Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 10418
  • Click on a sentence to show its analysis
  • Keep the mouse pointer over a lemma to show its meanings.
prātā ratnam prātaritvā dadhāti taṃ cikitvān pratigṛhyā ni dhatte / (1.1) Par.?
tena prajāṃ vardhayamāna āyū rāyas poṣeṇa sacate suvīraḥ // (1.2) Par.?
sugur asat suhiraṇyaḥ svaśvo bṛhad asmai vaya indro dadhāti / (2.1) Par.?
yas tvāyantaṃ vasunā prātaritvo mukṣījayeva padim utsināti // (2.2) Par.?
āyam adya sukṛtam prātar icchann iṣṭeḥ putraṃ vasumatā rathena / (3.1) Par.?
aṃśoḥ sutam pāyaya matsarasya kṣayadvīraṃ vardhaya sūnṛtābhiḥ // (3.2) Par.?
upa kṣaranti sindhavo mayobhuva ījānaṃ ca yakṣyamāṇaṃ ca dhenavaḥ / (4.1) Par.?
pṛṇantaṃ ca papuriṃ ca śravasyavo ghṛtasya dhārā upa yanti viśvataḥ // (4.2) Par.?
nākasya pṛṣṭhe adhi tiṣṭhati śrito yaḥ pṛṇāti sa ha deveṣu gacchati / (5.1) Par.?
tasmā āpo ghṛtam arṣanti sindhavas tasmā iyaṃ dakṣiṇā pinvate sadā // (5.2) Par.?
dakṣiṇāvatām id imāni citrā dakṣiṇāvatāṃ divi sūryāsaḥ / (6.1) Par.?
dakṣiṇāvanto amṛtam bhajante dakṣiṇāvantaḥ pra tiranta āyuḥ // (6.2) Par.?
mā pṛṇanto duritam ena āran mā jāriṣuḥ sūrayaḥ suvratāsaḥ / (7.1) Par.?
anyas teṣām paridhir astu kaś cid apṛṇantam abhi saṃ yantu śokāḥ // (7.2) Par.?
Duration=0.037652969360352 secs.