select a chapter:
 (no revisions)
Associated topic(s): Vṛtra, Vṛtra and Indra

Show parallels  Show headlines
Use dependency labeler
Chapter id: 10015
  • Click on a sentence to show its analysis
  • Keep the mouse pointer over a lemma to show its meanings.
5 parallel or similar passage(s) in this chapter
indrasya nu vīryāṇi pra vocaṃ yāni cakāra prathamāni vajrī / (1.1) Par.?
ahann ahim anv apas tatarda pra vakṣaṇā abhinat parvatānām // (1.2) Par.?
ahann ahim parvate śiśriyāṇaṃ tvaṣṭāsmai vajraṃ svaryaṃ tatakṣa / (2.1) Par.?
vāśrā iva dhenavaḥ syandamānā añjaḥ samudram ava jagmur āpaḥ // (2.2) Par.?
vṛṣāyamāṇo 'vṛṇīta somaṃ trikadrukeṣv apibat sutasya / (3.1) Par.?
ā sāyakam maghavādatta vajram ahann enam prathamajām ahīnām // (3.2) Par.?
yad indrāhan prathamajām ahīnām ān māyinām amināḥ prota māyāḥ / (4.1) Par.?
āt sūryaṃ janayan dyām uṣāsaṃ tādītnā śatruṃ na kilā vivitse // (4.2) Par.?
ahan vṛtraṃ vṛtrataraṃ vyaṃsam indro vajreṇa mahatā vadhena / (5.1) Par.?
skandhāṃsīva kuliśenā vivṛkṇāhiḥ śayata upapṛk pṛthivyāḥ // (5.2) Par.?
ayoddheva durmada ā hi juhve mahāvīraṃ tuvibādham ṛjīṣam / (6.1) Par.?
nātārīd asya samṛtiṃ vadhānāṃ saṃ rujānāḥ pipiṣa indraśatruḥ // (6.2) Par.?
apād ahasto apṛtanyad indram āsya vajram adhi sānau jaghāna / (7.1) Par.?
vṛṣṇo vadhriḥ pratimānam bubhūṣan purutrā vṛtro aśayad vyastaḥ // (7.2) Par.?
nadaṃ na bhinnam amuyā śayānam mano ruhāṇā ati yanty āpaḥ / (8.1) Par.?
yāś cid vṛtro mahinā paryatiṣṭhat tāsām ahiḥ patsutaḥśīr babhūva // (8.2) Par.?
nīcāvayā abhavad vṛtraputrendro asyā ava vadhar jabhāra / (9.1) Par.?
uttarā sūr adharaḥ putra āsīd dānuḥ śaye sahavatsā na dhenuḥ // (9.2) Par.?
atiṣṭhantīnām aniveśanānāṃ kāṣṭhānām madhye nihitaṃ śarīram / (10.1) Par.?
vṛtrasya niṇyaṃ vi caranty āpo dīrghaṃ tama āśayad indraśatruḥ // (10.2) Par.?
dāsapatnīr ahigopā atiṣṭhan niruddhā āpaḥ paṇineva gāvaḥ / (11.1) Par.?
apām bilam apihitaṃ yad āsīd vṛtraṃ jaghanvāṁ apa tad vavāra // (11.2) Par.?
aśvyo vāro abhavas tad indra sṛke yat tvā pratyahan deva ekaḥ / (12.1) Par.?
ajayo gā ajayaḥ śūra somam avāsṛjaḥ sartave sapta sindhūn // (12.2) Par.?
nāsmai vidyun na tanyatuḥ siṣedha na yām miham akiraddhrāduniṃ ca / (13.1) Par.?
indraś ca yad yuyudhāte ahiś cotāparībhyo maghavā vi jigye // (13.2) Par.?
aher yātāraṃ kam apaśya indra hṛdi yat te jaghnuṣo bhīr agacchat / (14.1) Par.?
nava ca yan navatiṃ ca sravantīḥ śyeno na bhīto ataro rajāṃsi // (14.2) Par.?
indro yāto 'vasitasya rājā śamasya ca śṛṅgiṇo vajrabāhuḥ / (15.1) Par.?
sed u rājā kṣayati carṣaṇīnām arān na nemiḥ pari tā babhūva // (15.2) Par.?
Duration=0.068541049957275 secs.