Texts

Help

Select a text:
Bibliography
Select a chapter:
 (no revisions)
Associated topic(s): Mitra

Show parallels  Show headlines
Use dependency labeler
Chapter id: 10218
  • Click on a sentence to show its analysis
  • Keep the mouse pointer over a lemma to show its meanings.
mitro janān yātayati bruvāṇo mitro dādhāra pṛthivīm uta dyām / (1.1) Par.?
mitraḥ kṛṣṭīr animiṣābhi caṣṭe mitrāya havyaṃ ghṛtavaj juhota // (1.2) Par.?
pra sa mitra marto astu prayasvān yas ta āditya śikṣati vratena / (2.1) Par.?
na hanyate na jīyate tvoto nainam aṃho aśnoty antito na dūrāt // (2.2) Par.?
anamīvāsa iﾱayā madanto mitajñavo varimann ā pṛthivyāḥ / (3.1) Par.?
ādityasya vratam upakṣiyanto vayam mitrasya sumatau syāma // (3.2) Par.?
ayam mitro namasyaḥ suśevo rājā sukṣatro ajaniṣṭa vedhāḥ / (4.1) Par.?
tasya vayaṃ sumatau yajñiyasyāpi bhadre saumanase syāma // (4.2) Par.?
mahāṁ ādityo namasopasadyo yātayajjano gṛṇate suśevaḥ / (5.1) Par.?
tasmā etat panyatamāya juṣṭam agnau mitrāya havir ā juhota // (5.2) Par.?
mitrasya carṣaṇīdhṛto 'vo devasya sānasi / (6.1) Par.?
dyumnaṃ citraśravastamam // (6.2) Par.?
abhi yo mahinā divam mitro babhūva saprathāḥ / (7.1) Par.?
abhi śravobhiḥ pṛthivīm // (7.2) Par.?
mitrāya pañca yemire janā abhiṣṭiśavase / (8.1) Par.?
sa devān viśvān bibharti // (8.2) Par.?
mitro deveṣv āyuṣu janāya vṛktabarhiṣe / (9.1) Par.?
iṣa iṣṭavratā akaḥ // (9.2) Par.?
Duration=0.1175799369812 secs.