Texts

Help

Select a text:
Bibliography
Select a chapter:
 (no revisions)
Associated topic(s): Indra

Show parallels  Show headlines
Use dependency labeler
Chapter id: 11242
  • Click on a sentence to show its analysis
  • Keep the mouse pointer over a lemma to show its meanings.
17 parallel or similar passage(s) in this chapter
ā ghā ye agnim indhate stṛṇanti barhir ānuṣak / (1.1) Par.?
yeṣām indro yuvā sakhā // (1.2) Par.?
yeṣām indro yuvā sakhā // (ṚV, 8, 45, 2, 2) [0]
yeṣām indro yuvā sakhā // (ṚV, 8, 45, 3, 2) [0]
yeṣām indro yuvā sakhā / (VS, 7, 32, 2) [0]
bṛhann id idhma eṣām bhūri śastam pṛthuḥ svaruḥ / (2.1) Par.?
yeṣām indro yuvā sakhā // (2.2) Par.?
yeṣām indro yuvā sakhā // (ṚV, 8, 45, 3, 2) [0]
yeṣām indro yuvā sakhā / (VS, 7, 32, 2) [0]
yeṣām indro yuvā sakhā // (ṚV, 8, 45, 1, 2) [0]
ayuddha id yudhā vṛtaṃ śūra ājati satvabhiḥ / (3.1) Par.?
yeṣām indro yuvā sakhā // (3.2) Par.?
yeṣām indro yuvā sakhā / (VS, 7, 32, 2) [0]
yeṣām indro yuvā sakhā // (ṚV, 8, 45, 1, 2) [0]
yeṣām indro yuvā sakhā // (ṚV, 8, 45, 2, 2) [0]
ā bundaṃ vṛtrahā dade jātaḥ pṛcchad vi mātaram / (4.1) Par.?
ka ugrāḥ ke ha śṛṇvire // (4.2) Par.?
prati tvā śavasī vadad girāv apso na yodhiṣat / (5.1) Par.?
yas te śatrutvam ācake // (5.2) Par.?
uta tvam maghavañchṛṇu yas te vaṣṭi vavakṣi tat / (6.1) Par.?
yad vīᄆayāsi vīᄆu tat // (6.2) Par.?
yad ājiṃ yāty ājikṛd indraḥ svaśvayur upa / (7.1) Par.?
rathītamo rathīnām // (7.2) Par.?
vi ṣu viśvā abhiyujo vajrin viṣvag yathā vṛha / (8.1) Par.?
bhavā naḥ suśravastamaḥ // (8.2) Par.?
asmākaṃ su ratham pura indraḥ kṛṇotu sātaye / (9.1) Par.?
na yaṃ dhūrvanti dhūrtayaḥ // (9.2) Par.?
vṛjyāma te pari dviṣo 'raṃ te śakra dāvane / (10.1) Par.?
gamemed indra gomataḥ // (10.2) Par.?
śanaiś cid yanto adrivo 'śvāvantaḥ śatagvinaḥ / (11.1) Par.?
vivakṣaṇā anehasaḥ // (11.2) Par.?
ūrdhvā hi te dive dive sahasrā sūnṛtā śatā / (12.1) Par.?
jaritṛbhyo vimaṃhate // (12.2) Par.?
vidmā hi tvā dhanañjayam indra dṛᄆhā cid ārujam / (13.1) Par.?
ādāriṇaṃ yathā gayam // (13.2) Par.?
kakuhaṃ cit tvā kave mandantu dhṛṣṇav indavaḥ / (14.1) Par.?
ā tvā paṇiṃ yad īmahe // (14.2) Par.?
yas te revāṃ adāśuriḥ pramamarṣa maghattaye / (15.1) Par.?
tasya no veda ā bhara // (15.2) Par.?
ima u tvā vi cakṣate sakhāya indra sominaḥ / (16.1) Par.?
puṣṭāvanto yathā paśum // (16.2) Par.?
uta tvābadhiraṃ vayaṃ śrutkarṇaṃ santam ūtaye / (17.1) Par.?
dūrād iha havāmahe // (17.2) Par.?
yacchuśrūyā imaṃ havaṃ durmarṣaṃ cakriyā uta / (18.1) Par.?
bhaver āpir no antamaḥ // (18.2) Par.?
yacciddhi te api vyathir jaganvāṃso amanmahi / (19.1) Par.?
godā id indra bodhi naḥ // (19.2) Par.?
