Texts

Help

Select a text:
Bibliography
Select a chapter:
 (no revisions)
Associated topic(s): Agni

Show parallels  Show headlines
Use dependency labeler
Chapter id: 10148
  • Click on a sentence to show its analysis
  • Keep the mouse pointer over a lemma to show its meanings.
agniṃ hotāram pra vṛṇe miyedhe gṛtsaṃ kaviṃ viśvavidam amūram / (1.1) Par.?
sa no yakṣad devatātā yajīyān rāye vājāya vanate maghāni // (1.2) Par.?
pra te agne haviṣmatīm iyarmy acchā sudyumnāṃ rātinīṃ ghṛtācīm / (2.1) Par.?
pradakṣiṇid devatātim urāṇaḥ saṃ rātibhir vasubhir yajñam aśret // (2.2) Par.?
sa tejīyasā manasā tvota uta śikṣa svapatyasya śikṣoḥ / (3.1) Par.?
agne rāyo nṛtamasya prabhūtau bhūyāma te suṣṭutayaś ca vasvaḥ // (3.2) Par.?
bhūrīṇi hi tve dadhire anīkāgne devasya yajyavo janāsaḥ / (4.1) Par.?
sa ā vaha devatātiṃ yaviṣṭha śardho yad adya divyaṃ yajāsi // (4.2) Par.?
yat tvā hotāram anajan miyedhe niṣādayanto yajathāya devāḥ / (5.1) Par.?
sa tvaṃ no agne 'viteha bodhy adhi śravāṃsi dhehi nas tanūṣu // (5.2) Par.?
Duration=0.08657693862915 secs.