Texts

Help

Select a text:
Bibliography
Select a chapter:
 (no revisions)
Associated topic(s): Agni

Show parallels  Show headlines
Use dependency labeler
Chapter id: 10108
  • Click on a sentence to show its analysis
  • Keep the mouse pointer over a lemma to show its meanings.
upaprayanto adhvaram mantraṃ vocemāgnaye / (1.1) Par.?
āre asme ca śṛṇvate // (1.2) Par.?
yaḥ snīhitīṣu pūrvyaḥ saṃjagmānāsu kṛṣṭiṣu / (2.1) Par.?
arakṣad dāśuṣe gayam // (2.2) Par.?
uta bruvantu jantava ud agnir vṛtrahājani / (3.1) Par.?
dhanañjayo raṇe raṇe // (3.2) Par.?
yasya dūto asi kṣaye veṣi havyāni vītaye / (4.1) Par.?
dasmat kṛṇoṣy adhvaram // (4.2) Par.?
tam it suhavyam aṅgiraḥ sudevaṃ sahaso yaho / (5.1) Par.?
janā āhuḥ subarhiṣam // (5.2) Par.?
ā ca vahāsi tāṁ iha devāṁ upa praśastaye / (6.1) Par.?
havyā suścandra vītaye // (6.2) Par.?
na yor upabdir aśvyaḥ śṛṇve rathasya kac cana / (7.1) Par.?
yad agne yāsi dūtyam // (7.2) Par.?
tvoto vājy ahrayo 'bhi pūrvasmād aparaḥ / (8.1) Par.?
pra dāśvāṁ agne asthāt // (8.2) Par.?
uta dyumat suvīryam bṛhad agne vivāsasi / (9.1) Par.?
devebhyo deva dāśuṣe // (9.2) Par.?
Duration=0.050976037979126 secs.