ā tvā rambhaṃ na jivrayo rarabhmā śavasas pate / (20.1) Par.?
uśmasi tvā sadhastha ā // (20.2) Par.?
stotram indrāya gāyata purunṛmṇāya satvane / (21.1) Par.?
nakir yaṃ vṛṇvate yudhi // (21.2) Par.?
abhi tvā vṛṣabhā sute sutaṃ sṛjāmi pītaye / (22.1) Par.?
tṛmpā vy aśnuhī madam // (22.2) Par.?
mā tvā mūrā aviṣyavo mopahasvāna ā dabhan / (23.1) Par.?
mākīm brahmadviṣo vanaḥ // (23.2) Par.?
iha tvā goparīṇasā mahe mandantu rādhase / (24.1) Par.?
saro gauro yathā piba // (24.2) Par.?
yā vṛtrahā parāvati sanā navā ca cucyuve / (25.1) Par.?
tā saṃsatsu pra vocata // (25.2) Par.?
apibat kadruvaḥ sutam indraḥ sahasrabāhve / (26.1) Par.?
atrādediṣṭa pauṃsyam // (26.2) Par.?
satyaṃ tat turvaśe yadau vidāno ahnavāyyam / (27.1) Par.?
vy ānaṭ turvaṇe śami // (27.2) Par.?
taraṇiṃ vo janānāṃ tradaṃ vājasya gomataḥ / (28.1) Par.?
samānam u pra śaṃsiṣam // (28.2) Par.?
ṛbhukṣaṇaṃ na vartava uktheṣu tugryāvṛdham / (29.1) Par.?
indraṃ some sacā sute // (29.2) Par.?
indraṃ some sacā sute // (ṚV, 1, 5, 2, 2) [0]
yaḥ kṛntad id vi yonyaṃ triśokāya girim pṛthum / (30.1) Par.?
gobhyo gātuṃ niretave // (30.2) Par.?
yad dadhiṣe manasyasi mandānaḥ pred iyakṣasi / (31.1) Par.?
mā tat kar indra mṛᄆaya // (31.2) Par.?
dabhraṃ ciddhi tvāvataḥ kṛtaṃ śṛṇve adhi kṣami / (32.1) Par.?
jigātv indra te manaḥ // (32.2) Par.?
taved u tāḥ sukīrtayo 'sann uta praśastayaḥ / (33.1) Par.?
yad indra mṛᄆayāsi naḥ // (33.2) Par.?
mā na ekasminn āgasi mā dvayor uta triṣu / (34.1) Par.?
vadhīr mā śūra bhūriṣu // (34.2) Par.?
bibhayā hi tvāvata ugrād abhiprabhaṅgiṇaḥ / (35.1) Par.?
dasmād aham ṛtīṣahaḥ // (35.2) Par.?
mā sakhyuḥ śūnam ā vide mā putrasya prabhūvaso / (36.1) Par.?
āvṛtvad bhūtu te manaḥ // (36.2) Par.?
ko nu maryā amithitaḥ sakhā sakhāyam abravīt / (37.1) Par.?
jahā ko asmad īṣate // (37.2) Par.?
evāre vṛṣabhā sute 'sinvan bhūry āvayaḥ / (38.1) Par.?
śvaghnīva nivatā caran // (38.2) Par.?
ā ta etā vacoyujā harī gṛbhṇe sumadrathā / (39.1) Par.?
yad īm brahmabhya id dadaḥ // (39.2) Par.?
bhinddhi viśvā apa dviṣaḥ paribādho jahī mṛdhaḥ / (40.1) Par.?
vasu spārhaṃ tad ā bhara // (40.2) Par.?
vasu spārhaṃ tad ā bhara // (ṚV, 8, 45, 41, 2) [0]
vasu spārhaṃ tad ā bhara // (ṚV, 8, 45, 42, 2) [0]
yad vīᄆāv indra yat sthire yat parśāne parābhṛtam / (41.1) Par.?
vasu spārhaṃ tad ā bhara // (41.2) Par.?
vasu spārhaṃ tad ā bhara // (ṚV, 8, 45, 42, 2) [0]
vasu spārhaṃ tad ā bhara // (ṚV, 8, 45, 40, 2) [0]
yasya te viśvamānuṣo bhūrer dattasya vedati / (42.1) Par.?
vasu spārhaṃ tad ā bhara // (42.2) Par.?
vasu spārhaṃ tad ā bhara // (ṚV, 8, 45, 40, 2) [0]
vasu spārhaṃ tad ā bhara // (ṚV, 8, 45, 41, 2) [0]
Duration=0.15132713317871 secs.