Texts

Help

Select a text:
Bibliography
Select a chapter:
 (no revisions)
Associated topic(s): Agni

Show parallels  Show headlines
Use dependency labeler
Chapter id: 10177
  • Click on a sentence to show its analysis
  • Keep the mouse pointer over a lemma to show its meanings.
ā vo rājānam adhvarasya rudraṃ hotāraṃ satyayajaṃ rodasyoḥ / (1.1) Par.?
agnim purā tanayitnor acittāddhiraṇyarūpam avase kṛṇudhvam // (1.2) Par.?
ayaṃ yoniś cakṛmā yaṃ vayaṃ te jāyeva patya uśatī suvāsāḥ / (2.1) Par.?
arvācīnaḥ parivīto ni ṣīdemā u te svapāka pratīcīḥ // (2.2) Par.?
āśṛṇvate adṛpitāya manma nṛcakṣase sumṛᄆīkāya vedhaḥ / (3.1) Par.?
devāya śastim amṛtāya śaṃsa grāveva sotā madhuṣud yam īḍe // (3.2) Par.?
tvaṃ cin naḥ śamyā agne asyā ṛtasya bodhy ṛtacit svādhīḥ / (4.1) Par.?
kadā ta ukthā sadhamādyāni kadā bhavanti sakhyā gṛhe te // (4.2) Par.?
kathā ha tad varuṇāya tvam agne kathā dive garhase kan na āgaḥ / (5.1) Par.?
kathā mitrāya mīḍhuṣe pṛthivyai bravaḥ kad aryamṇe kad bhagāya // (5.2) Par.?
kad dhiṣṇyāsu vṛdhasāno agne kad vātāya pratavase śubhaṃye / (6.1) Par.?
parijmane nāsatyāya kṣe bravaḥ kad agne rudrāya nṛghne // (6.2) Par.?
kathā mahe puṣṭimbharāya pūṣṇe kad rudrāya sumakhāya havirde / (7.1) Par.?
kad viṣṇava urugāyāya reto bravaḥ kad agne śarave bṛhatyai // (7.2) Par.?
kathā śardhāya marutām ṛtāya kathā sūre bṛhate pṛcchyamānaḥ / (8.1) Par.?
prati bravo 'ditaye turāya sādhā divo jātavedaś cikitvān // (8.2) Par.?
ṛtena ṛtaṃ niyatam īḍa ā gor āmā sacā madhumat pakvam agne / (9.1) Par.?
kṛṣṇā satī ruśatā dhāsinaiṣā jāmaryeṇa payasā pīpāya // (9.2) Par.?
ṛtena hi ṣmā vṛṣabhaś cid aktaḥ pumāṁ agniḥ payasā pṛṣṭhyena / (10.1) Par.?
aspandamāno acarad vayodhā vṛṣā śukraṃ duduhe pṛśnir ūdhaḥ // (10.2) Par.?
ṛtenādriṃ vy asan bhidantaḥ sam aṅgiraso navanta gobhiḥ / (11.1) Par.?
śunaṃ naraḥ pari ṣadann uṣāsam āviḥ svar abhavaj jāte agnau // (11.2) Par.?
ṛtena devīr amṛtā amṛktā arṇobhir āpo madhumadbhir agne / (12.1) Par.?
vājī na sargeṣu prastubhānaḥ pra sadam it sravitave dadhanyuḥ // (12.2) Par.?
mā kasya yakṣaṃ sadam iddhuro gā mā veśasya praminato māpeḥ / (13.1) Par.?
mā bhrātur agne anṛjor ṛṇaṃ ver mā sakhyur dakṣaṃ ripor bhujema // (13.2) Par.?
rakṣā ṇo agne tava rakṣaṇebhī rārakṣāṇaḥ sumakha prīṇānaḥ / (14.1) Par.?
prati ṣphura vi ruja vīḍv aṃho jahi rakṣo mahi cid vāvṛdhānam // (14.2) Par.?
ebhir bhava sumanā agne arkair imān spṛśa manmabhiḥ śūra vājān / (15.1) Par.?
uta brahmāṇy aṅgiro juṣasva saṃ te śastir devavātā jareta // (15.2) Par.?
etā viśvā viduṣe tubhyaṃ vedho nīthāny agne niṇyā vacāṃsi / (16.1) Par.?
nivacanā kavaye kāvyāny aśaṃsiṣam matibhir vipra ukthaiḥ // (16.2) Par.?
Duration=0.10783696174622 secs.