Texts

Help

Select a text:
Bibliography
Select a chapter:
 (no revisions)
Associated topic(s): Uṣas

Show parallels  Show headlines
Use dependency labeler
Chapter id: 10414
  • Click on a sentence to show its analysis
  • Keep the mouse pointer over a lemma to show its meanings.
uṣā ucchantī samidhāne agnā udyan sūrya urviyā jyotir aśret / (1.1) Par.?
devo no atra savitā nv artham prāsāvīd dvipat pra catuṣpad ityai // (1.2) Par.?
aminatī daivyāni vratāni praminatī manuṣyā yugāni / (2.1) Par.?
īyuṣīṇām upamā śaśvatīnām āyatīnām prathamoṣā vy adyaut // (2.2) Par.?
eṣā divo duhitā praty adarśi jyotir vasānā samanā purastāt / (3.1) Par.?
ṛtasya panthām anv eti sādhu prajānatīva na diśo mināti // (3.2) Par.?
upo adarśi śundhyuvo na vakṣo nodhā ivāvir akṛta priyāṇi / (4.1) Par.?
admasan na sasato bodhayantī śaśvattamāgāt punar eyuṣīṇām // (4.2) Par.?
pūrve ardhe rajaso aptyasya gavāṃ janitry akṛta pra ketum / (5.1) Par.?
vy u prathate vitaraṃ varīya obhā pṛṇantī pitror upasthā // (5.2) Par.?
eved eṣā purutamā dṛśe kaṃ nājāmiṃ na pari vṛṇakti jāmim / (6.1) Par.?
arepasā tanvā śāśadānā nārbhād īṣate na maho vibhātī // (6.2) Par.?
abhrāteva puṃsa eti pratīcī gartārug iva sanaye dhanānām / (7.1) Par.?
jāyeva patya uśatī suvāsā uṣā hasreva ni riṇīte apsaḥ // (7.2) Par.?
svasā svasre jyāyasyai yonim āraig apaity asyāḥ praticakṣyeva / (8.1) Par.?
vyucchantī raśmibhiḥ sūryasyāñjy aṅkte samanagā iva vrāḥ // (8.2) Par.?
āsām pūrvāsām ahasu svasṝṇām aparā pūrvām abhy eti paścāt / (9.1) Par.?
tāḥ pratnavan navyasīr nūnam asme revad ucchantu sudinā uṣāsaḥ // (9.2) Par.?
pra bodhayoṣaḥ pṛṇato maghony abudhyamānāḥ paṇayaḥ sasantu / (10.1) Par.?
revad uccha maghavadbhyo maghoni revat stotre sūnṛte jārayantī // (10.2) Par.?
aveyam aśvaid yuvatiḥ purastād yuṅkte gavām aruṇānām anīkam / (11.1) Par.?
vi nūnam ucchād asati pra ketur gṛhaṃ gṛham upa tiṣṭhāte agniḥ // (11.2) Par.?
ut te vayaś cid vasater apaptan naraś ca ye pitubhājo vyuṣṭau / (12.1) Par.?
amā sate vahasi bhūri vāmam uṣo devi dāśuṣe martyāya // (12.2) Par.?
astoḍhvaṃ stomyā brahmaṇā me 'vīvṛdhadhvam uśatīr uṣāsaḥ / (13.1) Par.?
yuṣmākaṃ devīr avasā sanema sahasriṇaṃ ca śatinaṃ ca vājam // (13.2) Par.?
Duration=0.10270214080811 secs.