Texts

Help

Select a text:
Bibliography
Select a chapter:
 (no revisions)
Associated topic(s): Indra

Show parallels  Show headlines
Use dependency labeler
Chapter id: 11310
  • Click on a sentence to show its analysis
  • Keep the mouse pointer over a lemma to show its meanings.
ā no viśvāsu havya indraḥ samatsu bhūṣatu / (1.1) Par.?
upa brahmāṇi savanāni vṛtrahā paramajyā ṛcīṣamaḥ // (1.2) Par.?
tvaṃ dātā prathamo rādhasām asy asi satya īśānakṛt / (2.1) Par.?
tuvidyumnasya yujyā vṛṇīmahe putrasya śavaso mahaḥ // (2.2) Par.?
brahmā ta indra girvaṇaḥ kriyante anatidbhutā / (3.1) Par.?
imā juṣasva haryaśva yojanendra yā te amanmahi // (3.2) Par.?
tvaṃ hi satyo maghavann anānato vṛtrā bhūri nyṛñjase / (4.1) Par.?
sa tvaṃ śaviṣṭha vajrahasta dāśuṣe 'rvāñcaṃ rayim ā kṛdhi // (4.2) Par.?
tvam indra yaśā asy ṛjīṣī śavasas pate / (5.1) Par.?
tvaṃ vṛtrāṇi haṃsy apratīny eka id anuttā carṣaṇīdhṛtā // (5.2) Par.?
tam u tvā nūnam asura pracetasaṃ rādho bhāgam ivemahe / (6.1) Par.?
mahīva kṛttiḥ śaraṇā ta indra pra te sumnā no aśnavan // (6.2) Par.?
Duration=0.026443004608154 secs.