Texts

Help

Select a text:
Bibliography
Select a chapter:
 (no revisions)
Associated topic(s): Agni

Show parallels  Show headlines
Use dependency labeler
Chapter id: 10115
  • Click on a sentence to show its analysis
  • Keep the mouse pointer over a lemma to show its meanings.
vaiśvānarāya dhiṣaṇām ṛtāvṛdhe ghṛtaṃ na pūtam agnaye janāmasi / (1.1) Par.?
dvitā hotāram manuṣaś ca vāghato dhiyā rathaṃ na kuliśaḥ sam ṛṇvati // (1.2) Par.?
sa rocayaj januṣā rodasī ubhe sa mātror abhavat putra īḍyaḥ / (2.1) Par.?
havyavāḍ agnir ajaraś canohito dūḍabho viśām atithir vibhāvasuḥ // (2.2) Par.?
kratvā dakṣasya taruṣo vidharmaṇi devāso agniṃ janayanta cittibhiḥ / (3.1) Par.?
rurucānam bhānunā jyotiṣā mahām atyaṃ na vājaṃ saniṣyann upa bruve // (3.2) Par.?
ā mandrasya saniṣyanto vareṇyaṃ vṛṇīmahe ahrayaṃ vājam ṛgmiyam / (4.1) Par.?
rātim bhṛgūṇām uśijaṃ kavikratum agniṃ rājantaṃ divyena śociṣā // (4.2) Par.?
agniṃ sumnāya dadhire puro janā vājaśravasam iha vṛktabarhiṣaḥ / (5.1) Par.?
yatasrucaḥ surucaṃ viśvadevyaṃ rudraṃ yajñānāṃ sādhadiṣṭim apasām // (5.2) Par.?
pāvakaśoce tava hi kṣayam pari hotar yajñeṣu vṛktabarhiṣo naraḥ / (6.1) Par.?
agne duva icchamānāsa āpyam upāsate draviṇaṃ dhehi tebhyaḥ // (6.2) Par.?
ā rodasī apṛṇad ā svar mahaj jātaṃ yad enam apaso adhārayan / (7.1) Par.?
so adhvarāya pari ṇīyate kavir atyo na vājasātaye canohitaḥ // (7.2) Par.?
namasyata havyadātiṃ svadhvaraṃ duvasyata damyaṃ jātavedasam / (8.1) Par.?
rathīr ṛtasya bṛhato vicarṣaṇir agnir devānām abhavat purohitaḥ // (8.2) Par.?
tisro yahvasya samidhaḥ parijmano 'gner apunann uśijo amṛtyavaḥ / (9.1) Par.?
tāsām ekām adadhur martye bhujam u lokam u dve upa jāmim īyatuḥ // (9.2) Par.?
viśāṃ kaviṃ viśpatim mānuṣīr iṣaḥ saṃ sīm akṛṇvan svadhitiṃ na tejase / (10.1) Par.?
sa udvato nivato yāti veviṣat sa garbham eṣu bhuvaneṣu dīdharat // (10.2) Par.?
sa jinvate jaṭhareṣu prajajñivān vṛṣā citreṣu nānadan na siṃhaḥ / (11.1) Par.?
vaiśvānaraḥ pṛthupājā amartyo vasu ratnā dayamāno vi dāśuṣe // (11.2) Par.?
vaiśvānaraḥ pratnathā nākam āruhad divas pṛṣṭham bhandamānaḥ sumanmabhiḥ / (12.1) Par.?
sa pūrvavaj janayañ jantave dhanaṃ samānam ajmam pary eti jāgṛviḥ // (12.2) Par.?
ṛtāvānaṃ yajñiyaṃ vipram ukthyam ā yaṃ dadhe mātariśvā divi kṣayam / (13.1) Par.?
taṃ citrayāmaṃ harikeśam īmahe sudītim agniṃ suvitāya navyase // (13.2) Par.?
śuciṃ na yāmann iṣiraṃ svardṛśaṃ ketuṃ divo rocanasthām uṣarbudham / (14.1) Par.?
agnim mūrdhānaṃ divo apratiṣkutaṃ tam īmahe namasā vājinam bṛhat // (14.2) Par.?
mandraṃ hotāraṃ śucim advayāvinaṃ damūnasam ukthyaṃ viśvacarṣaṇim / (15.1) Par.?
rathaṃ na citraṃ vapuṣāya darśatam manurhitaṃ sadam id rāya īmahe // (15.2) Par.?
Duration=0.067320108413696 secs.