Texts

Help

Select a text:
Bibliography
Select a chapter:
 (no revisions)
Associated topic(s): Āpri hymn

Show parallels  Show headlines
Use dependency labeler
Chapter id: 10795
  • Click on a sentence to show its analysis
  • Keep the mouse pointer over a lemma to show its meanings.
8 parallel or similar passage(s) in this chapter
juṣasva naḥ samidham agne adya śocā bṛhad yajataṃ dhūmam ṛṇvan / (1.1) Par.?
upa spṛśa divyaṃ sānu stūpaiḥ saṃ raśmibhis tatanaḥ sūryasya // (1.2) Par.?
narāśaṃsasya mahimānam eṣām upa stoṣāma yajatasya yajñaiḥ / (2.1) Par.?
ye sukratavaḥ śucayo dhiyandhāḥ svadanti devā ubhayāni havyā // (2.2) Par.?
īᄆenyaṃ vo asuraṃ sudakṣam antar dūtaṃ rodasī satyavācam / (3.1) Par.?
manuṣvad agnim manunā samiddhaṃ sam adhvarāya sadam in mahema // (3.2) Par.?
saparyavo bharamāṇā abhijñu pra vṛñjate namasā barhir agnau / (4.1) Par.?
ājuhvānā ghṛtapṛṣṭham pṛṣadvad adhvaryavo haviṣā marjayadhvam // (4.2) Par.?
svādhyo vi duro devayanto 'śiśrayū rathayur devatātā / (5.1) Par.?
pūrvī śiśuṃ na mātarā rihāṇe sam agruvo na samaneṣv añjan // (5.2) Par.?
uta yoṣaṇe divye mahī na uṣāsānaktā sudugheva dhenuḥ / (6.1) Par.?
barhiṣadā puruhūte maghonī ā yajñiye suvitāya śrayetām // (6.2) Par.?
viprā yajñeṣu mānuṣeṣu kārū manye vāṃ jātavedasā yajadhyai / (7.1) Par.?
ūrdhvaṃ no adhvaraṃ kṛtaṃ haveṣu tā deveṣu vanatho vāryāṇi // (7.2) Par.?
ā bhāratī bhāratībhiḥ sajoṣā iᄆā devair manuṣyebhir agniḥ / (8.1) Par.?
sarasvatī sārasvatebhir arvāk tisro devīr barhir edaṃ sadantu // (8.2) Par.?
tan nas turīpam adha poṣayitnu deva tvaṣṭar vi rarāṇaḥ syasva / (9.1) Par.?
yato vīraḥ karmaṇyaḥ sudakṣo yuktagrāvā jāyate devakāmaḥ // (9.2) Par.?
vanaspate 'va sṛjopa devān agnir haviḥ śamitā sūdayāti / (10.1) Par.?
sed u hotā satyataro yajāti yathā devānāṃ janimāni veda // (10.2) Par.?
ā yāhy agne samidhāno arvāṅ indreṇa devaiḥ sarathaṃ turebhiḥ / (11.1) Par.?
barhir na āstām aditiḥ suputrā svāhā devā amṛtā mādayantām // (11.2) Par.?
Duration=0.05623197555542 secs.