Texts

Help

Select a text:
Bibliography
Select a chapter:
 (no revisions)
Associated topic(s): Agni

Show parallels  Show headlines
Use dependency labeler
Chapter id: 10222
  • Click on a sentence to show its analysis
  • Keep the mouse pointer over a lemma to show its meanings.
tvām agne haviṣmanto devam martāsa īᄆate / (1.1) Par.?
manye tvā jātavedasaṃ sa havyā vakṣy ānuṣak // (1.2) Par.?
agnir hotā dāsvataḥ kṣayasya vṛktabarhiṣaḥ / (2.1) Par.?
saṃ yajñāsaś caranti yaṃ saṃ vājāsaḥ śravasyavaḥ // (2.2) Par.?
uta sma yaṃ śiśuṃ yathā navaṃ janiṣṭāraṇī / (3.1) Par.?
dhartāram mānuṣīṇāṃ viśām agniṃ svadhvaram // (3.2) Par.?
uta sma durgṛbhīyase putro na hvāryāṇām / (4.1) Par.?
purū yo dagdhāsi vanāgne paśur na yavase // (4.2) Par.?
adha sma yasyārcayaḥ samyak saṃyanti dhūminaḥ / (5.1) Par.?
yad īm aha trito divy upa dhmāteva dhamati śiśīte dhmātarī yathā // (5.2) Par.?
tavāham agna ūtibhir mitrasya ca praśastibhiḥ / (6.1) Par.?
dveṣoyuto na duritā turyāma martyānām // (6.2) Par.?
taṃ no agne abhī naro rayiṃ sahasva ā bhara / (7.1) Par.?
sa kṣepayat sa poṣayad bhuvad vājasya sātaya utaidhi pṛtsu no vṛdhe // (7.2) Par.?
Duration=0.038331031799316 secs.