Texts

Help

Select a text:
Bibliography
Select a chapter:
 (no revisions)
Associated topic(s): Soma

Show parallels  Show headlines
Use dependency labeler
Chapter id: 11140
  • Click on a sentence to show its analysis
  • Keep the mouse pointer over a lemma to show its meanings.
2 parallel or similar passage(s) in this chapter
purojitī vo andhasaḥ sutāya mādayitnave / (1.1) Par.?
apa śvānaṃ śnathiṣṭana sakhāyo dīrghajihvyam // (1.2) Par.?
yo dhārayā pāvakayā pariprasyandate sutaḥ / (2.1) Par.?
indur aśvo na kṛtvyaḥ // (2.2) Par.?
taṃ duroṣam abhī naraḥ somaṃ viśvācyā dhiyā / (3.1) Par.?
yajñaṃ hinvanty adribhiḥ // (3.2) Par.?
sutāso madhumattamāḥ somā indrāya mandinaḥ / (4.1) Par.?
pavitravanto akṣaran devān gacchantu vo madāḥ // (4.2) Par.?
indur indrāya pavata iti devāso abruvan / (5.1) Par.?
vācaspatir makhasyate viśvasyeśāna ojasā // (5.2) Par.?
sahasradhāraḥ pavate samudro vācamīṅkhayaḥ / (6.1) Par.?
somaḥ patī rayīṇāṃ sakhendrasya dive dive // (6.2) Par.?
ayam pūṣā rayir bhagaḥ somaḥ punāno arṣati / (7.1) Par.?
patir viśvasya bhūmano vy akhyad rodasī ubhe // (7.2) Par.?
sam u priyā anūṣata gāvo madāya ghṛṣvayaḥ / (8.1) Par.?
somāsaḥ kṛṇvate pathaḥ pavamānāsa indavaḥ // (8.2) Par.?
ya ojiṣṭhas tam ā bhara pavamāna śravāyyam / (9.1) Par.?
yaḥ pañca carṣaṇīr abhi rayiṃ yena vanāmahai // (9.2) Par.?
somāḥ pavanta indavo 'smabhyaṃ gātuvittamāḥ / (10.1) Par.?
mitrāḥ suvānā arepasaḥ svādhyaḥ svarvidaḥ // (10.2) Par.?
suṣvāṇāso vy adribhiś citānā gor adhi tvaci / (11.1) Par.?
iṣam asmabhyam abhitaḥ sam asvaran vasuvidaḥ // (11.2) Par.?
ete pūtā vipaścitaḥ somāso dadhyāśiraḥ / (12.1) Par.?
sūryāso na darśatāso jigatnavo dhruvā ghṛte // (12.2) Par.?
pra sunvānasyāndhaso marto na vṛta tad vacaḥ / (13.1) Par.?
apa śvānam arādhasaṃ hatā makhaṃ na bhṛgavaḥ // (13.2) Par.?
ā jāmir atke avyata bhuje na putra oṇyoḥ / (14.1) Par.?
ā
indecl.
jāmi
n.s.m.
atka
l.s.m.
vye
3. sg., them. aor.
root
bhuj
Inf., indecl.
na
indecl.
putra
n.s.m.
oṇi.
l.d.m.
saraj jāro na yoṣaṇāṃ varo na yonim āsadam // (14.2) Par.?
sṛ
3. sg., Aor. inj.
root
jāra
n.s.m.
na
indecl.
vara
n.s.m.
na
indecl.
yoni
ac.s.f.
āsad.
Inf., indecl.
sa vīro dakṣasādhano vi yas tastambha rodasī / (15.1) Par.?
hariḥ pavitre avyata vedhā na yonim āsadam // (15.2) Par.?
avyo vārebhiḥ pavate somo gavye adhi tvaci / (16.1) Par.?
kanikradad vṛṣā harir indrasyābhy eti niṣkṛtam // (16.2) Par.?
Duration=0.077531099319458 secs.